Actualitats
Niça: es mòrta Jeanne Venturino, que foguèt expulsada de son ostal a causa de l’Èuro 2016
Ela, sa sòrre e son conhat foguèron expulsats lo 25 de febrièr passat per que s’acabèsse de bastir l’estrada de 40 mètres de larg
Jeanne Venturino es mòrta. Èra una de las tres personas octogenàrias expulsadas de lor ostal a la fin de febrièr passat per que passèsse una estrada de 40 mètres. Jeanne Venturino moriguèt dins sos 87 ans dins la nuèch de diluns a dimarts dins un ostal de repaus ont foguèt portada après l’expulsion, çò rapòrta Nice Matin. Ela, sa sòrre Marcelle d’84 ans e son conhat Pierre Carabalona d’86 ans, foguèron expulsats de lor ostal per que s’acabèsse de bastir l’estrada de 40 mètres de larg que deu unir lo bòrd de mar de Niça e l’estadi Allianz Riviera per lo Campionat d'Euròpa de Fotbòl Masculin 2016.
Jeanne Venturino l’avián espitalizada al començament de febrièr après un accident cardiac. Aviá tengut a rintrar en cò d’ela e declarat alavetz als mèdias son refús de l’expulsion: “Vòli morir dins aquesta maison, me n’anarai pas”. Mas manco pas aquela volontat siá foguèt respectada.
Expulsats de lor ostal
Jeanne Venturino, sa sòrre Marcelle e son cunhat Pierre foguèron expulsats de lor ostal lo 25 de febrièr passat.
“Quand soi arribat vèrs 9h30, i aviá una trentena de policièrs, sièis camions de polícia e autant de pompièrs. Tot aquò per solament tres vièlhs”, çò explicava un membre del comitat de sosten a Libération. La construccion d’aquela estrada enòrma es “una operacion dont l’interès generau e l’urgéncia son incontestables”, çò indicava la prefectura del departament. “Tot aquò per una rota e per de partidas de fotbòl”, çò planhiá alavetz Jeanne.
Per la metropòli, aquela expulsion èra estada “l’aplicacion de la decision de justícia”. Tocant la proposicion de relotjament, lo director departamental de la coesion sociala declarèt que “los escambis se farián entre la metropòli e la familha”. Los tres expulsats foguèron menats a l’espital, compte tengut de lor edat. Cal apondre que Pierre es malaut d’alzheimer.
L’expulsion se passèt après quatre ans de recorses davant la justícia e la mesa en plaça d’un comitat de sosten, qu’ara protèsta energicament. Lo movement occitanista local a tanplan manifestat son sosten a la familha Venturino-Carabalona. La còla de la Republica de Niça qualifica lo fach de “drama uman” dins un comunicat que tanben critica lo “betonatge gigantàs de la mai grana plana agricòla e que dona de manjar a Niça” e planh que lo pòble niçard siá pas estat consultat sus l’ensems dels projèctes de la plana de Var.
BFM TV raportava l'expulsion lo 25 de febrièr passat:
Jeanne Venturino l’avián espitalizada al començament de febrièr après un accident cardiac. Aviá tengut a rintrar en cò d’ela e declarat alavetz als mèdias son refús de l’expulsion: “Vòli morir dins aquesta maison, me n’anarai pas”. Mas manco pas aquela volontat siá foguèt respectada.
Expulsats de lor ostal
Jeanne Venturino, sa sòrre Marcelle e son cunhat Pierre foguèron expulsats de lor ostal lo 25 de febrièr passat.
“Quand soi arribat vèrs 9h30, i aviá una trentena de policièrs, sièis camions de polícia e autant de pompièrs. Tot aquò per solament tres vièlhs”, çò explicava un membre del comitat de sosten a Libération. La construccion d’aquela estrada enòrma es “una operacion dont l’interès generau e l’urgéncia son incontestables”, çò indicava la prefectura del departament. “Tot aquò per una rota e per de partidas de fotbòl”, çò planhiá alavetz Jeanne.
Per la metropòli, aquela expulsion èra estada “l’aplicacion de la decision de justícia”. Tocant la proposicion de relotjament, lo director departamental de la coesion sociala declarèt que “los escambis se farián entre la metropòli e la familha”. Los tres expulsats foguèron menats a l’espital, compte tengut de lor edat. Cal apondre que Pierre es malaut d’alzheimer.
L’expulsion se passèt après quatre ans de recorses davant la justícia e la mesa en plaça d’un comitat de sosten, qu’ara protèsta energicament. Lo movement occitanista local a tanplan manifestat son sosten a la familha Venturino-Carabalona. La còla de la Republica de Niça qualifica lo fach de “drama uman” dins un comunicat que tanben critica lo “betonatge gigantàs de la mai grana plana agricòla e que dona de manjar a Niça” e planh que lo pòble niçard siá pas estat consultat sus l’ensems dels projèctes de la plana de Var.
BFM TV raportava l'expulsion lo 25 de febrièr passat:
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una vergonha ren de mai!
Que repause en patz aquela paura femna ! Aquela expulsion acabèt per la tuar. Tot aquò per una estrada e per l'Èuro 2016, valent a dire per qualques partidas de fotbòl que se faràn a Niça pendent una mesada ...
E lo Calvi fa pas una emission aquí dessús?
Mercé Jornalet de nos assabentar sus de mond que los medias de referéncia benlèu n'an parlat mas sens far gaire de rambalh.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari