Un quarantenat de vilas faràn a l’encòp la 19a Dictada Occitana
Se tracta d’una jornada de promocion de la lenga e la cultura occitanas que consistís a realizar una dictada amb de prèmis pels participants
Dictada Occitana a Barcelona, 31 de genièr de 2015 | CAOC
Dissabte 30 de genièr se debanarà la 19a Dictada Occitana dins un quarantenat de vilas d’Occitània, als Païses Catalans (Barcelona, Valéncia e Palma) e tanben a París. Dins la màger part dels cases, las dictadas se faràn a l’encòp.
Se tracta d’una jornada de promocion de la lenga e la cultura occitanas que consistís a realizar una dictada amb de prèmis pels participants. Organizada pel primièr còp en 1998 pel Centre Occitan del País Castrés, la dictada se fa cada an, normalament lo darrièr dissabte de genièr.
A l’entorn de la dictada, dins la majoritat de las vilas ont se fa, se debanaràn mantas activitats coma de musica, de balètis, de teatre, de conferéncias, etc.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Dins aquesta tièra , manca la dictada que se farà a Sant Pons (entre Besièrs e Masamet)
Vaquí çò qu'ai recebut :
Al programe :
• Tre 2h : acuèlh dels participants
• 2h30 : acuèlh de las personalitats
• 2h45 : Mot de benvenguda, alocucions de las personalitats e instruccions per la dictada
• 3h15 : Dictada - Escrich d’una femna d’Erau
• 3h25 : Vespralhon ofèrt als dròlles, venda de còcas
• 4h40 : Espectacle (pendant la correccion de las còpias per la jurada)
• 5h30 : Anóncia de las resultas e remisa dels prèmis.
• 6h : « Tisana dels gavaches »
Tota la vesprada : estands de venda de libres, disques, DVD, produches del terrador.
Se vos volètz marcar a la dictada de San-Ponç-de-Tomièras, podètz sonar al 06 83 05 32 47 o mandar un mèl a denis.plancade@aliceadsl.fr de precisar lo vòstre nom d’ostal, lo vòstre pichòt nom, lo numèro de telefòn ont vos podèm jónher, e la categoria ont vos anatz presentar. Una autorisacion parentala es d’emplenar se los mainatges son pas acompanhats dels parents o d’un regent (de gaitar en pèça çai-jointa).
Es una granda escasença per far visible la lenga occitana. En vertat que caldriá mai de preséncia mediatica per çò que qual autre eveniment en rapòrt a la lenga arriba a mai de 40 vilas europèas a l'encòp?
I a fòrça monde que volon pas anar a la dictada perque se pensan pas a la nautor, pensan que sabon pas pro escriure la lenga... Mas son pas ren obligats de s'inscruire, çò important qu'es sonque d'èsser au demiei de nautres per la defensa de l'occitan... per qu'aquò venguesse quicòm de mediatica e que faguèsse avancar las nòstras demandas de reconoissença.... Coma disiá l'autre, çò important es pas de ganhar, sonque de participar, sem pas a la dictada francimanda de Mosenh Pivot! ;-)
En esperar de vos i vèser lo sabte que ven!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Dins aquesta tièra , manca la dictada que se farà a Sant Pons (entre Besièrs e Masamet)
Vaquí çò qu'ai recebut :
Al programe :
• Tre 2h : acuèlh dels participants
• 2h30 : acuèlh de las personalitats
• 2h45 : Mot de benvenguda, alocucions de las personalitats e instruccions per la dictada
• 3h15 : Dictada - Escrich d’una femna d’Erau
• 3h25 : Vespralhon ofèrt als dròlles, venda de còcas
• 4h40 : Espectacle (pendant la correccion de las còpias per la jurada)
• 5h30 : Anóncia de las resultas e remisa dels prèmis.
• 6h : « Tisana dels gavaches »
Tota la vesprada : estands de venda de libres, disques, DVD, produches del terrador.
Se vos volètz marcar a la dictada de San-Ponç-de-Tomièras, podètz sonar al 06 83 05 32 47 o mandar un mèl a denis.plancade@aliceadsl.fr de precisar lo vòstre nom d’ostal, lo vòstre pichòt nom, lo numèro de telefòn ont vos podèm jónher, e la categoria ont vos anatz presentar. Una autorisacion parentala es d’emplenar se los mainatges son pas acompanhats dels parents o d’un regent (de gaitar en pèça çai-jointa).
Es una granda escasença per far visible la lenga occitana. En vertat que caldriá mai de preséncia mediatica per çò que qual autre eveniment en rapòrt a la lenga arriba a mai de 40 vilas europèas a l'encòp?
I a fòrça monde que volon pas anar a la dictada perque se pensan pas a la nautor, pensan que sabon pas pro escriure la lenga... Mas son pas ren obligats de s'inscruire, çò important qu'es sonque d'èsser au demiei de nautres per la defensa de l'occitan... per qu'aquò venguesse quicòm de mediatica e que faguèsse avancar las nòstras demandas de reconoissença.... Coma disiá l'autre, çò important es pas de ganhar, sonque de participar, sem pas a la dictada francimanda de Mosenh Pivot! ;-)
En esperar de vos i vèser lo sabte que ven!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari