Actualitats
Vitaldent: un escàndol financièr dins l’estat espanhòl que tòca la Val d’Aran
S’emblanquissiá tot l’argent negre de Soïssa e Luxemborg en crompant de proprietats, dont lo vilatge aranés de Montgarri
Un escàndol financièr dins l’estat espanhòl tòca la Val d’Aran. La polícia de l’estat detenguèt ièr dimars passat a Madrid los gavidaires de la societat de clinicas dentàrias Vitaldent per fraudariá e emblanquiment de capitals.
Lo ministèri public parla d’“organizacion criminala”. Segon lo procuraire, lo proprietari de la societat, Ernesto Colman, exigissiá als concessionaris que paguèsson de grandas quantitats d’argent en liquid, qu’èra amagat a Soïssa e Luxemborg e qu’après s’emblanquissiá en crompant de proprietats.
Vitaldent compta amb mai de 350 clinicas dentàrias dins tot l’estat espanhòl e tanben n’a en Itàlia e Polonha.
Un vilatge d’Aran
Segon de fonts de l’enquèsta, Colman crompèt lo vilatge aranés de Montgarri per 5,5 milions d’èuros. La crompa d’aquelas 220 ectaras de terren rustic se faguèt amb l’intencion de bastir un complèxe d’ecotorisme, e quitament la comuna del Naut Aran concediguèt las licéncias per executar los trabalhs.
Montgarri es plaçat a 1645 mètres d’altitud e travèrsa tot lo Plan de Beret. Victima del despoblament, en 2005 aviá solament 3 abitants recensats. A l’ora d’ara i a un santuari, un refugi e una bòrda que fa lo servici de restaurant.
Lo ministèri public parla d’“organizacion criminala”. Segon lo procuraire, lo proprietari de la societat, Ernesto Colman, exigissiá als concessionaris que paguèsson de grandas quantitats d’argent en liquid, qu’èra amagat a Soïssa e Luxemborg e qu’après s’emblanquissiá en crompant de proprietats.
Vitaldent compta amb mai de 350 clinicas dentàrias dins tot l’estat espanhòl e tanben n’a en Itàlia e Polonha.
Un vilatge d’Aran
Segon de fonts de l’enquèsta, Colman crompèt lo vilatge aranés de Montgarri per 5,5 milions d’èuros. La crompa d’aquelas 220 ectaras de terren rustic se faguèt amb l’intencion de bastir un complèxe d’ecotorisme, e quitament la comuna del Naut Aran concediguèt las licéncias per executar los trabalhs.
Montgarri es plaçat a 1645 mètres d’altitud e travèrsa tot lo Plan de Beret. Victima del despoblament, en 2005 aviá solament 3 abitants recensats. A l’ora d’ara i a un santuari, un refugi e una bòrda que fa lo servici de restaurant.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari