Actualitats
Perpinhan aculhirà lo 6n Collòqui de l’ensenhament superior en lengas autoctònas
Lo 6n collòqui de l’ISLRF se tendrà los 18 e 19 de març e se consagrarà a als “metòdes, practicas e rasons del bilingüisme per immersion”
Perpinhan aculhirà los 18 e 19 de març que venon lo 6n Collòqui de l’ISLRF, l’organisme de l’esenhament superior que lo partejan las escòlas associativas d’immersion en lenga autoctòna, que sson Seaska (Bascoat Nòrd), Calandreta (Occitània), Diwan (Bretanha), ABCM Zweisprachigkeit (Alsàcia) e la Bressola (Catalonha Nòrd).
Aquel collòqui se debana cada dos ans, e ongan se consagrarà al tèma: “L’immersion supèra la quarantena. De metòdes, de practicas e de rasons del bilingüisme per immersion”. Sa tòca es que siá lo ponch d’amassada de totes los actors de l’ensenhament de las lengas, e mai que mai, en situacion d’immersion lingüistica: d’ensenhaires, cercaires, professionals especializats, mèstres en formacion, parents d’escolans...
L’eveniment aculhirà de presentacions de las recèrcas fachas tant dins l’encastre universtitari de l’estat francés e dels Païses Catalans, ont l’ensenhament de la lenga pròpria se deu ajustar a divèrses contèxtes legislatius, diferents dels que patís lo ret de las escòlas de l’ISLRF. En mai d’aquò, lo collòqui balha la paraula als quites ensenhaires que presentaràn las recèrcas fachas dins lors escòlas.
Lo mastèr d’ensenhament que s’es pogut organizar pendent quatre ans gràcias a un acòrdi entre l’ISLRF e l’Universitat de Perpinhan (UPVD) a engendrat de nombrosas memòrias de recèrca de granda qualitat e, sustot, de grand interès, pr’amor que las an realizadas de professors de l’ISLRF dins los centres educatius pròpris e, aital, son basadas sus la realitat mai dirècta.
Per mai d’informacions podètz contactar lo coordenaire del collòqui Cesc Franquesa a l’e-mail francesc.franquesa(a)bressola.cat.
Aquel collòqui se debana cada dos ans, e ongan se consagrarà al tèma: “L’immersion supèra la quarantena. De metòdes, de practicas e de rasons del bilingüisme per immersion”. Sa tòca es que siá lo ponch d’amassada de totes los actors de l’ensenhament de las lengas, e mai que mai, en situacion d’immersion lingüistica: d’ensenhaires, cercaires, professionals especializats, mèstres en formacion, parents d’escolans...
L’eveniment aculhirà de presentacions de las recèrcas fachas tant dins l’encastre universtitari de l’estat francés e dels Païses Catalans, ont l’ensenhament de la lenga pròpria se deu ajustar a divèrses contèxtes legislatius, diferents dels que patís lo ret de las escòlas de l’ISLRF. En mai d’aquò, lo collòqui balha la paraula als quites ensenhaires que presentaràn las recèrcas fachas dins lors escòlas.
Lo mastèr d’ensenhament que s’es pogut organizar pendent quatre ans gràcias a un acòrdi entre l’ISLRF e l’Universitat de Perpinhan (UPVD) a engendrat de nombrosas memòrias de recèrca de granda qualitat e, sustot, de grand interès, pr’amor que las an realizadas de professors de l’ISLRF dins los centres educatius pròpris e, aital, son basadas sus la realitat mai dirècta.
Per mai d’informacions podètz contactar lo coordenaire del collòqui Cesc Franquesa a l’e-mail francesc.franquesa(a)bressola.cat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari