Actualitats
Tolosa: projècte de finançament collectiu per la Topina, un bar de tapas occitan
Un endrech de socializacion de la lenga occitana e un endrech cultural, festiu e convivial
La Topina es lo projècte d’un cafè associatiu dins l’Ostal d’Occitània: que prepausa del dimècres al dissabte, de 10h a 22h, de restauracion en promovent los produches labelizats occitans, lo comèrci equitable e lo biologic. Es tanben un endrech de socializacion de la lenga occitana e un endrech cultural, festiu e convivial.
Portat per Florent Salinié, que ganhèt son experiéncia a cosinar de tapas a Barcelona, e per l’associacion Menam de Bruch [Fasèm de Bruch], aquel bar de tapas occitan a lançat un finançament participatiu sul sit d’Ulule. La tòca es d’aténher, amb lo sosten de totes, los electrodomestics, plats, cobèrts, taulas e cadièras necessàrias e tanben las matèrias primièras per lançar l’activitat.
Per ajudar la Topina, tot simplament cal far un don dins lo sit d’Ulule, que serà recompensat amb de lescas, bevendas, talhièrs, etcetèra. En mai d’aquò, que podètz partejar la peticion de finançament.
L’importància dels bars occitans
Ajudar un projècte coma la Topina es important. Los centres de léser, d’expression e de cultura occitana son pas una anecdòta e poirián èsser l’origina d’un fenomèn mai espandit e fòrça interessant. La Topina s’apondriá a l’Estancabra, qu’es tanben a Tolosa, a La Tor deu Borrèu a Pau, a l’Ostau dau País Marselhés e quitament al Cafè Gascon a Aush e a Chez le Pépère a Bordèu. Se tracta de bars ont se pòt parlar la lenga e ont la cultura del país a una plaça per s’exibir sens cap de complèxe. Son d’endreches ont l’occitanitat se pòt viure plenament e ont es possible de far un usatge social e normal de la lenga occitana sens que degun se sentisca estrangièr dins lo país.
En mai d’aquò, i a un element caracteristic d’aqueles bars: la joinesa dels lors promotors e dels lors clients. Aquò es una pròva de la vitalitat occitana e del sieu avenir encoratjant. Cal, doncas, que d’autres joves d’autres endreches promògan los lors bars; e cal que los mai vièlhs lor balhem de sosten e de vam per o far. Un bon ret de bars per tot lo país teisserà un bon malhum que nos ajudarà a viure amb un pauc mai de normalitat.
Portat per Florent Salinié, que ganhèt son experiéncia a cosinar de tapas a Barcelona, e per l’associacion Menam de Bruch [Fasèm de Bruch], aquel bar de tapas occitan a lançat un finançament participatiu sul sit d’Ulule. La tòca es d’aténher, amb lo sosten de totes, los electrodomestics, plats, cobèrts, taulas e cadièras necessàrias e tanben las matèrias primièras per lançar l’activitat.
Per ajudar la Topina, tot simplament cal far un don dins lo sit d’Ulule, que serà recompensat amb de lescas, bevendas, talhièrs, etcetèra. En mai d’aquò, que podètz partejar la peticion de finançament.
L’importància dels bars occitans
Ajudar un projècte coma la Topina es important. Los centres de léser, d’expression e de cultura occitana son pas una anecdòta e poirián èsser l’origina d’un fenomèn mai espandit e fòrça interessant. La Topina s’apondriá a l’Estancabra, qu’es tanben a Tolosa, a La Tor deu Borrèu a Pau, a l’Ostau dau País Marselhés e quitament al Cafè Gascon a Aush e a Chez le Pépère a Bordèu. Se tracta de bars ont se pòt parlar la lenga e ont la cultura del país a una plaça per s’exibir sens cap de complèxe. Son d’endreches ont l’occitanitat se pòt viure plenament e ont es possible de far un usatge social e normal de la lenga occitana sens que degun se sentisca estrangièr dins lo país.
En mai d’aquò, i a un element caracteristic d’aqueles bars: la joinesa dels lors promotors e dels lors clients. Aquò es una pròva de la vitalitat occitana e del sieu avenir encoratjant. Cal, doncas, que d’autres joves d’autres endreches promògan los lors bars; e cal que los mai vièlhs lor balhem de sosten e de vam per o far. Un bon ret de bars per tot lo país teisserà un bon malhum que nos ajudarà a viure amb un pauc mai de normalitat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Osca a l'autor de l'article que vei tot le potencial que i a de far quicòm aital. Cal menar le pòble a l'occitan de totas las menas possiblas.
Dens la lista, pas aublidar Lo Poralhèir (Le Poulailler) e lo Tiatre dau Livame (Théâtre du Levain) a Bègla tots dus, amei lo bar Los Capdets a Bordèu tanben. Poton au Tederic Reunier dau Pépère !
En tots cas, suei desjà solidari !
Disem un bar que carreja una conscientizacion culturala occitana. Un pub irlandés pòt mei portar Occitania quauques còps qu'un cafè rifolant de drapèths occitans mès que carreja pas rès.
"un bar de tapas occitan": ne compreni pas. En Occitania, los bars quaus que sian ne son pas occitans ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari