L’Estancabra: un cafè cultural occitan a Tolosa e quicòm mai
Es en partenariat amb l’Hangar e prepausa una serada lo 20 de febrièr amb Alidé Sans, Primael Montgauzí, Arnaud Cance e Nelson Poblete
L'Estancabra se tròba al 42 de la carrièra dels Blanquièrs, a Tolosa
Quand Remèsi, del bar istoric tolosenc l’Estanquet de la Portièra, decidiguèt d’arrestar son activitat fa mai d’un an, de mond se trobèron coma d’orfanèls de lor cultura viva! Alara una ponhada de motivats daissèron un quasernòt sul bar per ensajar de far quicòm. De novèls motivats arribèron dins l’aventura. E tot aquel mond an començat per crear una associacion. D’idèas cresquèron e una dinamica nasquèt...
Ara l’associacion se compausa de mond que s’interèssan a la cultura e a la lenga occitanas, venguts d’orizonts divèrses. Aquel vintenat de personas ensajan de far viure la cultura a l’entorn de proposicions variadas amb un milierat d’aderents.
L’Estancabra s’es dobèrt a l’ancian Estanquet lo 8 de genièr per sièis meses. Es dobèrt lo divendres de 19h a 2h e lo dissabte de 19h a 3h. I podèm beure e manjar de bonas causas localas e biologicas. Tanben i podèm charrar en occitan! Cada divendres i podèm escotar la scèna dobèrta al caud davant la chaminada. E per plan començar la serada, de talhièrs d’occitan son prepausats cada dos divendres a partir de 19h30 per los qu’an l’enveja d’aprene la lenga! Cada dissabte de concèrts son organizats. Pro lèu arribaràn una programacion pels pichons occitanofòns e de seradas tematicas a l’entorn d’autras culturas...
En mai d’aquò, contunha lo partenariat amb l’associacion de l’Hangar. Aquel luòc permèt d’organizar d’eveniments mai bèls e de poder far descobrir o redescobrir de creacions occitanas actualas. Coma la bèla serada prevista lo dissabte 20 de febrièr a l’Hangar amb Alidé Sans, Primael Montgauzí, Arnaud Cance e Nelson Poblete.
L’Estancabra es tanben en relacion amb d’organizacions catalanas e bascas de Tolosa per poder trabalhar amassa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Hi som anat a lo estanquet abans, mas l'orari era molt noctur e pas d'horabaixa e lo vespre. La quala causa m'anava pas ben que coneissia pas Tolosa.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Hi som anat a lo estanquet abans, mas l'orari era molt noctur e pas d'horabaixa e lo vespre. La quala causa m'anava pas ben que coneissia pas Tolosa.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari