Actualitats
Indignacion en Alemanha amb los estatjants que festejavan l’incendi d’un centre de refugiats
Òm debat sus çò que se passa en Saxònia, l’estat d’Alemanha ont i a mai d’incidents racistas
Alemanha ven de viure l’alarma politica e l’indignacion generala après dos incidents racistas contra de refugiats que se son debanats aquesta dimenjada passada dins l’estat de Saxònia. Lo segond es particularament grèu pr’amor qu’un grop de vesins de çò que deviá èsser un centre d’aculhiment de refugiats celebrèron per carrièras, amb d’evidentas mòstras de jòia, que lo sit cremava. Segon la polícia, se tractava d’un grop d’un trentenat personas, qualques unas ébrias, que quitament ensagèron d’empedir lo passatge dels camions de pompièrs.
Los politicians alemands se demandan çò que se passa en Saxònia, car es dins aquel estat que i a lo mai de delictes liats al racisme dins lo país e es aquí qu’es nascut lo movement xenofòb Pegida. A Berlin, divèrsas voses an acusat lo govèrn de Saxònia, de drecha, d’èsser tròp permissiu amb los grops racistas.
Michael Roth, lo viceministre dels afars estrangièrs, diguèt que “los racistas son una desgràcia pel nòstre país”. Lo ministre de la justícia, Heiko Maas, diguèt que “lo comportament d’aquel mond es intolerable”. Lo meteis ministre soslinhèt lo fach que i a agut mai de mila inicidents contra de centres de refugiats en Alemanha e que la majoritat se son passats en Saxònia.
Dins un incident precedent, de grops de neonazis recebèron los autobuses dels refugiats amb de menaças e de crits. Los manifestants cridavan “Wir sind das Volk” (“Sèm lo pòble”), lo crit que foguèt en 1989 lo simbòl de la rebellion democratica contra lo govèrn de l’anciana RDA.
L’Estat Liure de Saxònia es un dels 16 estats d’Alemanha. Es situat al centre-èst d’Alemanha e es limitròf al nòrd amb Brandeborg, al nòrd-oèst amb Saxònia-Anhalt, a l’oèst amb Turíngia e al sud amb Bavièra. En mai d’aquò, a una frontièra, tanben al sud, amb Chequia e a l’èst amb Polonha. Aquelas doas frontièras son dobèrtas, dempuèi decembre de 2007, gràcias a l’Acòrdi de Schengen.
Los politicians alemands se demandan çò que se passa en Saxònia, car es dins aquel estat que i a lo mai de delictes liats al racisme dins lo país e es aquí qu’es nascut lo movement xenofòb Pegida. A Berlin, divèrsas voses an acusat lo govèrn de Saxònia, de drecha, d’èsser tròp permissiu amb los grops racistas.
Michael Roth, lo viceministre dels afars estrangièrs, diguèt que “los racistas son una desgràcia pel nòstre país”. Lo ministre de la justícia, Heiko Maas, diguèt que “lo comportament d’aquel mond es intolerable”. Lo meteis ministre soslinhèt lo fach que i a agut mai de mila inicidents contra de centres de refugiats en Alemanha e que la majoritat se son passats en Saxònia.
Dins un incident precedent, de grops de neonazis recebèron los autobuses dels refugiats amb de menaças e de crits. Los manifestants cridavan “Wir sind das Volk” (“Sèm lo pòble”), lo crit que foguèt en 1989 lo simbòl de la rebellion democratica contra lo govèrn de l’anciana RDA.
L’Estat Liure de Saxònia es un dels 16 estats d’Alemanha. Es situat al centre-èst d’Alemanha e es limitròf al nòrd amb Brandeborg, al nòrd-oèst amb Saxònia-Anhalt, a l’oèst amb Turíngia e al sud amb Bavièra. En mai d’aquò, a una frontièra, tanben al sud, amb Chequia e a l’èst amb Polonha. Aquelas doas frontièras son dobèrtas, dempuèi decembre de 2007, gràcias a l’Acòrdi de Schengen.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#49 Mmh… per exemple en tot cap l’amic ateomusulman qui mentavi, per tant qui ac sabi, ne’s sent pas membre de nada minoritat, lhevat, se pòt, las minoritat socioprofessionau deus autors de bendas d’imatges… Mes que’u poiretz lhèu hicar hens la minoritat deus musulmans atèus qui pòrtan dab lo mei de gaubi lo berret bigordan.
—
N’i son pas "clèrcs" en islam mes que i son "autoritats religiosas", de còps autoproclamadas dens lo cas de mantrun imam. (E si ben que i a un clergat tau shia’isme, mes aquò rai.)
Tota religion que s’apèa sus ua casta de "sabents" o de "ministres" qui n’an pas d’autas crabas a mólher que de parlar de "diu", de n’explicar çò qui platz o desplatz a "diu", etc. Atau quan "rabin", "imam", "caperan", "pastor", "mollah" ne seràn pas equivalents au sens on se valen (chic o mic) "ostau", "cái nhà", "maison" e "house", b’exerceishen, mutatis mutandis, ua "autoritat" comparabla.
Donc que contèsti la pertinéncia d’aquesta "autoritat", de quina religion que’s proclami, e per acorcit qu’ac apèri l’anticlericalisme. Qu’a com cibla, en particular, totòm qui s’empervarré d’ua coneishença de "l’Escritura" per har lo prescriptor e encanaular aus sons medishs (o los ensofismar). Que s’aplica perfèitament aus "doctors" de l’islam.
—
D’ua faiçon mei generau e mei radicau, a mantrun nivèu (tròps nivèus per e’us resumir tots en un comentari) que contèsti la pertinéncia d’ua "autoritat divina", tant dirècta com via interprèts, mediators e autes intercessors. Que vòu díser que se ua "divinitat" se’ns muishèva "en persona" (?) per ns’explicar que cau eradicar l’islam, o que la hemna e deu estar la preda e l’esclau de l’òmi, o que ne cau pas mei minjar brocolis, que la v’enviarí tà la vinha viste hèit e plan fotut. Mes ne preni pas gran risc en díser açò, puish a que, fondamentaument, NEGO DEUM ESSE.
E com n’aimatz pas la facilitat, lhèu que ns’espanharatz los acorcits deu tip "ateïsme = amoralitat", "ateïsme = arrogància","ateïsme = desencantament", etc.… que’ns haré guanhar temps :)
#47 Ai dich "classas socialas" per simplificar, "minoritat" es benlèu lo tèrme que conven.
Nollet, vòstres prepauses èran ben mai greus que çò que pretendètz, s'amagar detràs lo politicament incorrecte es facile.
Pel plaser de la garrolha Al-Muhadjir explicatz me cossí podètz èstre anticlericau (senon per etnocentrisme) alara qu'i a pas de clercs nimai de Glèisa en Islam :p?
#46 Segur qu'avètz rason. E evidentament, trapi que cal ajudar lo monde que son en dangièr. Cossí ajudar e ont, pensi qu'es permés d'aver un vejaire diferent. Çò que me fa migrar es qu'aquí recebètz còp sec l'étiqueta de racista quand sètz pas d'acòrdi amb la posicion politicament corrècta de la premsa e de Jornalet que tots los immigrants son de refugiats e que lor arribada causa pas cap de problèmas economics e socials, e que la religion i es per res. Que son los Europencs que son pas pro obèrts d'esperit e que la solucion per la societat multiculturala abocada es mai e encara mai d'immigracion. N'i a pro de se far embucar coma d'aucas amb lors messorgas.
En passant, los "musulmans" qui coneishi (dont au mensh un atèu arridondèr e cassoletofil, "de cultura musulmana" segon lo son díser) ne hèn pas un grop definit e que serén de mau amassar en ua "classa sociau" o en quina categoria omogèna que sii (e que m'estonaré qu’estossin d’acòrd).
E quan citi universitaris d’al-Azhar tà m’explicar l’islam, tà jo qu’ei sustot ironic, com si citèssi expèrts de Monsanto tà m’explicar que los pesticides e son çò de bon tà las abelhas.
Mes bon, cagadiu e anticlericau que soi e que damòri >:)
#42 Donc, coma o disiái, diferissèm pas tant, e òc-ben nos comprenèm. Pòt prene de temps e los arguments pòdon aver besonh d‘un parelh d’anars e tornars, mes aquò es çò normal en un debat.
- Apondi (o torni dire) que tròbi planvenguda tota refutacion argumentada, aquò tanben es l’interès de debatre.
- E sèi d’acordi ambe lo Sr Nollet, sense ne tirar generalizacions, qu’en efièch es normal d'èsser preocupat coma o sètz, per las rasons que disètz. Es pas islamofòb en se, supausi, gardèssem al cap que los que venon amontelats sus maissantas barcassas al risc de perir en mar (e perisson a centenats) dab pas que la pelha sus l’esquina, son pas una armada d’invasion, son de monde desesperats e qu’an totun lo coratge immense de voler viure e cercar un avenir per sons dròlles. Per aquò lor tiri mon capèl.
De chifras interessantas d’un sondatge fach en Qatar dins divèrsas populacions arabas (Le Monde des religions n° 76 en quiòsques, p. 12) mòstran per exemple que 72% "pensan que la democracia es mai bona que las autras formas de govèrn", e 52% que "la separacion dals poders politic e religiós seriá melhora per lor país".
Los pèrdi pas de vista, puei que remandi a la necessitat de los aculhir, de los ajudar e de los preparar a viure en ua societat on los còdis son pas los qu’an daissat a çò lor. (D’alhors, tornèsse la patz, probable que mai d’un s’estimarián mai de tornar.) Donc cal pas defugir la problematica dal tust cultural (qu’eles ne sofrisson fòrça mai que non pas nosautres, o sabi per aver ja emigrat, e i èra pas lo desen de la diferéncia qu’aquel monde an d’afrontar).
Ni angelisme nimai diabolizacion, sonque umanitat sense aver vergonha de nòstras valors.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari