Res de nòu, mas tot es tan bèl, sus la planeta tretzista: los mai fòrts son los australians..
Jonathan Thurston solèva lo trofèu mondial
En tres seradas, las oposicions de las World Clubs Series, entre las melhoras formacions anglesas e australianas, an virat largament a l’avantatge dels jogaires dels Antipòdes. Es un pauc l’istòria de la cabra d’En Seguin, levat que lo lop espèra pas l’alba per chapar la bèstia banuda: just “onze oras de la nuèit” (entre la vintena e la trentena minuta) o las “2 oras del matin” (a la represa de la partida) per faire la diferéncia.
Atal, divendres St. Helens prenguèt un 38-4 signat pels Polets de Sydney. Dissabte, meteis sicut erat: serviguèt a res als Combatents de Wigan d’èsser valents, 42-12 al planchòt pels Broncos de Brisbane. Dimenge, a Leeds, èra l’afrontament bèl entre los campions d’NRL: los Vaquièrs del Queensland del Nòrd e los campions de la Superliga, los Rinocèros de Leeds que jogavan sus lor pelena e jos la pluèja, portats per 20 000 afogats dins un estadi ont per l’ora la majoritat de las plaças son dreitas. Los espectators arriban d’ora, vestits del malhòt local, fan montar d’un biais astronomic la chifra d’afars del comèrci de cervesa e cantan, cantan e recantan al sosten dels jogaires blaus e jaunes! Portats per aquel estrambòrd, Leeds tenguèt fins a la pausa: 4-4. A la primièra candela de la represa, una fauta de man dobrissiá lo temps del patiment pels angleses que s’acabèt sus un 38-4: tròp aviat, tròp fòrt, tròp precís... lo Vaquièr! Lo capitani australian Thurston, designat òme de la partida, balhèt o lancèt cada besonha aprèp sos còps de pè de transformacion e faguèt present a son acostumada de son casco a un jove espectator... D’estelas dançavan dins los uèlhs del public a la fin d’aquela partida de tria.
D’òbra pels Dracs...
E es aquesta formacion plan en cambas de Leeds que los Dracs van recebre aqueste dissabte 27 de febrièr a Brutus (18h) per una partida entre los dos... darrièrs actuals de la competicion! Los catalans se devon faire perdonar la pietadosa partida jogada contra Hull FC! La vesprada serà istorica, amb en dobertura (15 h) la primièra partida del grop catalan dels U19 dins la competicion anglesa dels joves contra tanben... Leeds.
Lo molinièr prèsa las astetas de canaris!
Al país, se tenián los quarts de finala de la Copa. Dissabte de ser, al sopar del CF Lesinhan, se podiá manjar de magret de tiron. Mas los jogaires locals tastèron de vèspre las astetas gostosas de canaris! Carcassona ataquèt a fum ratum e menèt lèu 14-0, mas los Verds e Blancs tornèron faire lo retard per menar 22-14 a la pausa e contrarotlar lo sòrt de la partida e la qualificacion: 34-26.
Las autras partidas vegèron las victòrias aisidas de Limós sus Vilanuèva 66-28, dels Dragonets a Carpentràs 66-4, e la formacion de Nacionala 1 de Ferrals poguèt pas seguir lo ritme dels Tigres d’Albi: 10-56. Las mièjas finalas se debanaràn la dimenjada dels 20 e 21 de març.
Segonda fasa en campionat
Aquesta dimenjada marcarà la debuta de la segonda fasa del campionat d’Elèit 1. Tres partidas son al programa dimenge: Lesinhan-Limós (pola 1), Avinhon-Albi (pola 2) e l’afrontament entre Broncos: Palau-Tolosa (pola 3). Per sa part, aqueste dissabte 27 de vèspre, contra los Wath Brow Hornets, l’esquipa primièra de Tolosa dintrarà en Cup abans d’entamenar la competicion de League One.
Lo bon numèro
Aquí la cronica occitana pareguda dins lo numèro de febrièr de XIII Magazine.
Alan Roch
Jonathan Thurston solèva lo trofèu mondial
En tres seradas, las oposicions de las World Clubs Series, entre las melhoras formacions anglesas e australianas, an virat largament a l’avantatge dels jogaires dels Antipòdes. Es un pauc l’istòria de la cabra d’En Seguin, levat que lo lop espèra pas l’alba per chapar la bèstia banuda: just “onze oras de la nuèit” (entre la vintena e la trentena minuta) o las “2 oras del matin” (a la represa de la partida) per faire la diferéncia.
Atal, divendres St. Helens prenguèt un 38-4 signat pels Polets de Sydney. Dissabte, meteis sicut erat: serviguèt a res als Combatents de Wigan d’èsser valents, 42-12 al planchòt pels Broncos de Brisbane. Dimenge, a Leeds, èra l’afrontament bèl entre los campions d’NRL: los Vaquièrs del Queensland del Nòrd e los campions de la Superliga, los Rinocèros de Leeds que jogavan sus lor pelena e jos la pluèja, portats per 20 000 afogats dins un estadi ont per l’ora la majoritat de las plaças son dreitas. Los espectators arriban d’ora, vestits del malhòt local, fan montar d’un biais astronomic la chifra d’afars del comèrci de cervesa e cantan, cantan e recantan al sosten dels jogaires blaus e jaunes! Portats per aquel estrambòrd, Leeds tenguèt fins a la pausa: 4-4. A la primièra candela de la represa, una fauta de man dobrissiá lo temps del patiment pels angleses que s’acabèt sus un 38-4: tròp aviat, tròp fòrt, tròp precís... lo Vaquièr! Lo capitani australian Thurston, designat òme de la partida, balhèt o lancèt cada besonha aprèp sos còps de pè de transformacion e faguèt present a son acostumada de son casco a un jove espectator... D’estelas dançavan dins los uèlhs del public a la fin d’aquela partida de tria.
D’òbra pels Dracs...
E es aquesta formacion plan en cambas de Leeds que los Dracs van recebre aqueste dissabte 27 de febrièr a Brutus (18h) per una partida entre los dos... darrièrs actuals de la competicion! Los catalans se devon faire perdonar la pietadosa partida jogada contra Hull FC! La vesprada serà istorica, amb en dobertura (15 h) la primièra partida del grop catalan dels U19 dins la competicion anglesa dels joves contra tanben... Leeds.
Lo molinièr prèsa las astetas de canaris!
Al país, se tenián los quarts de finala de la Copa. Dissabte de ser, al sopar del CF Lesinhan, se podiá manjar de magret de tiron. Mas los jogaires locals tastèron de vèspre las astetas gostosas de canaris! Carcassona ataquèt a fum ratum e menèt lèu 14-0, mas los Verds e Blancs tornèron faire lo retard per menar 22-14 a la pausa e contrarotlar lo sòrt de la partida e la qualificacion: 34-26.
Las autras partidas vegèron las victòrias aisidas de Limós sus Vilanuèva 66-28, dels Dragonets a Carpentràs 66-4, e la formacion de Nacionala 1 de Ferrals poguèt pas seguir lo ritme dels Tigres d’Albi: 10-56. Las mièjas finalas se debanaràn la dimenjada dels 20 e 21 de març.
Segonda fasa en campionat
Aquesta dimenjada marcarà la debuta de la segonda fasa del campionat d’Elèit 1. Tres partidas son al programa dimenge: Lesinhan-Limós (pola 1), Avinhon-Albi (pola 2) e l’afrontament entre Broncos: Palau-Tolosa (pola 3). Per sa part, aqueste dissabte 27 de vèspre, contra los Wath Brow Hornets, l’esquipa primièra de Tolosa dintrarà en Cup abans d’entamenar la competicion de League One.
Lo bon numèro
Aquí la cronica occitana pareguda dins lo numèro de febrièr de XIII Magazine.
“Un: l’arrièr; dos e cinc: los alièrs; tres e quatre: los centres; sièis: lo dobertura; sèt: lo mesclanha; uèit e dètz: los pilars; nòu: lo talonaire; onze e dotze: los segondas linhas; tretze: lo tresena linha; catòrze, quinze, setze e dètz e sèt: los remplaçants. Aquò pareis plan simple, la numerotacion dels jogaires d’una esquipa de XIII.
Atal, se sap sul pic a quina plaça deu anar e quin ròtle principal deu aver cada jogaire, fondut dins lo collectiu de sa formacion.
Mas las causas son vengudas un pauc mai complicadas amb los malhòts individuals (amb los noms d’esponsors personals) e los numèros balhats a l’annada. Se vegèt florir de numèros que despassavan lo 17 a flor e mesura de l’integracion dins lo grop (coma pels Dracs e en Superliga). Puèi, arribèron los numèros espantants que te fariá creire que veses una còla de fotbòl american. Lo mai bèl vist per l’ora es un numèro 99. Lèu, un jogaire botarà son numèro de telefòn, de sa carta vitala o la placa de sa veitura?
Una pregària: fasètz coma en NRL, tornatz a la numerotacion un a dètz e sèt. Serà mai clar e mai simple per tot lo mond! E plan marcats e de bon legir, pas fonduts dins un mirgalhadís de colors. E los numèros fins a nonanta, que serviscan per la quina de sosten a l’esquipa!”
Atal, se sap sul pic a quina plaça deu anar e quin ròtle principal deu aver cada jogaire, fondut dins lo collectiu de sa formacion.
Mas las causas son vengudas un pauc mai complicadas amb los malhòts individuals (amb los noms d’esponsors personals) e los numèros balhats a l’annada. Se vegèt florir de numèros que despassavan lo 17 a flor e mesura de l’integracion dins lo grop (coma pels Dracs e en Superliga). Puèi, arribèron los numèros espantants que te fariá creire que veses una còla de fotbòl american. Lo mai bèl vist per l’ora es un numèro 99. Lèu, un jogaire botarà son numèro de telefòn, de sa carta vitala o la placa de sa veitura?
Una pregària: fasètz coma en NRL, tornatz a la numerotacion un a dètz e sèt. Serà mai clar e mai simple per tot lo mond! E plan marcats e de bon legir, pas fonduts dins un mirgalhadís de colors. E los numèros fins a nonanta, que serviscan per la quina de sosten a l’esquipa!”
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari