Actualitats
Arnaldo Otegi sortirà de la preson lo 1r de març
La justícia espanhòla a avançat la liberacion del presonièr politic basco après que la defensa aja demandat de recomptar los jorns de condemnacion
La justícia espanhòla a avançat al 1r de març que ven la sortida de la preson de l’èx-pòrtavotz de Batasuna, Arnaldo Otegi. La data iniciala èra lo 28 de març. Aquel cambiament de data se produtz après que l’avocat del presonièr politic basco aja reclamat que se descompten los jorns de totas las compareissenças qu’Otegi faguèt als tribunals dempuèi que foguèt arrestat en 2009, dins l’encastre de l’operacion Bateragune, fins que foguèt condemnat a la preson dos ans puèi.
Ça que la, Otegi poirà pas ocupar cap de carga publica fins en febrièr de 2017. Dins un primièr moment, l’estat espanhòl l’inabilitèt politicament fins en 2020 mas Otegi demandèt l’opinion de la Cort Europèa dels Dreches Umans.
Arnaldo Otegi es en preson dempuèi octòbre de 2009 “pr’amor qu’a participat a la dobertura d’un periòde novèl de despassament de la violéncia al Bascoat”. Lo cap independentista basco es acusat d’aver ensajat de rebastir lo partit illegalizat Batasuna. L’acusan d’incitacion al terrorisme per lo vidèo d’un acte politic del sieu partit politic Batasuna. Solament a causa d’aquò foguèt condemnat a sèt ans de preson.
L’enjòc politic que pòt aver lo Bascoat amb sa libertat pòt èsser grand pr’amor que plan d’analistas afirman que, s’Otegi podiá participar politicament a qualques eleccions de la comunautat autonòma basca, vendriá, plan probable, lo nòu Lehendakari o president, çò que causariá un problèma de mai per l’estat espanhòl, qu’ara ja n’a un de grand amb Catalonha e lo sieu procès independentista. Es ben probable qu’Otegi ne començariá un autre al Bascoat.
“Un escàndol juridic monumental”
En julhet passat se presentèt a Barcelona una campanha internacionala per la liberacion d’Otegi. Dins la presentacion, l’avocat catalan August Gil Matamala diguèt que la condemnacion d’Otegi “es un escàndol juridic monumental”. “Otegi rèsta en preson sens cap de pròva que siá jamai intrat dins una banda armada”, çò precisèt. Dins aquel acte de Barcelona, celebrat al sèti del CIEMÈN, se presentèt la campanha internacionala nomenada “Libertat per Arnaldo Otegi, Presonièrs Bascos en Cò Lor”. Que revendica la liberacion del politician basco e lo transferiment dels presonièrs politics bascos a de presons del Bascoat, coma o garentís la lei espanhòla.
Christian Andreu / redaccion
Ça que la, Otegi poirà pas ocupar cap de carga publica fins en febrièr de 2017. Dins un primièr moment, l’estat espanhòl l’inabilitèt politicament fins en 2020 mas Otegi demandèt l’opinion de la Cort Europèa dels Dreches Umans.
Arnaldo Otegi es en preson dempuèi octòbre de 2009 “pr’amor qu’a participat a la dobertura d’un periòde novèl de despassament de la violéncia al Bascoat”. Lo cap independentista basco es acusat d’aver ensajat de rebastir lo partit illegalizat Batasuna. L’acusan d’incitacion al terrorisme per lo vidèo d’un acte politic del sieu partit politic Batasuna. Solament a causa d’aquò foguèt condemnat a sèt ans de preson.
L’enjòc politic que pòt aver lo Bascoat amb sa libertat pòt èsser grand pr’amor que plan d’analistas afirman que, s’Otegi podiá participar politicament a qualques eleccions de la comunautat autonòma basca, vendriá, plan probable, lo nòu Lehendakari o president, çò que causariá un problèma de mai per l’estat espanhòl, qu’ara ja n’a un de grand amb Catalonha e lo sieu procès independentista. Es ben probable qu’Otegi ne començariá un autre al Bascoat.
“Un escàndol juridic monumental”
En julhet passat se presentèt a Barcelona una campanha internacionala per la liberacion d’Otegi. Dins la presentacion, l’avocat catalan August Gil Matamala diguèt que la condemnacion d’Otegi “es un escàndol juridic monumental”. “Otegi rèsta en preson sens cap de pròva que siá jamai intrat dins una banda armada”, çò precisèt. Dins aquel acte de Barcelona, celebrat al sèti del CIEMÈN, se presentèt la campanha internacionala nomenada “Libertat per Arnaldo Otegi, Presonièrs Bascos en Cò Lor”. Que revendica la liberacion del politician basco e lo transferiment dels presonièrs politics bascos a de presons del Bascoat, coma o garentís la lei espanhòla.
Christian Andreu / redaccion
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Solidaritat amb lo ciutadan Otegi !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari