Actualitats
Crisi dels refugiats: i a ja mai de trenta mila personas atrapadas en Grècia
Turquia e l’UE an pachat de repatriacions e deportacions massissas
La crisi dels refugiats dins l’Union Europèa es cada jorn mai grèva, mai que mai après lo barrament de la frontièra de Macedònia e Grècia la setmana passada e l’endurciment de las mesuras d’intrada de personas dins qualques estats. A l’ora d’ara son aperaquí 32 000 personas refugiadas que se tròbon atrapadas en Grècia, dont la mitat son a Eidomeni (o Sehovo), lo principal passatge frontalièr, qu’es vengut un enòrme camp de refugiats improvisat.
Un infèrn a Eidomeni
Eidomeni a 150 abitants. Lo camp de refugiats aculhís aperaquí 14 000 personas. Mètges sens Frontièras (MSF) e d’autras ONG ensajan de provesir de noiridura, de lenha per far de fuòc e de medicaments, mas la situacion “es un infèrn” a causa del freg, de la fam e de las precàrias condicions sanitàrias e igienicas, çò declaravan a TV3 los volontaris qu’èran sus plaça.
Malgrat aquel “infèrn”, lo flux dels refugiats que fugisson vèrs l’UE a travèrs de Grècia s’arrèsta pas. De fach, dins las darrièras 24 oras se calcula qu’aperaquí 500 personas auràn traversat la mar entre Turquia e l’illa de Lèsbos, dins de barcassas precàrias. Abans ièr, una d’aquelas barcas naufraguèt e moriguèron almens vint e cinc personas.
Reünion de l'UE amb Turquia
Dins aquel encastre se debanèt ièr una reünion dels caps d’estat de l’Union Europèa amb lo primièr ministre turc Ahmet Davutoğlu, per qu’accèpte la deportacion sistematica dels refugiats que l’UE demanda. En contrapartida recebrà tres miliards d’èuros de mai fins en 2018.
Sembla que l’UE assumirà lo còst de las readmissions, de las expulsions e tanben de l’establiment d’una eventuala zòna umanitària sul territòri sirian.
#idomeni tuits
Un infèrn a Eidomeni
Eidomeni a 150 abitants. Lo camp de refugiats aculhís aperaquí 14 000 personas. Mètges sens Frontièras (MSF) e d’autras ONG ensajan de provesir de noiridura, de lenha per far de fuòc e de medicaments, mas la situacion “es un infèrn” a causa del freg, de la fam e de las precàrias condicions sanitàrias e igienicas, çò declaravan a TV3 los volontaris qu’èran sus plaça.
Malgrat aquel “infèrn”, lo flux dels refugiats que fugisson vèrs l’UE a travèrs de Grècia s’arrèsta pas. De fach, dins las darrièras 24 oras se calcula qu’aperaquí 500 personas auràn traversat la mar entre Turquia e l’illa de Lèsbos, dins de barcassas precàrias. Abans ièr, una d’aquelas barcas naufraguèt e moriguèron almens vint e cinc personas.
Reünion de l'UE amb Turquia
Dins aquel encastre se debanèt ièr una reünion dels caps d’estat de l’Union Europèa amb lo primièr ministre turc Ahmet Davutoğlu, per qu’accèpte la deportacion sistematica dels refugiats que l’UE demanda. En contrapartida recebrà tres miliards d’èuros de mai fins en 2018.
Sembla que l’UE assumirà lo còst de las readmissions, de las expulsions e tanben de l’establiment d’una eventuala zòna umanitària sul territòri sirian.
#idomeni tuits
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'UE ha d'enviar aliments perquè los campaments d'Itàlia e Grecia pugan alimentar a la gent, mentre esperen que la guerra de Siria acabi e pugan tornar a son país.
La venjança de Tsipras li torna coma un bomerang.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari