Actualitats
Frejús: fin finala los musulmans auràn lor mosqueta
Lo jutge del Conselh d’Estat a ordenat dirèctament al prefècte d’utilizar son poder per dobrir lo luòc de pregària... que tròba una oposicion obsessiva del prmièr cònsol FN
Los musulmans de Frejús (Esterèu) auràn lor mosqueta fin finala. L’an construcha e acabada en agost passat dins lo quartièr de la Gabèla. Mas la comunautat musulmana de la vila se tròba dempuèi qualques annadas amb l’oposicion del primièr cònsol, lo frontista David Rachline, que refusa las disposicions repetidas del Conselh d’Estat. Mas dimars passat, lo jutge del Conselh d’Estat ordenèt dirèctament al prefècte del departament de far usatge de son poder ierarquic per permetre la dobertura del luòc de pregària.
Lo cònsol ultradrechista, obsedit contra aquel projècte, contèsta las condicions dins las qualas l’edifici religiós foguèt construch. En agost passat, un còp los trabalhs acabats, lo cònsol refusèt de liurar a l’associacion dels musulmans de la vila lo consentiment necessari. De recors en recors, lo Conselh d’Estat emetèt lo 9 de novembre passat una ordenança que daissava uèch jorns al cònsol de Frejús per liurar aquela autorizacion, senon, el s’expausava a una multa de 500 èuros per jorn. La jurisdiccion soslinhava alavetz que las 650 personas que s’amassavan cada divendres davant la mosqueta de Frejús dispausavan pas de ges d’autre luòc de culte adaptat a mens de quinze quilomètres. Ça que la, Rachline a totjorn refusat la decision del Conselh d’Estat.
Una obsession islamofòba dempuèi 2011
Dempuèi abril de 2011, la comuna a cercat totes los arguments legals per empedir la construccion de la mosqueta. Rachline ne faguèt un tèma de campanha electorala e prometèt quitament un referendum sus aquel sicut.
Un dels primièrs obstacles que la comunautat musulmana de Frejús trobèt, foguèt en 2014, quand la comuna faguèt arrestar la construccion de la mosqueta. Alavetz, tant lo cònsol coma lo blòg ultradrechista Fdesouche se batián per mostrar qual era lo mai islamofòb. Tant lo Front Nacional coma lo blòg Fdesouche se vantavan de n’aver arrestat la construccion, o raportèrem sus Jornalet.
Alavetz lo projècte èra dins son tresen an de gestacion quand Rachline ordenèt la primièra suspension dels trabalhs. Aquela volontat de privar la populacion musulmana d’un luòc per pregar seguissiá la pression que s’èra facha dempuèi Fdesouche. Aquel blòg d’extrèma drecha es fondat per Pierre Sautarel e es un dels pilars de la comunicacion numerica de l’extrèma drecha francista. Revendica mai d’80 000 vesitaires unics per jorn e ten una granda influéncia dins la basa electorala de l’FN.
Lo cònsol ultradrechista, obsedit contra aquel projècte, contèsta las condicions dins las qualas l’edifici religiós foguèt construch. En agost passat, un còp los trabalhs acabats, lo cònsol refusèt de liurar a l’associacion dels musulmans de la vila lo consentiment necessari. De recors en recors, lo Conselh d’Estat emetèt lo 9 de novembre passat una ordenança que daissava uèch jorns al cònsol de Frejús per liurar aquela autorizacion, senon, el s’expausava a una multa de 500 èuros per jorn. La jurisdiccion soslinhava alavetz que las 650 personas que s’amassavan cada divendres davant la mosqueta de Frejús dispausavan pas de ges d’autre luòc de culte adaptat a mens de quinze quilomètres. Ça que la, Rachline a totjorn refusat la decision del Conselh d’Estat.
Una obsession islamofòba dempuèi 2011
Dempuèi abril de 2011, la comuna a cercat totes los arguments legals per empedir la construccion de la mosqueta. Rachline ne faguèt un tèma de campanha electorala e prometèt quitament un referendum sus aquel sicut.
Un dels primièrs obstacles que la comunautat musulmana de Frejús trobèt, foguèt en 2014, quand la comuna faguèt arrestar la construccion de la mosqueta. Alavetz, tant lo cònsol coma lo blòg ultradrechista Fdesouche se batián per mostrar qual era lo mai islamofòb. Tant lo Front Nacional coma lo blòg Fdesouche se vantavan de n’aver arrestat la construccion, o raportèrem sus Jornalet.
Alavetz lo projècte èra dins son tresen an de gestacion quand Rachline ordenèt la primièra suspension dels trabalhs. Aquela volontat de privar la populacion musulmana d’un luòc per pregar seguissiá la pression que s’èra facha dempuèi Fdesouche. Aquel blòg d’extrèma drecha es fondat per Pierre Sautarel e es un dels pilars de la comunicacion numerica de l’extrèma drecha francista. Revendica mai d’80 000 vesitaires unics per jorn e ten una granda influéncia dins la basa electorala de l’FN.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 Ieu vese una conquista "d'occitania" per de flics, mai que mai. Per l'estat d'urgéncia. Per lo brave racisme anti arabe qu'aviam rejonch en per aquí, en cas de quicòm. Per una ideologia faicista, portada tanben per d'occitanistas, portada per una classa mejana desvariada que se caga per sa malurosa retirada, que saique benlèu aimariá mai se la passar plan planeta jota un govèrnament policièr.
me fai gaug d'apendre que lo jornalet condamna lo blasfèma, non pas a mort quora lo chivalier de la Barra siguèt executat per aguer gardar lo capèu sus tèsta davant lei relicles d'un sant, mai à èstre censurat per comparar una mosquèia a un tavan merdassier, ço qu'es belèu una comparason d'un gost dobtós o un image dificil a empassar, mai d'"aqui à leu suprimir aquest comentari que partie dau mot mosqueta -catalan, mai non oc, que disèm mosquèa, mosquèia e qu'una una gròssa molsca pòt èstre un tavan merdassier (mouche à merde ) en francés
#5 Fasètz referéncia al FN plan segur.
Ai legit endacòm qu'en Catalonha los imans èran pas de catalanistas acarnassits. Disi aquò per simpla digression.
#5 Occitània es ben conquistada, mossur, mas cresi que vos enganatz de conquistaire. Paura Euròpa, breç del faissisme
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari