La mòrt d’Umberto Eco esmoguèt, dissabte passat, los legeires d’aquel filosòf, escrivan e semiològ italian. Eco èra conegut tant per sas òbras de ficcion, que se destacan sustot dins lo domeni del roman, e tanben per sos tractats de semiotica. Revolucionèt l’analisi dels mèdias e foguèt mai que mai conegut pel grand public per sos romans de succès mondial, dont cal soslinhar Lo nom de la ròsa. Lo sieu darrièr roman, Numèro Zèro, tractava la crisi del jornalisme.
 
Sa passion pels libres èra pro coneguda, coma se pòt veire dins lo vidèo que seguís, que mòstra una passejada dintre sa residéncia clafida de libres: