Es pròplèus dies 17, 18 e 19 d’agost se celèbre era hèira d’artesans dera Val d’Aran ‘Hèt a man, hèt aciu’ que compde damb era participacion de 27 artesans.

Ena hèira, ath delà de poder crompar productes artesans, se poderà vèir ua demostracion dera sua confeccion e era gent poderà participar en talhèrs de lan, ganchòt, pastisseria, pachwork, macramé, maquilhatge de fantasia, mòbils, ceramica, eca.
I aurà un capitèu de productes elaboradi en país dera mèrca de Garantia dera Val d’Aran a on se pòt trapar mèu, patè e òlha aranesa.

“Era identitat deth nòste país l’auem enes nòsti productes, e cau potenciar e promòir as artesans dera Val d’Aran entà, qu’ath delà d’ajudar a mantíer e promòir era identitat aranesa, poguen trebalhar” ce manifestèt Anna Díaz, conselhèra de Torisme, Comèrç e Consum deth Conselh Generau d’Aran.

Era hèira se plaçarà en Passèg dera Libertat de Vielha e serà dubèrta a compdar deth diuendres 17 d’agost, de 17h  a 21h, enquiath pròplèu dimenge 19 d’agost, d’11h a 21h.
 
 
 
 
Conselh Generau d’Aran