Actualitats
Demandan mai de preséncia del catalan sus France 3
Una associacion d’ensenhaires a demandat l’intervencion dels elegits per qu’aumenten las emissions en catalan de la cadena publica
L’associacion Aplec per l’ensenhament del catalan en Catalonha Nòrd a demandat als elegits municipals, departamentals e regionals, lor intervencion per obténer un aument de las emissions en catalan de France 3. Segon l’Aplec, Catalonha Nòrd es la region que sa lenga territoriala es mens presenta a la television, çò que considèran coma “indigne e quitament umiliant pels catalans”.
Segon lo Rapòrt al Parlament sus l’emplec de la lenga francesa 2015, lo catalan representa l’1,7% de las emissions de France 3, çò es aperaquí 20 oras d’emission per an. Segon aquel rapòrt, l’occitan dins tot son ensemble representa l’8,74%, valent a dire aperaquí 107 oras d’emission per an.
La proposicion de l’Aplec a France 3 es que s’emeta, almens, las informacions d’actualitat cada jorn e un programa setmanièr tipe magazine, per far un minim de 60 oras annalas en catalan. L’Aplec precisa que los escolans qu’estúdian lo catalan an de besonh d’aquelas emissions. En mai d’aquò, las audiéncias confirman que las familhas vòlon de mai en mai lo catalan a la television.
Segon lo Rapòrt al Parlament sus l’emplec de la lenga francesa 2015, lo catalan representa l’1,7% de las emissions de France 3, çò es aperaquí 20 oras d’emission per an. Segon aquel rapòrt, l’occitan dins tot son ensemble representa l’8,74%, valent a dire aperaquí 107 oras d’emission per an.
La proposicion de l’Aplec a France 3 es que s’emeta, almens, las informacions d’actualitat cada jorn e un programa setmanièr tipe magazine, per far un minim de 60 oras annalas en catalan. L’Aplec precisa que los escolans qu’estúdian lo catalan an de besonh d’aquelas emissions. En mai d’aquò, las audiéncias confirman que las familhas vòlon de mai en mai lo catalan a la television.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una associacion d’ensenhaires a demandat l’intervencion dels elegits per qu’aumenten las emissions en catalan de la cadena publica. Sabi pas perqué. Las cadenas publicas francesas non acordaràn jamai sonque micas de mendicalha a las autras lengas que lo francés. Ieu, exigiri„á sus l'ensemble del territòri occitan e catalan de l'estat francés, l'integralitat de TV3 e res mens, en eseprant la creacion d'una TV3 occitana.
Ben fet. Cal sempre demandar a los sords.
Volem la nostra llengua. No volem una forania. Arreu !
E que demandan d'aquel temps las associacions occitanistas ? Mai d'occitan a France 3 o a France Bleu ? Non que soi piòt ... Vertat es qu'avèm una ''television'' per internet e de ràdios associativas occitanas que degun escota pas (levat los occitanistas). Seriá pèc per l'occitanisme de voler tocar lo grand public.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari