Actualitats
Cauma generala en Grècia contra la reforma de las pensions
La reforma l’impausan las entitats internacionalas de crèdit, que son a negociar la primièra revision del tresen salvament economic
Grècia visquèt ièr una cauma generala de 24 oras contra la reforma del sistèma de pensions que lo govèrn d’Alexis Tsipras es a la negociar amb los creditors internacionals. La protèsta se debanèt amb lo sosten dels principals sindicats del sector public e del privat, e se manifestèt dins un rassemblament nombrós al centre d’Atenas.
Syriza, qu’es lo partit del primièr ministre Tsipras, tanben sostenguèt la cauma e demandèt al govèrn de cedir pas a las demandas de retalhar las pensions. Son de demandas que las fan los creditors internacionals.
Las negociacions comencèron diluns passat. De representants del govèrn de Grècia amb las institucions de crèdit son a negociar la primièra revision del tresen salvament economic. La pèça clau d’aquelas negociacions, aquò’s la reforma del sistèma grèc de pensions.
Ièr i aguèt la tresena cauma generala dempuèi qu’Alexis Tsipras es al poder. Aqueste còp foguèt mai nombrosa gràcias a l’incorporacion del sector privat dins la protèsta.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ieu vesi pas lo salvament. Se Syriza es encara part de la esquèrra, an pas vergonha.
Lo tresen salvament economic ??? Qu'es aquò qu'es aquí salavat, se que non los interèsses privats d'unas bancas internacionalas ? De qual se trufan, los "creditors internacionals" ? Aquò's pas un salvament, mas es una execussion economica en règla. Amb Euròpa, o fasètz lo dicatator de dreita a pro pena mens qu'extèrma, o quitatz sulpic de far lo cap d'estat… Aquò's simple, non ? Euròpa es una dictatura de la finançalha, que la democracia i es mòrta, mòrta al quite endreit qu'i nasquèt.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari