Ara una nova senténcia jonh lo rambalh de las decisions politicas e judiciàrias sus la legalizacion parciala de la cultura e la possession de la marihuana (o del cannabis). E tot aquò en seguida de l’engatjament electoral del primièr ministre federal canadian, Justin Trudeau, de legalizar la marihuana lèu. Mas la direccion de las leis e de las senténcias sembla de confirmar que la legalizacion d’aquela planta en Canadà arribarà, e que se farà lèu.
Pendent lo mes de febrièr passat, un jutge federal estimèt que la possession de marihuana pels ciutadans, e sa cultura, èra un drech inalienable. E la decision judiciària s’apond a la de la Cort Suprèma de Canadà, qu’estimèt fa gaire que los malauts avián tot lo drech d’accès a la marihuana.
Après son eleccion coma primièr ministre, Trudeau ja a renovat la licéncia a mai de 29 societats per poder plantar e vendre de marihuana per de rasons medicalas. E lo camin menat per lo nou govèrn sembla de mostrar la direccion que se prendrà: se poirà utilizar la marihuana legalament mas la caldrà crompar als concessionaris estatals.
Una sentència pionièra
Après adoptar aquela sentència, lo jutge que l’a prononciada a concedit un relambi de sièis meses al govèrn federal per elaborar una nòva lei que tracte de la cultura de la marihuana al nivèl personal e de la siá utilizacion, pr’amor que las leis actualas èran una preson per las libertats.
La regulacion e la persecucion legala dels usatgèrs de la marihuana, çò ditz la senténcia balhada per la Cort Suprema, es un sistema que fa de la repression la rason màger d’èsser, e aquò viòla las libertats individualas de decision dels ciudadans. “S’es pas pogut demostrar que la seguretat publica siá en perilh, e per tant se pòt pas far cap de persecucion de la produccion personala de cannabis medical”, çò confirmèt lo jutge qu’a presa la decision, Michael L. Phalcom.
Après la publicacion d’aquela senténcia federala, lo govern de Canadà deu far una nova lei sus la marihuana. E o deu far lèu. La sentència, totun, obliga, e es previst que la cultura personala d’aquela planta serà legalizada. Mas son emplec per de rasons medicalas aurà de centres oficials que seràn los sols que la poiràn vendre. Aital, lo govern ne poiriá profechar.
En mai d’aquò, es previst que la nòva lei pòsca èsser semblabla a la que i aviá ja abans de 2013. Amb aquela, los mètges o d’amics dels malauts podián donar de marihuana als pacients. Lo quite govèrn canadian vendiá de marihuana a bon mercat per aquela rason. Mas los conservators s’alarmèron en tot veire que la cultura de marihuana creissiá de mai en mai e que las operacions policièras èran de mai en mai caras. Per aquò n’enebiguèt la cultura domestica dempuèi 2013.
Ça que la, divèrses malauts demandèron a la Cort Federala que se prononcièsse pr’amor que l’emplec de la marihuana en qualques cases precises es plan eficaç. Tanben deploravan que se poguèsse solament crompar a las entrepresas estatalas canadianas.
Ara la Cort federala s’es prononciada e lo govèrn federal deurà, d’una cèrta manièra, garentir l’engatjament electoral del liberal Justin Trudeau. Lèu, la cultura pròpria de cannabis en tot Canadà poiriá èsser legala.
Christian Andreu
Pendent lo mes de febrièr passat, un jutge federal estimèt que la possession de marihuana pels ciutadans, e sa cultura, èra un drech inalienable. E la decision judiciària s’apond a la de la Cort Suprèma de Canadà, qu’estimèt fa gaire que los malauts avián tot lo drech d’accès a la marihuana.
Après son eleccion coma primièr ministre, Trudeau ja a renovat la licéncia a mai de 29 societats per poder plantar e vendre de marihuana per de rasons medicalas. E lo camin menat per lo nou govèrn sembla de mostrar la direccion que se prendrà: se poirà utilizar la marihuana legalament mas la caldrà crompar als concessionaris estatals.
Una sentència pionièra
Après adoptar aquela sentència, lo jutge que l’a prononciada a concedit un relambi de sièis meses al govèrn federal per elaborar una nòva lei que tracte de la cultura de la marihuana al nivèl personal e de la siá utilizacion, pr’amor que las leis actualas èran una preson per las libertats.
La regulacion e la persecucion legala dels usatgèrs de la marihuana, çò ditz la senténcia balhada per la Cort Suprema, es un sistema que fa de la repression la rason màger d’èsser, e aquò viòla las libertats individualas de decision dels ciudadans. “S’es pas pogut demostrar que la seguretat publica siá en perilh, e per tant se pòt pas far cap de persecucion de la produccion personala de cannabis medical”, çò confirmèt lo jutge qu’a presa la decision, Michael L. Phalcom.
Après la publicacion d’aquela senténcia federala, lo govern de Canadà deu far una nova lei sus la marihuana. E o deu far lèu. La sentència, totun, obliga, e es previst que la cultura personala d’aquela planta serà legalizada. Mas son emplec per de rasons medicalas aurà de centres oficials que seràn los sols que la poiràn vendre. Aital, lo govern ne poiriá profechar.
En mai d’aquò, es previst que la nòva lei pòsca èsser semblabla a la que i aviá ja abans de 2013. Amb aquela, los mètges o d’amics dels malauts podián donar de marihuana als pacients. Lo quite govèrn canadian vendiá de marihuana a bon mercat per aquela rason. Mas los conservators s’alarmèron en tot veire que la cultura de marihuana creissiá de mai en mai e que las operacions policièras èran de mai en mai caras. Per aquò n’enebiguèt la cultura domestica dempuèi 2013.
Ça que la, divèrses malauts demandèron a la Cort Federala que se prononcièsse pr’amor que l’emplec de la marihuana en qualques cases precises es plan eficaç. Tanben deploravan que se poguèsse solament crompar a las entrepresas estatalas canadianas.
Ara la Cort federala s’es prononciada e lo govèrn federal deurà, d’una cèrta manièra, garentir l’engatjament electoral del liberal Justin Trudeau. Lèu, la cultura pròpria de cannabis en tot Canadà poiriá èsser legala.
Christian Andreu
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Òsca a Canadà de voler n'acabar amb l'ipocrisia!
#1 pfff...
Lo còp que ven se legalizarà la cocaïna, per las meteissas rasons. Enfin, benlèu es aquò que cal far: legalizar totas las drògas, ne daissar la venta a l'estat e amb l'argent d'aquesta gabèla bastir mai d'asils pels fòls e de moridors per los qu'an passat l'òsca. Al mens los "gendarmes del mond" arrestarián d'emmerdar los bolivians per la fuèlha de còca!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari