Actualitats
Amassada dels lidèrs europèus per trobar lo biais de legalizar las deportacions
L’UE cèrca de deportar los refugiats en Turquia que la declara “país segur”, e en contrapartida li donarà 3 miliards d’èuros e liberalizarà los visats. Las deportacions començaràn deman
Los lidèrs europèus se son amassats per ratificar lo preacòrdi amb Turquia per i deportar los refugiats. E mai se los detalhs d’aquel acòrdi se coneisson pas encara, a l’ora d’escriure aqueste article, sabèm qu’an reüssit a trobar una solucion juridica per poder negar lo drech d’asil manifestat dins la Declaracion Universala dels Dreches de l’Òme, e tanben cossí esquivar lo vèto de Chipre, que vòl pas cap de sòrta d’acòrdi amb Turquia.
La tòca principala de l’amassada es de legalizar las expulsions e las deportacions dels refugiats a Turquia, en tot declarar qu’es un “país segur”. Insistisson que l’objectiu d’aquelas deportacions es d’empedir que los que son en Turquia risquen lors vidas en traversant la mar Egèa.
L'acòrdi amb Turquia compren qu'aquel país recebrà 3 miliards d'èuros coma ajuda umanitària e que s’engatjarà a velhar per la seguretat de las frontièras. Una autra compensacion que la recebrà Turquia es la liberalizacion dels visats pels ciutadans turcs, e Tuquia fa pression per que progrèsse son adesion a l’Union Europèa.
Criticas, protèstas e bandièras de l’UE en dòl
Lo pache de l’UE amb Turquia a alucat las alarmas de las organizacions pròdreches umans e es estat criticat per divèrses estats dont Espanha.
En Catalonha, lo Parlament a declarat sa solidaritat amb los refugiats, e lo president de la Generalitat, Carles Puigdemont, a comunicat a l’UE que son país pòt aculhir 4500 refugiats. Qualques municipalitats botan las bandièras de l’UE en dòl per protestar mentre que las entitats de la societat civila organizan de protèstas.
La tòca principala de l’amassada es de legalizar las expulsions e las deportacions dels refugiats a Turquia, en tot declarar qu’es un “país segur”. Insistisson que l’objectiu d’aquelas deportacions es d’empedir que los que son en Turquia risquen lors vidas en traversant la mar Egèa.
L'acòrdi amb Turquia compren qu'aquel país recebrà 3 miliards d'èuros coma ajuda umanitària e que s’engatjarà a velhar per la seguretat de las frontièras. Una autra compensacion que la recebrà Turquia es la liberalizacion dels visats pels ciutadans turcs, e Tuquia fa pression per que progrèsse son adesion a l’Union Europèa.
Criticas, protèstas e bandièras de l’UE en dòl
Lo pache de l’UE amb Turquia a alucat las alarmas de las organizacions pròdreches umans e es estat criticat per divèrses estats dont Espanha.
En Catalonha, lo Parlament a declarat sa solidaritat amb los refugiats, e lo president de la Generalitat, Carles Puigdemont, a comunicat a l’UE que son país pòt aculhir 4500 refugiats. Qualques municipalitats botan las bandièras de l’UE en dòl per protestar mentre que las entitats de la societat civila organizan de protèstas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo chantatge de l'Erdogan a plan capitat. A escampat volontariament sus Europa totis los refugiats que s'amassavan al seu dempuèi dos o tres ans. Primièrament quand a comprès que son doble joc amb l'estat islamic començava a marcar mau, e segondament quand s'es trachat que podia usar d'aquèla tropelada de refugiats musulmans coma d'un espanta-aucèls per faire cantar los europencs. E obtèner d'elis tot ço que volia e qu'om li refusava fins ara. Es lo mèsma chantatge qu'emgibrèt lo Khadafi quand amenaçava d'inondar Europa de milions de "negres" (dins la version originala lo mot, diplomaticament revirat per "negres" o "africans", èra encara pus mespresent) s'om li donava pas avantatges e dardènas. Europa s'executèt, tras lo Berlusconi, tota solaçada d'aver escapat al "pièger". Erdogan a fach ço meteis en melhor. De que ne retendrà l'Istoria ? Qu'Europa, pas vergonhosa per un soù, a vendut los refugiats als turcs. Europa a vendut los refugiats als turcs.
Son 6 miliards. A partir de deman, Euròpa pòt tornar a Turquia de refugiats sirians de las islas grègas. En escambi, Euròpa deu recèbre lo METEIS nombre de Sirians enviats directament dempuèi Turquia, deu pagar 6 milions a Turquia e los 80 milions d'abitants de Turquia poiràn circular liurament dins tota la zòna Schengen. Es un acòrdi plan equilibrat. Euròpa es venguda caluca. Quala idèa de voler negociar amb lo califat otoman. Lo que vòl conéisser las intencions veritablas d'Erdogan, deu se sovenir de sos mots : "Los minarets son nòstras baionetas, las copòlas nòstres èlms, las mosquèas nòstra casèrnas e los fidèls nòstres soldats". Aquò promet, amb tant de fidèls que se trapan ja dins lo territòri a conquistar.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari