L’Estanquet de la Robina es un cafè associatiu occitan que serà dobèrt cada dijòus a partir de 18h dins los locals de l’Ostal Occitan de Narbona. Lo sit, que valorizarà la cultura occitana sota totas sas formas, serà inaugurat lo 10 de març dins una serada amb lo grop Aqueles.
En mai d’aquò, l’autre dijòus, 17 de març, l’Estanquet de la Robina prepausa una fèsta cremalh amb lo grop Urban balèti.
L’importància dels cafès occitans
Los centres de léser, d’expression e de cultura occitana son pas una anecdòta e poirián èsser a l’origina d’un fenomèn mai espandit e fòrça interessant. L’Estanquet de la Robina s’apond a las iniciativas tolosanas de La Topina e de l’Estancabra, a La Tor deu Borrèu a Pau, a l’Ostau dau País Marselhés e quitament al Cafè Gascon a Aush e a Chez le Pépère a Bordèu. Se tracta de bars ont se pòt parlar la lenga e ont la cultura del país a una plaça per se mostrar sens cap de complèxe. Son d’endreches ont l’occitanitat se pòt viure plenament e ont es possible de far un usatge social e normal de la lenga occitana sens que degun se sentisca estrangièr dins lo país.
En mai d’aquò, i a un element caracteristic d’aqueles bars: la joinesa dels lors promotors e dels lors clients. Aquò es una pròva de la vitalitat occitana e del sieu avenir encoratjant. Cal, doncas, que d’autres joves d’autres endreches promògan los lors bars; e cal que los mai vièlhs lor balhem de sosten e de vam per o far. Un bon ret de bars per tot lo país teisserà un bon malhum que nos ajudarà a viure amb un pauc mai de normalitat.
Etiquetas
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es realament important aquesta mena de bars tamben per los estrangers que visitan una vila occitana e volen haver un pauc d'ambien occitan, escotar la lenga,poder tastar los menjàs,las begudas, los vins de la terra,...Cresi que lo Gover regional hauria de promoure aquestes negocis, e qu'estiguessen oberts tot lo dia con los altres bars. Tamben informar als visitants que hi ha aquests locals, on es puga menjar una cassoleta amb un bon vin roge e escultant música e ont hi ha ambient Oc.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
"La Robina" prepausarà una scèna dobèrta cada dijòus en debuta de serada . Prendre contact al 0668711435
Es realament important aquesta mena de bars tamben per los estrangers que visitan una vila occitana e volen haver un pauc d'ambien occitan, escotar la lenga,poder tastar los menjàs,las begudas, los vins de la terra,...Cresi que lo Gover regional hauria de promoure aquestes negocis, e qu'estiguessen oberts tot lo dia con los altres bars. Tamben informar als visitants que hi ha aquests locals, on es puga menjar una cassoleta amb un bon vin roge e escultant música e ont hi ha ambient Oc.
I anarai quand poirai. Ai marcat l'adreça.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari