Belgica a anonciat arser, per suspresa, que barra sa frontièra amb França e que i desplega tres cents policièrs en tot restablir totes los contraròtles doanièrs. Podèm parlar, doncas, d’una autra crisi del grop de Schengen.
 
Amb aquela decision lo govèrn bèlga cèrca d’evitar que los refugiats que i a dins lo camp de Calais se desplacen en Belgica, en vista de la menaça qu’a fach lo govèrn francés de desmantelar lo sit. Los tribunals de Lilla, ara, son a debatre s’aquela mesura se poiriá aplicar.
 
Segon l’administracion bèlga, se detectèt diluns de movements de refugiats qu’abandonavan Calais e e qu’anavan vèrs lo pòrt de Zeebrugge, al costat de Brujas.