Actualitats
La justícia espanhòla a absolgut un presonièr politic basco 16 ans après sa condemnacion
La Cort Suprèma reconeis qu’un sol testimoniatge se pòt pas considerar coma una pròva
La justícia espanhòla a absolgut lo ciutadan basco Karlos García Preciado, sètze ans après èsser condemnat, çò rapòrta Naiz.info. García Preciado foguèt condemnat en l’an 2000, justament a 16 ans de preson, en essent acusat de far partida d’un grop que lancèt de coctèls Molotov dins los locals d’una banca. La senténcia se basèt solament sul testimoniatge d’una persona.
Dijòus passat, la Cort Suprèma espanhòla considerèt favorablament la peticion d’absolucion de l’avocat de la defensa, pr’amor qu’aquel meteis tribunal aviá establit en junh de 2015 qu’una declaracion davant la polícia per un sol testimòni èra pas valida coma pròva.
Karlos García Preciado se tròba ara dins una preson a Roma, ont espèra d’èsser mes lèu-lèu en libertat. El s’èra exiliat en 2000 per evitar son empresonament, e foguèt recercat internacionalament, del temps que los mèdias espanhòls lo presentavan coma un membre d’ÈTA. L’avián arrestat en febrièr de 2015 en Itàlia.
Dijòus passat, la Cort Suprèma espanhòla considerèt favorablament la peticion d’absolucion de l’avocat de la defensa, pr’amor qu’aquel meteis tribunal aviá establit en junh de 2015 qu’una declaracion davant la polícia per un sol testimòni èra pas valida coma pròva.
Karlos García Preciado se tròba ara dins una preson a Roma, ont espèra d’èsser mes lèu-lèu en libertat. El s’èra exiliat en 2000 per evitar son empresonament, e foguèt recercat internacionalament, del temps que los mèdias espanhòls lo presentavan coma un membre d’ÈTA. L’avián arrestat en febrièr de 2015 en Itàlia.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los ciutadans basques militants per l'independéncia e la revolucion proletariana non m'an pas jamai terrorisat, estant que non soi pas jamai estat ni policièr ni militari espanhòl o francés, ni prefècte ni res mai qu'atese de la dominacion de França o d'Espanha sus Euskadí…
Recordarem que los que reistiguèron a l'ocupacion nacional-socialista, dins l'exagòn, en 39-45, lo governament de Veichei los qualificava tanplan de "terroristas, mentre qu'èra l'armada nazi e la santa puta de Milícia veichista que terrorisavan las populacions civilas.
Cada militant armat per una causa justa es lo terrorista de qualqu'un mai que s'opausa per lla lei e sas armas oficialas a las idèas del primièr, mai qu'aja lo segond, lo poder.
Cada armada, que siá oficiala o clandestina, es concebuda per terrorisar l'enemic (o al mens lo que passa per tal dins la propaganda oficiala…)
Lo mai clar del temps, los militants bascas causissián ciblas militàrias (las de l'armada d'ocupacion de lor país…). Sonque quora acabèron per ciblar gents del comun, innocentas de cap a l'ocupacion d'Euskadi, s'ameritan lo qualificatiu mespresant de "teroristas". E son estats una estricta minoritat dins lo moviment.
#2 Lo vòste comentari qu'ei simplista. Lo terrorisme que s'amerita ua analisi, ua reflexion sus las soas arraditz.
#2 question zadista: alavetz los CRS son de terroristas?
"Prisonièr politic" en Espanha coma en França las leis garantisson la libertat d'expression, los qu'utilisan la violença son de TERRORISTAS e meritan pas que nòstre mespres !
Espanha, democracia que rima amb nha nha
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari