Actualitats
Lei del trabalh: Valls presenta una reescritura que convenç pas los sindicats
Lo patronat, representat pel MEDÈF, qu’èra en favor del nòu projècte de lei, ara se ditz decebut
Lo primièr ministre francés Manuel Valls, presentèt ièr una nòva version del projècte de lei del trabalh, contestada la setmana passada per una cauma generala e de mobilizacions per carrièras que mobilizèron mai de 250 000 personas segon los principals mèdias. Mas aquela reescritura a pas convencut los sindicats, la CGT e l’UNÈF mantenon lor oposicion. En mai d’aquò, lo patronat, representat pel MEDÈF, qu’èra en favor del nòu projècte de lei, ara se ditz decebut.
Valls presentèt una version “corregida” de sa proposicion de lei, coneguda coma “Lei del trabalh” o “Lei El Khomri”, amb qualques cambiaments. Lo mai remarcable seriá que lo barèm que deu limitar las indemnitats per licenciament serà solament “indicatiu”.
Lo president de l’UNÈF situèt la nòva proposicion “entre bricolatge e retropedalatge, totjorn de regressions pels joves”. De son costat, la CGT estimèt que la mobilizacion contra lo projècte de lei demòra “mai que jamai d’actualitat”. Se manten doncas la jornada de cauma generala prevista pel 21 de març.
La mobilisation contre la loi Travail "plus que jamais d'actualité" dit Martinez de la CGT
#loitravail tuits
Valls presentèt una version “corregida” de sa proposicion de lei, coneguda coma “Lei del trabalh” o “Lei El Khomri”, amb qualques cambiaments. Lo mai remarcable seriá que lo barèm que deu limitar las indemnitats per licenciament serà solament “indicatiu”.
Lo president de l’UNÈF situèt la nòva proposicion “entre bricolatge e retropedalatge, totjorn de regressions pels joves”. De son costat, la CGT estimèt que la mobilizacion contra lo projècte de lei demòra “mai que jamai d’actualitat”. Se manten doncas la jornada de cauma generala prevista pel 21 de març.
La mobilisation contre la loi Travail "plus que jamais d'actualité" dit Martinez de la CGT
#loitravail tuits
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo sindicalista aquel es Delpon D o T?
Lo Manelet Valls es lo pixatintas de los banquier privats que li diuen lo que ha de faire.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari