Segon informacions del jornal Sud Ouest un incendi s’es declarat a 12h40 a La Canau (Medoc) per una rason encara indeterminada.
A començament del tantòst, lo comandant Journeau indicava que la situacion èra desfavorabla segon las condicions metereologicas.
Lo vent a virat e lo fuòc es vengut violent. 400 ectars son estats destrusits segon un bilanç del Servici Departamental d’Incendi e Secors (SDIS) a 20h05. A aquela ora lo fuòc èra encara viu.
5 abitanças son estadas evacuadas, e segon lo SDIS “s’assegura la proteccion de las autras abitanças”.
Per l’instant son a trabalhar 120 pompièrs, acompanhats de 20 membres de l’unitat especializada suls fuòcs als bòsques, amb l’ajuda d’un elicoptèr e tres avions bombardièrs d’aiga qu’an la basa en Gasconha.
L’estrada departamentala 6 de La Canau a La Canau Ocean, e la departamentala 3 de La Canau a Carcans, an copadas la circulacion per un temps indeterminat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari