Actualitats
Las Illas Marshall fan sa denóncia contra las poténcias nuclearas
De representants d'aquela petita republica del Pacific, ont los Estats Units faguèron 67 ensages atomics, an presentada una denóncia contra Índia, lo Reialme Unit e Paquistan a la Cort de l’Aia
La Republica de las Illas Marshall, dins l’ocean Pacific, presentèt en 2014 una denóncia a la Cort Internacionala de Justícia (ICJ) de l’Aia contra las nòu poténcias nuclearas per “violacion flagranta de la legislacion mondiala”. Dins aquel sens, lo govèrn marshallés acusava la Corèa del Nòrd, los Estats Units, França, Índia, Israèl, Paquistan, lo Reialme Unit, Russia e China d’avançar pas envèrs lo desarmament preconizat pel Tractat sus la non-proliferacion de las armas nuclearas de 1968, e mai denonciava que contunhavan de modernizar lors arsenals.
Los representants d’aquel petit país insular arribèron al començament d’aquesta setmana a l’Aia per ensajar de convéncer la Cort Internacionala que pòt menar a bon tèrme aquel clam, almens contra tres d’aqueles estats que reconeisson l’autoritat de l’ICJ, çò es Índia, Paquistan e lo Reialme Unit. Lo govèrn de las Illas Marshall reclama que s’adòpten las mesuras necessàrias per que se compliscan las obligacions d’aquel Tractat, ratificat per Londres, mas non pas per Islamabad e Nòva Delhi.
Lo govèrn de las illas Marshall decidiguèt de perseguir en justícia las poténcias nuclearas mondialas perqu’elas “an una coneissença dirècta de las terriblas consequéncias de las armas atomicas”.
Seissanta sèt ensages nuclears
De 1946 a 1958, après la Segonda Guèrra Mondiala, las Illas Marshall venguèron un dels principals endreches pels ensages de bombas atomicas, coma territòri administrat pels Estats Units. Los seissanta sèt ensages nuclears an agut d’importantas repercussions sus l’environament e la santat dels abitants, e en 2011 la Cort de Reclamacions Nuclearas preconizèt una indemnitat de 563 315 500 dolars estatsunidencs a la populacion de Bikini, un dels atòls marshalleses, qu’es pas encara estada pagada. Per tant, lo govèrn de las Marshall a tanplan denonciat los Estats Units a un tribunal estatsunidenc.
Los representants d’aquel petit país insular arribèron al començament d’aquesta setmana a l’Aia per ensajar de convéncer la Cort Internacionala que pòt menar a bon tèrme aquel clam, almens contra tres d’aqueles estats que reconeisson l’autoritat de l’ICJ, çò es Índia, Paquistan e lo Reialme Unit. Lo govèrn de las Illas Marshall reclama que s’adòpten las mesuras necessàrias per que se compliscan las obligacions d’aquel Tractat, ratificat per Londres, mas non pas per Islamabad e Nòva Delhi.
Lo govèrn de las illas Marshall decidiguèt de perseguir en justícia las poténcias nuclearas mondialas perqu’elas “an una coneissença dirècta de las terriblas consequéncias de las armas atomicas”.
Seissanta sèt ensages nuclears
De 1946 a 1958, après la Segonda Guèrra Mondiala, las Illas Marshall venguèron un dels principals endreches pels ensages de bombas atomicas, coma territòri administrat pels Estats Units. Los seissanta sèt ensages nuclears an agut d’importantas repercussions sus l’environament e la santat dels abitants, e en 2011 la Cort de Reclamacions Nuclearas preconizèt una indemnitat de 563 315 500 dolars estatsunidencs a la populacion de Bikini, un dels atòls marshalleses, qu’es pas encara estada pagada. Per tant, lo govèrn de las Marshall a tanplan denonciat los Estats Units a un tribunal estatsunidenc.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Bé, bé, tohom al Món hauria de fer el mateix, una cosa és voler guanyar una guerra, per diferents motius, l'altre és exterminar el Món, la població, i l'Humanitat, o el més boix i horripilant, destruir el Planeta, amb que ho justifiquen aquests països, tot això?
És la pitjor boixeria que s'ha vist mai.
Per un Món on tothom hi pugui viure sense por.
L'Ernest, "El Tàrrega".
Visca la Terra...Lliure!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari