Benlèu o sabon pas, mas lo 42% dels estatsunidencs son creacionistas. En 1982 un sondatge menat per Gallup raportava que lo 42% dels estatsunidencs cresián que l’òme es estat creat en la siá forma presenta pendent las darrièras 10 000 annadas.
En 2005 Gallup tornèt menar lo meteis sondatge e i trobèt un 44% de creacionistas. En 2006 un autre sondatge semblable, menat aqueste còp pel Pew Research Center, pr’aquò i retrapèt solament aquel 42% de 24 ans abans.
Quicòm de mai. Segon lo sondatge del Pew los estatunidencs que creson a l’evolucion son un 26%, mas aquò s’acordariá pas brica amb la meteissa question pausada per Gallup, que i trobèt solament un 14%. Mas la question, aquel còp, se presentava diferentament; lo sondatge de Gallup avia permés un evolucionisme “guidat per la man de Dieu en una cèrta sòrta de biais”. Per contra, Gallup se demandava qual cresiá a una evolucion menada per l’evolucion.
Qualques chifras
Los atèus representan lo 2,3% de la populacion mondiala.
Los cresents non-religioses representan l’11,9%.
Son atèus lo 32% dels franceses, lo 22,5% dels catalans, lo 7% dels italians, lo 4% dels estatsunidencs...
Seriá plan d’aver d’estatisticas a prepaus d’aquelas personas qu’en diferents grases partejan fe e rason. Fe vòl pas dire obscurantisme. Aquelas personas existisson.
Lo 60% dels estatunidencs voldrián que lo creacionisme e l’evolucionisme s’ensenhèsson a l’escòla. E, de fach, i a d’escòla privadas e publicas que o fan, e amb d’argent public.
Vox.com es un jornal web liberal que crei a l’informacion e a l’evolucion. An fach un vidèo que nos mòstra las pròvas visiblas de l’evolucion dins lo nòstre còs. Lo 14% de la populacion mondiala a un muscle que se ditz “muscle palmar menor”. Vos l’avètz? Se l’avètz vòl dire que sètz encara en procès d’evolucion. E sètz d’aquelas personas capablas de bolegar las aurelhas? Benlèu sètz encara un pauc un bèstia que cèrca de localizar lo son... S’aqueste article vos met la carn de galina, sètz en procès d’evolucion...
14 859 386 personas avián vist ièr aquel vidèo. Lo podètz veire aicí, en anglés o en anglés sostitolat en anglés.
Manèl Zabala
Etiquetas
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Òu, l'amic,
ieu, soi capable de bolegar las aurelhas. Soi capable de bolegar lo front. los dos amassa o un sens l'autre...
De que vòl dire?
Qual soi?
Es grèu?
#2 Islamo-gauchisme ??? Coma aiga sèca e solelh negre de quina malencolia que siá, l'afar me sembla un pauc complicat. Vos remembri a títol de cultura generala, que per Marx, la religion es l'opium del pòble…
chair de poule en lenga nostra se ditz pèl de gallina e la tezoria de l'evolucion lo jornalet deurriá se n'aplicar a-n-eu e evoluar devers mens d'islamo-gauchisme e un pauc mai de sens comun-den gesunden Menschenverstand que vos rende sani e ravoi.
S'entendi plan aquelas chifras, per dominar lo mond, cal èsser pèc e irracional… Aquò dit, se son atèus lo 32% dels Franceses, aquò non fa pas d'eles los campions de la racionalitat, quora s'agís de considerar las lengas (e donc los pòbles que las parlan) coma d'inegalas valors !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Òu, l'amic,
ieu, soi capable de bolegar las aurelhas. Soi capable de bolegar lo front. los dos amassa o un sens l'autre...
De que vòl dire?
Qual soi?
Es grèu?
#2 Islamo-gauchisme ??? Coma aiga sèca e solelh negre de quina malencolia que siá, l'afar me sembla un pauc complicat. Vos remembri a títol de cultura generala, que per Marx, la religion es l'opium del pòble…
chair de poule en lenga nostra se ditz pèl de gallina e la tezoria de l'evolucion lo jornalet deurriá se n'aplicar a-n-eu e evoluar devers mens d'islamo-gauchisme e un pauc mai de sens comun-den gesunden Menschenverstand que vos rende sani e ravoi.
S'entendi plan aquelas chifras, per dominar lo mond, cal èsser pèc e irracional… Aquò dit, se son atèus lo 32% dels Franceses, aquò non fa pas d'eles los campions de la racionalitat, quora s'agís de considerar las lengas (e donc los pòbles que las parlan) coma d'inegalas valors !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari