Actualitats
SLENGadOC, una emission que parla e fai parlar las Valadas
RBE prepausa una emission de ràdio per socializar la lenga dins las vals Cluson, Germanasca e Pèlitz
Tèxte legit
Dempuei lo mes de març passat, chasque divendres a 15h30, amb repeticion los dissandes a 10h10, los microfòns d'RBE amassan de testimoniatges en occitan dins las vals Cluson, Germanasca e Pèlitz.
SLENGadOC es una emission de ràdio que sòrt per charrieras per amassar de testimoniatges dels occitans del nòrd de las Valadas. Parlan de musica, de religion, de las montanhas, dels sobrenoms, de la situacion de uei lo jorn, del biais de viure e del trabalh.
Lo viatge comença dins la Val Cluson amb una seguia de 10 chapítols que cèrchan de far parlar una val de transit e d'economia agricòla florissenta, d'espòrt e de torisme. Lo mes de junh contunharà dins la Val Germanasca e per la tardor dins la Val Pèlitz.
SLENGadOC se pòt escotar en linha sus lo sit del programa.
M. Cerchavau
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari