Actualitats
Un universitari provençal es enseguit en justícia per citar ironicament de prepauses dobtoses de Manuel Valls
La comunautat universitària denóncia una inculpacion “deliberadament infamanta”
L’universitari provençal Bernard Mezzadri es enseguit per aver fach d’ironia contra lo primièr ministre francés, Manuel Valls, dins una lista de discussion privada sus Internet. Compareguèt ièr davant lo tribunal correccional d’Avinhon.
Antropològ e especialista de mitologia, aquel universitari originari de Chastèu Arnós e mèstre de conferéncias a l’universitat d’Avinhon, publiquèt en mai de 2015 un messatge sus una lista de discussion intèrna reservada als ensenhaires-cercaires e personals de l’Universitat d’Avinhon, nomenada “debat-uapv”. En ocasion del rescontre d’una delegacion de l’universitat venaicina amb lo primièr ministre francés, Mezzadri remembrèt ironicament los prepauses dobtoses de Valls sul mercat d’Évry (Illa de França), que Valls n’èra alavetz lo primièr cònsol. L’escrich de Mezzadri disiá: “Espère qu’en aquela granda ocasion, la delegacion de l’Universitat d’Avinhon e dau País de Vauclusa comptarà pron de «blancos» (e pas tròp de morets), per donar pas un imatge tròp marrit dau nòstre establiment.”
Puèi, lo qu’èra alavetz president de l’establiment universitari, Emmanuel Éthis, amb son servici juridic, “senhalèron” al procuraire de la republica aquela contribucion. E mai se l’intencion evidenta de Mezzadri èra de denonciar sarcasticament de prepauses dobtoses de Manuel Valls, la justícia acusa l’universitari provençal d’aver “provocat a la discriminacion, a l’òdi o a la violéncia a l’esgard d’una persona o d’un grop de personas en rason de lor origina de lor apertenéncia o de lor non-apertenéncia a una etnia, una nacion, una raça o una religion determinada”
Una peticion de sosten en linha
D’universitaris de pertot an lançat una peticion en linha per sosténer Mezzadri en demandant lo relaxament pur e simple del professor provençal.
Los signataris denóncian lo comportament de las autoritats de l’Universitat d’Avinhon e de son president d’alavetz que, segon eles, “metèron en question la libertat de pensada” amb “una sordida temptativa d’intimidacion”. Denóncian tanplan la decision del procuraire e la causida del cap d’inculpacion, que considèran “deliberadament infamanta pr’amor qu’atribuís calomniosament al prevengut d’idèas e d’intencions contràrias a çò qu’el a totjorn defendut”.
Peticion de sosten a Bernard Mezzadri
France Bleu: Un professeur d'université ironise et se retrouve face à la justice pour provocation à la haine raciale
Libération: Bernard Mezzadri, c’est lui qui l’a dit
Antropològ e especialista de mitologia, aquel universitari originari de Chastèu Arnós e mèstre de conferéncias a l’universitat d’Avinhon, publiquèt en mai de 2015 un messatge sus una lista de discussion intèrna reservada als ensenhaires-cercaires e personals de l’Universitat d’Avinhon, nomenada “debat-uapv”. En ocasion del rescontre d’una delegacion de l’universitat venaicina amb lo primièr ministre francés, Mezzadri remembrèt ironicament los prepauses dobtoses de Valls sul mercat d’Évry (Illa de França), que Valls n’èra alavetz lo primièr cònsol. L’escrich de Mezzadri disiá: “Espère qu’en aquela granda ocasion, la delegacion de l’Universitat d’Avinhon e dau País de Vauclusa comptarà pron de «blancos» (e pas tròp de morets), per donar pas un imatge tròp marrit dau nòstre establiment.”
Puèi, lo qu’èra alavetz president de l’establiment universitari, Emmanuel Éthis, amb son servici juridic, “senhalèron” al procuraire de la republica aquela contribucion. E mai se l’intencion evidenta de Mezzadri èra de denonciar sarcasticament de prepauses dobtoses de Manuel Valls, la justícia acusa l’universitari provençal d’aver “provocat a la discriminacion, a l’òdi o a la violéncia a l’esgard d’una persona o d’un grop de personas en rason de lor origina de lor apertenéncia o de lor non-apertenéncia a una etnia, una nacion, una raça o una religion determinada”
Una peticion de sosten en linha
D’universitaris de pertot an lançat una peticion en linha per sosténer Mezzadri en demandant lo relaxament pur e simple del professor provençal.
Los signataris denóncian lo comportament de las autoritats de l’Universitat d’Avinhon e de son president d’alavetz que, segon eles, “metèron en question la libertat de pensada” amb “una sordida temptativa d’intimidacion”. Denóncian tanplan la decision del procuraire e la causida del cap d’inculpacion, que considèran “deliberadament infamanta pr’amor qu’atribuís calomniosament al prevengut d’idèas e d’intencions contràrias a çò qu’el a totjorn defendut”.
Peticion de sosten a Bernard Mezzadri
France Bleu: Un professeur d'université ironise et se retrouve face à la justice pour provocation à la haine raciale
Libération: Bernard Mezzadri, c’est lui qui l’a dit
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquí la videò: https://www.youtube.com/watch?v=POA3fZaJypc
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari