capçalera campanha

Actualitats

SocietatPoliticaInternacional

Brussèlas: d’ultradrechistas violents provòcan la malescasuda de la manifestacion contra los atemptats

La polícia deguèt intervenir per lor far quitar la plaça

Mai de tres cent ultradrechistas violents provoquèron dimenge passat la malescasuda d'una manifestacion que se voliá pacifica e condemnava los atemptats que los ven de patir Brussèlas. Eles jonguèron la manifestacion sus la plaça de la Borsa en tot cridar d'eslogans nazis, amb los braces levats, e en tot escrachar lo memorial bastit pels ciutadans dins los jorns precedents.
 
Sul pic intervenguèt la polícia, mai que mai per protegir las associacions de musulmans que participavan a la protèsta. Los afrontaments dels ultradrechistas e de la polícia foguèron brutals.
 
Dins un primièr moment, los neonazis se metèron al bòrd del memorial per cridar d'eslogans faissistas e insultar los manifestants. Puèi ensagèron d’ocupar l’endrech en forabandissent los manifestants amb violéncia. Las unitats antisusmauta de la polícia lor faguèron quitar la plaça.
 




Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Francesc Palma de Mallorca
4.

La faissa ,oé,oé oé,
la faissa està de rebaisa,oé,oé,oé
......
faissistes!

  • 1
  • 0
Matamòros Los Sarrasins
3.

#1 S‘aquò es verai? Es pas una question subjectiva. Sufís pas qu’un capulat butamenton declare "Sèm en guèrra" per i èsser. L’estat de guèrra se deu proclamar oficialament e èsser aprovat pel parlament. Donc sèm pas en guèrra, que i foguèssem, saupriam pas solament contra qui (en principi la guèrra se declara d’Estat a Estat, mes aici avèm pas a qui la declarar, puei que l’«Estat» islamic, tecnicament, exitís pas).
Lo sol empachament a manifestar seriá l’estat d’urgéncia mes aquò, segon çò qu’ai comprés, es daissat a la discrecion dels prefèctes, que pòdon interdire o autorizar un acamp sus la plaça.
En mai d’aquò s’agís d’una manifestacion a Brussèlas, que Manu-la-Maissa i a pas cap de jurisdiccion: e mai França foguèsse oficialament en guèrra amb qui qu’estosse, auriá pas valor al delà de Kievrin.

  • 6
  • 0
Batko
2.

#1 Dens ton tèxte, tot es dins lo "S'aquò ei verai ...". Çò que ditz lo Valls, qu'es pas neutre e qu'a fòrça interés dins l'ahar, deu estar verai ? Cresi pas.
Non, èm pas en guèrra, sonque l'armada siriana dambe los russes e lo Hezbollah son en guèrra contra DAESH. França, de son costat, balha medalhas aus promotors deus wahabisme. Jòga un jòc mauclar e fosc ....

  • 9
  • 1
Donat lo grammatician
1.

siam en guerra, dixit Valls -emai d'autres, s'aquò ei verai, significa que lei manifestacions pacificas an pas d'éstre . Imaginatz vos en plena guerra de 1914-1918 una manifestacion pacifica en omenatge ai victimas de la grossa Bertha o en 39-45 fàcia a Hitler ? la guerra es una maquina que dèu eliminar seis enemics que tuian e massacran e aquelei que son en primiera linha son de patriotas. mai se prenèm tot aiçò a l'enrevèrs, es segur que per l'Euròpa la guerra ei ja perduda. .primier fondamentau : una manifestacion interdicha dèu pas aguer luòc que siegue de drecha o d'esquerra, que siegue pacifica o bellicosa. amb una precision mau venguda: Hitler aviá levat una division de Waffen SS bosniaca musulmana per luchar contra la democracia e lei jusiòus

  • 7
  • 24

Escriu un comentari sus aqueste article