Actualitats
Niça: an expulsat tres octogenaris de lor ostal per i far una estrada
L’estrada, de 40 mètres de larg, que deu unir lo bòrd de mar de Niça e l’estadi Allianz Riviera durant l’Euro 2016
Tres personas octogeniàrias son estadas expulsadas de lor ostal per acabar de bastir l’estrada de 40 mètres de larg que deu unir lo bòrd de mar de Niça e l’estadi Allianz Riviera per lo Campionat d'Euròpa de Fotbòl Masculin 2016.
Marcelle Venturino-Carabalona (84 ans), son marit, Pierre-Jean Venturino (86 ans), e sa sòrre Jeanne Carabalona (87 ans), an degut quitar l’endrech. “Quand soi arribat vèrs 9h30 i aviá una trentena de policièrs, sièis camions de polícia e autant de pompièrs. Tot aquò per solament tres vièlhs”, çò explicava un membre del comitat de sosten a Libération. La construccion d’aquela estrada enòrma es “una operacion dont l’interès generau e l’urgéncia son incontestables”, çò indicava la prefectura del departament.
“Tot aquò per una rota e per de matches de fotbòl”, çò planhiá Jeanne, que la setmana passada encara declarava als jornalistas sa resisténcia al deslotjament: “Vòli morir dins aquesta maison, me n’anarai pas”.
Per la metropòli, aquela expulsion es “l’aplicaicon de la decision de justícia”. Tocant la proposicion de relotjament, lo director departamental de la coesion sociala declarava que “los escambis se faràn entre la metropòli e la familha”. Pel moment, los tres expulsats son estats menats a l’espital, compte tengut de lor edat. Cal apondre que Pierre-Jean Venturino es malaut d’alzheimer.
L’expulsion s’es menada a tèrme après quatre ans de recorses davant la justícia e la mesa en plaça d’un comitat de sosten, qu’ara protèsta energicament. Lo movement occitanista local a tanplan manifestat son sosten a la familha Venturino-Carabalona. La còla de la Republica de Niça qualifica lo fach de “drama uman” dins un comunicat que tanben critica lo “betonatge gigantàs de la mai grana plana agricòla e que dona de manjar a Niça” e planh que lo pòble niçard siá pas estat consultat sus l’ensems dels projèctes de la plana de Var.
Marcelle Venturino-Carabalona (84 ans), son marit, Pierre-Jean Venturino (86 ans), e sa sòrre Jeanne Carabalona (87 ans), an degut quitar l’endrech. “Quand soi arribat vèrs 9h30 i aviá una trentena de policièrs, sièis camions de polícia e autant de pompièrs. Tot aquò per solament tres vièlhs”, çò explicava un membre del comitat de sosten a Libération. La construccion d’aquela estrada enòrma es “una operacion dont l’interès generau e l’urgéncia son incontestables”, çò indicava la prefectura del departament.
“Tot aquò per una rota e per de matches de fotbòl”, çò planhiá Jeanne, que la setmana passada encara declarava als jornalistas sa resisténcia al deslotjament: “Vòli morir dins aquesta maison, me n’anarai pas”.
Per la metropòli, aquela expulsion es “l’aplicaicon de la decision de justícia”. Tocant la proposicion de relotjament, lo director departamental de la coesion sociala declarava que “los escambis se faràn entre la metropòli e la familha”. Pel moment, los tres expulsats son estats menats a l’espital, compte tengut de lor edat. Cal apondre que Pierre-Jean Venturino es malaut d’alzheimer.
L’expulsion s’es menada a tèrme après quatre ans de recorses davant la justícia e la mesa en plaça d’un comitat de sosten, qu’ara protèsta energicament. Lo movement occitanista local a tanplan manifestat son sosten a la familha Venturino-Carabalona. La còla de la Republica de Niça qualifica lo fach de “drama uman” dins un comunicat que tanben critica lo “betonatge gigantàs de la mai grana plana agricòla e que dona de manjar a Niça” e planh que lo pòble niçard siá pas estat consultat sus l’ensems dels projèctes de la plana de Var.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La còla de la Republica de Niça qualifica lo fach de “drama uman” dins un comunicat que tanben critica lo “betonatge gigantàs de la mai grana plana agricòla e que dona de manjar a Niça” e planh que lo pòble niçard siá pas estat consultat sus l’ensems dels projèctes de la plana de Var. Òu, los republicans de Niça, despertataz-vos ! Sèm en Euròpa, dictatura financiarista desumanizada. Consultar lo pòble ? Sus quina planèta vivètz ? Ont avètz vist que se consultava lo pòble ? E quora lo consulta, vòta a esquèrra e se manja una politicassa de dreita, tant umana coma la aquí illustrada…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari