Actualitats
Ska Keller als caps de govèrn de l’UE suls refugiats: “Cossí podètz trobar lo sòm pendent la nuèch?”
La cap del Partit Verd Europèu critica la decision de barrar las frontièras e de remandar los refugiats en Turquia
La cap del Partit Verd Europèu, Ska Keller, faguèt la setmana passada un discors fòrça critic de la decision dels caps d’estat e de govèrn de l'Union Europèa d’expulsar fins en Turquia totes los refugiats qu'arriben en Grècia.
Dins lo vidèo de son intervencion al Parlament Europèu, qu’a desvirat los rets socials, se pòt veire que Keller ditz que “lo conselh dels 28 de diluns foguèt lo conselh de la vergonha”. Soslinhèt tanben que la decision dels 28 significa “trencar la lei internacionala, la lei europèa, e çò qu'es pièger, los principis basics de l'umanitat”.
“Prepausatz d’expulsar de refugiats vèrs Turquia, d’ont poirián èsser remandats en Siria o en Iraq. Barratz las frontièras a las gents qu'an de besonh de la proteccion internacionala. Metètz fin al drech de cercar e de sollicitar l’asil”, çò apondèt.
La dirigenta dels verds europèus acabèt son intervencion amb una question finala: “E ieu me demandi, e aquò va a totes los caps d’estat e de govèrn: Cossí podètz trobar lo sòm pendent la nuèch?”
Dins lo vidèo de son intervencion al Parlament Europèu, qu’a desvirat los rets socials, se pòt veire que Keller ditz que “lo conselh dels 28 de diluns foguèt lo conselh de la vergonha”. Soslinhèt tanben que la decision dels 28 significa “trencar la lei internacionala, la lei europèa, e çò qu'es pièger, los principis basics de l'umanitat”.
“Prepausatz d’expulsar de refugiats vèrs Turquia, d’ont poirián èsser remandats en Siria o en Iraq. Barratz las frontièras a las gents qu'an de besonh de la proteccion internacionala. Metètz fin al drech de cercar e de sollicitar l’asil”, çò apondèt.
La dirigenta dels verds europèus acabèt son intervencion amb una question finala: “E ieu me demandi, e aquò va a totes los caps d’estat e de govèrn: Cossí podètz trobar lo sòm pendent la nuèch?”
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari