Actualitats
Piget presenta Païsans de Roergue, un filme per la memòria del país
Rodat dins las annadas 1960 en 8mm, Piget Filmes l’a remasterizat amb los comentaris en occitan de l’autor
La còla de Piget Films presenta un document exepcional suls païsans occitans. S’agís d’un filme rodat en Roergue dins las annadas 1960 en 8mm color sens cap de son dirècte. Piget Films l’a remasterizat en i apondent los comentaris en occitan d’André Andrieu, autor del filme. Lo resultat es un documentari de 2h20 pedagogic e poetic per la memòria del país.
Lo filme, entitolat Païsans de Roergue, se presentarà en abans-primièra lo 20 de febrièr a Vilafranca de Roergue, rendètz-vos al Cinèma VOX a 14h.
Puèi lo DVD serà disponible dins los ponches de venta de cultura occitana e sus Internet. Dins lo dorsièr de premsa çai-jonch ne podetz veire maitas informacions.
Lo filme, entitolat Païsans de Roergue, se presentarà en abans-primièra lo 20 de febrièr a Vilafranca de Roergue, rendètz-vos al Cinèma VOX a 14h.
Puèi lo DVD serà disponible dins los ponches de venta de cultura occitana e sus Internet. Dins lo dorsièr de premsa çai-jonch ne podetz veire maitas informacions.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lai a quauques temps d'aquò, vès Rodés, Piget-pròd presentèt son projèct «La Seria». Quauqu'un sap ente ne'n son e si 'quò-es 'chabat de tornar? Se pòt trobar en DVD benliau?
Aquí le liam d'un petiòt filmonet de bon veire que presenta 'quèlh film: https://vimeo.com/155407032?from=outro-embed
Soi plan content. O cromparai. Òsca pel trabalh. D'abança soi segur de la qualitat del produch.
Mas ...
I a pas de sostitolatge en occitan (segon lo dorsièr de premsa). Francés, Anglés, Esperanto (bona idèia ! Verai). Mas l'Òc non, alara que se far mestièr tanben, subretot dins un encastre "pedagogic". E per ieu coma "consomator".
Disi aquò alara que i a de melhoraments ça que la : - l'occitan coma lenga de l'audiò - la possibilitat de causir sos sostítols.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari