Actualitats
Cinc mòrts e 36 ferits dins un atemptat suicidari al centre d’Istambol
L’explosion se passèt dins una carrièra comerciala del centre-vila
Istambol a patit tornarmai un atemptat suicidari. L’explosion se produsiguèt ièr a Istiklal, una de las principalas carrièras comercialas de la vila, tuèt cinc personas e ne feriguet almens un trentenat, dont sèt serián en estat grèu, segon çò que rapòrta Al-Jazira. Segon d'autres mèdias, los mòrts serián quatre. Entre los ferits, i a fòrça toristas.
Aquel atemptat es arribat sièis jorns après un autre atemptat suicidari a Ankara, revendicat pels Falcons dela Libertat de Curdistan (TAK), que provoquèt sèt mòrts. Lo TAK aviá tanplan revendicat l’atemptat qu’en febrièr passat tuèt un trentenat de personas tanben a Ankara.
Sembla de l’EI, mas Ankara acusa lo PKK
L’atemptat d’aqueste dissabte es pas encara estat revendicat, çò rapòrta la BBC. Se sospiècha que los autors sián restacats a l’Estat Islamic, qu’es a l’origina de l’atemptat qu’en genièr passat tuèt un desenat de toristas alemands sus la plaça de Sultanahmet, tanben al centre d’Istambol. Ça que la, lo govèrn del president Erdoğan visa ja lo Partit dels Trabalhadors de Curdistan (PKK).
La setmana passada, l’armada turca ataquèt de posicions curds en Iraq, en justificant aquel incursion coma una responsa a l’atemptat de dimenge passat al centre d’Ankara. Lo govèrn turc acusa regularament lo PKK dels atemptats terroristas e per tant l'aviacion militara turca efectua de multiples atacs contra los curds, tant dins l’estat turc coma dins l’estat sirian o iraquian.
#istanbul tuits
Aquel atemptat es arribat sièis jorns après un autre atemptat suicidari a Ankara, revendicat pels Falcons dela Libertat de Curdistan (TAK), que provoquèt sèt mòrts. Lo TAK aviá tanplan revendicat l’atemptat qu’en febrièr passat tuèt un trentenat de personas tanben a Ankara.
Sembla de l’EI, mas Ankara acusa lo PKK
L’atemptat d’aqueste dissabte es pas encara estat revendicat, çò rapòrta la BBC. Se sospiècha que los autors sián restacats a l’Estat Islamic, qu’es a l’origina de l’atemptat qu’en genièr passat tuèt un desenat de toristas alemands sus la plaça de Sultanahmet, tanben al centre d’Istambol. Ça que la, lo govèrn del president Erdoğan visa ja lo Partit dels Trabalhadors de Curdistan (PKK).
La setmana passada, l’armada turca ataquèt de posicions curds en Iraq, en justificant aquel incursion coma una responsa a l’atemptat de dimenge passat al centre d’Ankara. Lo govèrn turc acusa regularament lo PKK dels atemptats terroristas e per tant l'aviacion militara turca efectua de multiples atacs contra los curds, tant dins l’estat turc coma dins l’estat sirian o iraquian.
#istanbul tuits
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La policia ha dit qu'es un de l'EI e cresi que lo govern mateis finalment ho ha reconegut.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari