Actualitats
Bòsnia e Ercegovina presenta la demanda formala per aderir a l’UE
21 ans après la fin de la guèrra que daissèt mai de 100 000 morts, Sarajevo vòl seguir los passes de sos vesins èx-iogoslaus, e mai se complís pas encara los requisits
Bòsnia e Ercegovina a presentat sa demanda formala per aderir a l’Union Europèa. 21 ans après la fin de la guèrra que daissèt mai de 100 000 mòrts, Sarajevo vòl seguir los passes de sos vesins èx-iogoslaus: Macedònia, Montenegro e Serbia ja an l’estatut de candidat —son dins la sala d’espèra dempuèi 2005, 2010 e 2012 respectivament— e Eslovènia e Croàcia foguèron acceptadas coma estats membres de plen drech en 2004 e 2013. Kosova es l’estat mai tardiu dins aquela corsa balcanica cap a Brussèlas e tot just signèt l’Acòrdi d’Associacion e Estabilizacion amb l’UE en octòbre passat. Bòsnia se fisa qu’obtendrà l’estatut de candidata en 2017.
“L’UE contunha d’èsser fòrça atractiva pels de defòra, e mai se d’aquesta passa los que son dedins la meton en question, aital donc donam la benvenguda a aquel signe d’energia positiva”, çò a celebrat la cap de la diplomacia comunautària, Federica Mogherini. Precisament, dijòus e divendres passats a Brussèlas, los 28 parlèron de las concessions al primer ministre britanic, David Cameron, per qu’assagèsse d’evitar lo “Brexit” (la sortida del Reialme Unit de l’UE). Segon lo darrièr sondatge publicat per The Times, los partisans que la Grand Bretanha abandone l’UE despassan de 9 ponches los que preferisson de i restar (un 45% contra un 36%).
Dragan Čović, lo representant croat de la presidéncia viradissa de Bòsnia e Ercegovina (que parteja amb un bosnian e un sèrbe), a liurat oficialament diluns passat, 15 de febrièr, sa candidatura d’adesion a l’eurocomissari de la politica de vesinança e alargament, Johannes Hahn, e al ministre de l’exterior olandés, Bert Koenders (que representa la presidéncia viradissa de l’UE). “Verificar que nòstres vesins tenon l’energia e la disposicion de s’unir e de trabalhar dur per adaptar lors païses, societats, economias e institucions als estandards europèus nos remanda lo sens de la responsabilitat que devèm als nòstres ciutadans”, çò a assegurat Mogherini.
Amb un caumatge del 44% (que demòra al 26% se se li descompta l’economia sosterranha), amb un revengut mejan de 415 èuros, amb de denóncias per corrupcion generalizada e de violacions dels dreches umans, amb una administracion publica desproporcionada, amb de tensions etnicas encara de resòlver e amb de menaças d’independéncia dels serbobosnians, a Bòsnia li caldrà almens dètz ans per intrar dins l’UE. Lo quite eurocomissari Hahn ja aviá avertit Sarajevo qu’es tròp lèu: “Primièr cal complir los devers actuals per téner mai de cresabilitat, per poder presentar una demanda e aver una reaccion positiva de la familha europèa”. Čović, pasmens, vei “realista” de prometre als bosnians que l’UE lor concedirà “l’estatut de candidat al començament de l’an que ven”, en 2017.
La Comission Europèa finançarà las reformas en Bòsnia amb 1 miliard d’èuros per los tres ans que venon e invertirà 500 milions de mai per melhorar sas infrastructuras. Mas demanda a Sarajevo de téner un interlocutor clar per poder negociar, çò que poiriá obligar de reformar los Acòrdis de Patz de Dayton de 1995: Bòsnia ten tres govèrns diferents, tres parlaments separats e un molon d’entitats localas amb fòrça autonomia: en mai del govèrn e del parlament central, las doas entitats que forman lo país —la dels sèrbes e la qu’es comuna dels croats e musulmans— tenon lors pròpris aparelhs executius e legislatius. Los assages de reformar la Constitucion an mal capitat a causa de l’afrontament entre los que vòlon centralizar l’estat (subretot la comunautat musulmana) e los que reclaman encara mai d’autonomia o, quitament, la secession. De fach, e mai se Sarajevo signèt en 2008 l’Acòrdi d’Estabilizacion e Associacion, son aplicacion se retardèt fins a l’an passat perque refusava de modificar la Constitucion per permetre que quin que siá ciutadan, en i comprenent los de las minoritats, poguèsse ocupar las cargas pus elevadas del país.
“L’UE contunha d’èsser fòrça atractiva pels de defòra, e mai se d’aquesta passa los que son dedins la meton en question, aital donc donam la benvenguda a aquel signe d’energia positiva”, çò a celebrat la cap de la diplomacia comunautària, Federica Mogherini. Precisament, dijòus e divendres passats a Brussèlas, los 28 parlèron de las concessions al primer ministre britanic, David Cameron, per qu’assagèsse d’evitar lo “Brexit” (la sortida del Reialme Unit de l’UE). Segon lo darrièr sondatge publicat per The Times, los partisans que la Grand Bretanha abandone l’UE despassan de 9 ponches los que preferisson de i restar (un 45% contra un 36%).
Dragan Čović, lo representant croat de la presidéncia viradissa de Bòsnia e Ercegovina (que parteja amb un bosnian e un sèrbe), a liurat oficialament diluns passat, 15 de febrièr, sa candidatura d’adesion a l’eurocomissari de la politica de vesinança e alargament, Johannes Hahn, e al ministre de l’exterior olandés, Bert Koenders (que representa la presidéncia viradissa de l’UE). “Verificar que nòstres vesins tenon l’energia e la disposicion de s’unir e de trabalhar dur per adaptar lors païses, societats, economias e institucions als estandards europèus nos remanda lo sens de la responsabilitat que devèm als nòstres ciutadans”, çò a assegurat Mogherini.
Amb un caumatge del 44% (que demòra al 26% se se li descompta l’economia sosterranha), amb un revengut mejan de 415 èuros, amb de denóncias per corrupcion generalizada e de violacions dels dreches umans, amb una administracion publica desproporcionada, amb de tensions etnicas encara de resòlver e amb de menaças d’independéncia dels serbobosnians, a Bòsnia li caldrà almens dètz ans per intrar dins l’UE. Lo quite eurocomissari Hahn ja aviá avertit Sarajevo qu’es tròp lèu: “Primièr cal complir los devers actuals per téner mai de cresabilitat, per poder presentar una demanda e aver una reaccion positiva de la familha europèa”. Čović, pasmens, vei “realista” de prometre als bosnians que l’UE lor concedirà “l’estatut de candidat al començament de l’an que ven”, en 2017.
La Comission Europèa finançarà las reformas en Bòsnia amb 1 miliard d’èuros per los tres ans que venon e invertirà 500 milions de mai per melhorar sas infrastructuras. Mas demanda a Sarajevo de téner un interlocutor clar per poder negociar, çò que poiriá obligar de reformar los Acòrdis de Patz de Dayton de 1995: Bòsnia ten tres govèrns diferents, tres parlaments separats e un molon d’entitats localas amb fòrça autonomia: en mai del govèrn e del parlament central, las doas entitats que forman lo país —la dels sèrbes e la qu’es comuna dels croats e musulmans— tenon lors pròpris aparelhs executius e legislatius. Los assages de reformar la Constitucion an mal capitat a causa de l’afrontament entre los que vòlon centralizar l’estat (subretot la comunautat musulmana) e los que reclaman encara mai d’autonomia o, quitament, la secession. De fach, e mai se Sarajevo signèt en 2008 l’Acòrdi d’Estabilizacion e Associacion, son aplicacion se retardèt fins a l’an passat perque refusava de modificar la Constitucion per permetre que quin que siá ciutadan, en i comprenent los de las minoritats, poguèsse ocupar las cargas pus elevadas del país.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Se deven creser las messorgas de la tele. Quan los bancs privats los escanhen, alors sabran lo qu' es passar-ho malament.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari