Actualitats
Bordèu: “marcha blanca” contra los pesticidas
Plusors centenats de personas an protestat contra l’emplec de “cancerigèns” omologats
Se debanèt dimenge passat a Bordèu una “marcha blanca” per sensibilizar lo mond als perilhs dels pesticidas. Malgrat la pluèja, i participèron aperaquí 600 personas en respondent a la crida de la Confederacion Païsana e de plusors collectius del país, çò rapòrta Sud-Ouest.
“Uei, Gironda es mostrada deu det coma lo departament mei consumaire de pesticidas CMR (cancerigèns, mutagèns e reprotoxics), mes non es pas mei solament l’ahar deus viticultors, qu’èm tots concernits”, çò disián los organizaires de la marcha sus Facebook.
En seguida d’un documentari de Cash investigation
Aquela manifestacion s’organizèt a pena doas setmanas après la difusion per France Télévisions d’un reportatge del programa Cash investigation que tractava de multinacionalas de l’agroquimia coma Bayer, Monsanto o Syngenta. “Caliá absoludament har quauquarren hòrt lèu tant que lo gran public èra encara jos l’electrochòc provocat per l’emission”, çò reconeissiá Valérie Murat a l’AFP.
De mòrts per càncer
Murat, qu’èra coorganizaira de la marcha, declarava a l’AFP que “cau absoludament sensibilizar lo public a tots aqueths riscs per los salariats agricòlas e los vesins de las zònas polluidas. Quitament se certans lobbyistas utilizan la lor caucion scientifica entà semiar lo dobte dens los esperits. Aqueths son los medishs salariats de Monsanto o d’autes”. Cal soslinhar que son paire moriguèt en decembre de 2012 a causa d’un càncer que lo li reconeguèron coma malautiá professionala liada a l’utilizacion d’arsenit de sòdi.
Tanben Marie-Lys Bibeyran, coorganizaira de l’eveniment, declarava a l’agéncia francesa que “los damatges de l’agroquimia sus la santat publica en França b’es impossible de’us avalorar, pr’amor que i a ua sosrepresentacion reala deu nombre de salariats tocats, que non se manifèstan pas per paur de represalhas deus emplegaires o a causa d’ua simpla desconeishença de l’institucion judiciària”. Tanben cal saber que son fraire, Denis Bibeyran, èra un obrièr viticòla que moriguèt d’un càncer rar en 2009, e qu’ela se bat per far establir un ligam eventual entre la malautiá de son fraire e l’exposicion als pesticidas.
“Uei, Gironda es mostrada deu det coma lo departament mei consumaire de pesticidas CMR (cancerigèns, mutagèns e reprotoxics), mes non es pas mei solament l’ahar deus viticultors, qu’èm tots concernits”, çò disián los organizaires de la marcha sus Facebook.
En seguida d’un documentari de Cash investigation
Aquela manifestacion s’organizèt a pena doas setmanas après la difusion per France Télévisions d’un reportatge del programa Cash investigation que tractava de multinacionalas de l’agroquimia coma Bayer, Monsanto o Syngenta. “Caliá absoludament har quauquarren hòrt lèu tant que lo gran public èra encara jos l’electrochòc provocat per l’emission”, çò reconeissiá Valérie Murat a l’AFP.
De mòrts per càncer
Murat, qu’èra coorganizaira de la marcha, declarava a l’AFP que “cau absoludament sensibilizar lo public a tots aqueths riscs per los salariats agricòlas e los vesins de las zònas polluidas. Quitament se certans lobbyistas utilizan la lor caucion scientifica entà semiar lo dobte dens los esperits. Aqueths son los medishs salariats de Monsanto o d’autes”. Cal soslinhar que son paire moriguèt en decembre de 2012 a causa d’un càncer que lo li reconeguèron coma malautiá professionala liada a l’utilizacion d’arsenit de sòdi.
Tanben Marie-Lys Bibeyran, coorganizaira de l’eveniment, declarava a l’agéncia francesa que “los damatges de l’agroquimia sus la santat publica en França b’es impossible de’us avalorar, pr’amor que i a ua sosrepresentacion reala deu nombre de salariats tocats, que non se manifèstan pas per paur de represalhas deus emplegaires o a causa d’ua simpla desconeishença de l’institucion judiciària”. Tanben cal saber que son fraire, Denis Bibeyran, èra un obrièr viticòla que moriguèt d’un càncer rar en 2009, e qu’ela se bat per far establir un ligam eventual entre la malautiá de son fraire e l’exposicion als pesticidas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari