Actualitats
Otegi prepausa de dobrir un segond front independentista dins l’estat espanhòl
Afirma que cal seguir lo camin dels catalans e demanda als espanhòls d’esquèrra de trabalhar amb los independentistas de las nacions de l’estat
Quatre jorns après sa sortida de preson, lo cap independentista basco Arnaldo Otegi foguèt recebut dissabte per la molonada al velodròm d’Anoeta de Sant Sebastian. Lo sit èra talament plen que fòrça mond deguèron seguir l’eveniment mejançant un ecran plaçat a l’exterior de l’estadi jos un capitèl. Justament Otegi comencèt l’acte en anant saludar dirèctament tot aquel mond qu’èran defòra per los mercejar de lor preséncia. Puèi, intrèt dins lo velodròm acompanhat dels joaldunak, de personatges tradicionals qu’anóncian en Bascoat l’arribada del Carnaval en agitant lors esquilas.
Dins son discors, Otegi remembrèt los gaireben quatre cent presonièrs politics bascos qu’encara son embarrats, e mai que mai son camarada Rafa Díez, del sindicat LAB, embarrat pel meteis afar Bateraguna que menèt Otegi en preson. Puèi, Otegi diguèt que lo Bascoat deu aprene de Catalonha, e que lo melhor biais d’ajudar aquel país es de dobrir un segond front independentista dins l’estat espanhòl, un estat que segon Otegi es pas “ni decent ni mai democratic”. En s’adreiçant als catalans, Otegi lor diguèt: “Fasètz d’istòria e n’aprenèm fòrça”. “Lo pòble basco vos daissarà pas totes sols, al moment que l’estat s’alçarà contra vosautres, serem totjorn aicí prèstes”, çò apondèt, per conclure que “la melhora contribucion a Catalonha” es la de metre en plaça un segond procès independentista, lo basco, “un segond front dobèrt per l’estat”.
“La democratizacion de l’estat espanhòl es impossibla”
En mai d’aquò, Otegi assegurèt que la democratizacion de l’estat espanhòl èra impossibla. En aquel sens, s’adreicèt als espanhòls d’esquèrra: “Lo jorn que verificaretz qu’aquela democratizacion es impossibla, jonhetz los independentistas de las nacions de l’estat e metètz-vos a trabalhar a lors procèsses constituents”, çò diguèt.
Otegi respondèt pas se seriá candidat per lehendakari, çò es, per president de la comunautat autonòma del Bascoat. Segon el, “lo melhor lehendakari es lo pòble e ara çò qu’es important es lo programa politic”. Apondèt tanplan que l’esquèrra independentista basca deu far d’autocritica, sustot a prepaus de son passat, e que tre ara çò que cal es parlar mens e escotar mai.
Sièis ans de preson per preparar l’estrategia
El afirmèt que durant son encarceracion aguèt fòrça temps per chifrar “lo biais de ganhar l’enemic”. En aquel sens, diguèt: “S’en dètz e uèch meses que passèri dins la preson de Martutene bastiguèrem la nòva estrategia, veiràn çò qu’avèm preparat ara en mai de sièis ans de preson”.
Arnaldo Otegi - al Velòdrom d'Anoetaper vilawebtv
Dins son discors, Otegi remembrèt los gaireben quatre cent presonièrs politics bascos qu’encara son embarrats, e mai que mai son camarada Rafa Díez, del sindicat LAB, embarrat pel meteis afar Bateraguna que menèt Otegi en preson. Puèi, Otegi diguèt que lo Bascoat deu aprene de Catalonha, e que lo melhor biais d’ajudar aquel país es de dobrir un segond front independentista dins l’estat espanhòl, un estat que segon Otegi es pas “ni decent ni mai democratic”. En s’adreiçant als catalans, Otegi lor diguèt: “Fasètz d’istòria e n’aprenèm fòrça”. “Lo pòble basco vos daissarà pas totes sols, al moment que l’estat s’alçarà contra vosautres, serem totjorn aicí prèstes”, çò apondèt, per conclure que “la melhora contribucion a Catalonha” es la de metre en plaça un segond procès independentista, lo basco, “un segond front dobèrt per l’estat”.
“La democratizacion de l’estat espanhòl es impossibla”
En mai d’aquò, Otegi assegurèt que la democratizacion de l’estat espanhòl èra impossibla. En aquel sens, s’adreicèt als espanhòls d’esquèrra: “Lo jorn que verificaretz qu’aquela democratizacion es impossibla, jonhetz los independentistas de las nacions de l’estat e metètz-vos a trabalhar a lors procèsses constituents”, çò diguèt.
Otegi respondèt pas se seriá candidat per lehendakari, çò es, per president de la comunautat autonòma del Bascoat. Segon el, “lo melhor lehendakari es lo pòble e ara çò qu’es important es lo programa politic”. Apondèt tanplan que l’esquèrra independentista basca deu far d’autocritica, sustot a prepaus de son passat, e que tre ara çò que cal es parlar mens e escotar mai.
Sièis ans de preson per preparar l’estrategia
El afirmèt que durant son encarceracion aguèt fòrça temps per chifrar “lo biais de ganhar l’enemic”. En aquel sens, diguèt: “S’en dètz e uèch meses que passèri dins la preson de Martutene bastiguèrem la nòva estrategia, veiràn çò qu’avèm preparat ara en mai de sièis ans de preson”.
Arnaldo Otegi - al Velòdrom d'Anoetaper vilawebtv
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
No Ivan, lluitar per la libertat i l'independèmcia de la teva Terra no és un crim.
Si és un crim el que feu francisco franco, els falangistes, o el que feu felip V.
I si no ho veus pregunta que va passar Montsegur.
És ésser molt limitat, nomès parlar del que diüen el organs de propaganda dels estats opressors.
Així que abans de criticar, pensa el que dius.
"El Tàrrega".
Benlèu me vau far petar lo morre, mas i vau.
Arnaldo Otegui es estat un presonièr politic basco. Los editors del jornal Egunkaria foguèron presonièrs politics bascos... Mas los 400 presonièrs d'ETA que i a escampilhats per las presons d'Espanha son pas de presonièrs politics bascos, son de terroristas. Son de monde qu'avián pensat que la fòrça de la rason es un metòdi tròp lent per ganhar la batalha de las idèas, e qu'èra melhor de far d'eliminatòrias.
ETA a tuat 829 personas. M'agrada pas aquel monde.
Vos vau parlar de tres mòrts que me dison quicòm: Xavier Valls, arquitecte, mon vesin d'en fàcia, foguèt eliminat un jorn qu'anèt far las crompas al supermercat Hipercor; Virgili Mas e Joan Antoni Querol, los coneguèri tanben, mòrts en 1992. Faguèri l'armada amb eles (els èran volontaris e ieu obligatòri). Èran de militars professionals, qu'avián pas l'idèa d'o èsser per totjorn. Èran de militars-MUSICIANS, armats d'una tuba e una trompeta. Èran los dos valencians, catalanoparlants, e fasián l'armada per far los estudis de musica a gratis. Se faguèron militars perque èran pas pro rics per venir musicians professionals. E se'n fotián d'a fons de tot çò qu'èra pas la musica. Un d'eles, sabi pas qual, se fasiá venir a la casèrna lo setmanari 'El temps' (linha independentista Païses Catalans d'esquèrra)
Otegui es estat un presonièr politic basco, aquò's vertat. A un moment de sa vida a volgut trabalhar per la patz e a pagat per aquò. Aquò's un fach. Mas Otegui es pas un Mandela. Pendent la primièra trèva d'ETA dinnèt un còp amb Ernest Lluch, que tanben voliá la patz e tanben voliá conéisser lo pensar de l'autre. Aprèp, Lluch foguèt assassinat en Barcelona en 2000. E condamnèt Otegui l'assassinat? Ò que nani! Otegui diguèt las sieunas sansonhas costumièras sul conflicte basco. La colpabiliat de l'assassinat de la persona que l'aviá respectat foguèt del... conflicte basco.
I a doas causa que fan pietat, en tot aquò:
1. L'empresonament d'Otegui. As botat en preson 6 ans un innocent. Èra innocent. A òm lo devon botar pen preson per sos delictes, pas sas idèas. Los jutges que lo condemnèron deurián pagar amb la preson. Dictar senténcias injustas en sabent que son injustas es un delicte. Se ditz delicte de prevaricacion.
2. Faràn bon Arnaldo Otegui. L'òme que abans de 2000 poguèt luchar contra la violéncia, e o faguèt pas. Diguèt pas "an tuat aquela persona, aquò's un assassinat".
Coma catalan i a quicòm que me tafura. Ditz que lo pòble basco (aquò vòl dire, eles) nos daissarà pas de caire en nòstre procés per l'independéncia. Aimariái mai d'autres amics, la vertat.
otegi es un hipocrita en parlar en democracia mentres ell mateix a estat empresonat per suport al terrorisme. que vol? un terrorisme democratic d´estat al estil cubá?
Reportatge «Lo mistèri de a lenga basca» :
https://www.youtube.com/watch?v=cJAx2iQygh0
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari