Actualitats
Dàvid Grosclaude deven vicepresident de l’Aliança Liura Europèa
Occitània es ansin representada dins aquel partit politic europèu e europeïsta que defend lo drech d’autodeterminacion dels pòbles
Dàvid Grosclaude, èx-conselhièr regional e sòci del burèu federal del Partit Occitan (PÒC), foguèt elegit divendres passat vicepresident de l’Aliança Liura Europèa (ALE), dins l’amassada generala que se debanava aquesta dimenjada a Aiacciu (Corsega).
Grosclaude es intrat al burèu de l’organizacion en plaça de Gustau Aliròl, sòci del burèu del Partit Occitan e president de la federacion Regions e Pòbles Solidaris. “Aquò significa que la preséncia d’un occitanista au burèu de l’ALE qu’ei tanben ua votz per tots los partits qui fòrman RPS”, çò rapòrta lo PÒC.
L’Aliança Liura Europèa (ALE), tanben coneguda coma Partit Democratic dels Pòbles d’Euròpa (PDPE) es un partit politic europèu qu’amassa divèrsas formacions politicas que defendon lo drech d’autodeterminacion dels pòbles, los principis de la democracia parlamentària e los dreches umans. A l’ora d’ara son president es lo còrs François Alfonsi e son secretari general es lo catalan Jordi Solé. Lo partit a sèt deputats al Parlament Europèu dins lo grop parlamentari Los Verds-Aliança Liura Europèa.
Conselhièr regional d’Aquitània fins en decembre passat, Dàvid Grosclaude es un jornalista e politician bearnés. Participèt a la creacion dels primièrs programas en occitan de France 3, foguèt un dels paires de Ràdio País e de La Setmana en fondant la societat cooperativa Vistedit, que tanben desvolopèt Plumalhon e Papagai. Quitèt Vistedit e la carga de president de l’Institut d’Estudis Occitans quand venguèt elegit de la region Aquitània pel Partit Occitan. Un dels elements màgers de son mandat es la creacion de l’Ofici Public de la Lenga Occitana, organisme public al servici de la lenga. Calguèt que Dàvid Grosclaude faguèsse una cauma de la fam d’una setmana per que se publiquèsse lo decret necessari dins lo Jornal Oficial de l’estat francés.
Grosclaude es intrat al burèu de l’organizacion en plaça de Gustau Aliròl, sòci del burèu del Partit Occitan e president de la federacion Regions e Pòbles Solidaris. “Aquò significa que la preséncia d’un occitanista au burèu de l’ALE qu’ei tanben ua votz per tots los partits qui fòrman RPS”, çò rapòrta lo PÒC.
L’Aliança Liura Europèa (ALE), tanben coneguda coma Partit Democratic dels Pòbles d’Euròpa (PDPE) es un partit politic europèu qu’amassa divèrsas formacions politicas que defendon lo drech d’autodeterminacion dels pòbles, los principis de la democracia parlamentària e los dreches umans. A l’ora d’ara son president es lo còrs François Alfonsi e son secretari general es lo catalan Jordi Solé. Lo partit a sèt deputats al Parlament Europèu dins lo grop parlamentari Los Verds-Aliança Liura Europèa.
Conselhièr regional d’Aquitània fins en decembre passat, Dàvid Grosclaude es un jornalista e politician bearnés. Participèt a la creacion dels primièrs programas en occitan de France 3, foguèt un dels paires de Ràdio País e de La Setmana en fondant la societat cooperativa Vistedit, que tanben desvolopèt Plumalhon e Papagai. Quitèt Vistedit e la carga de president de l’Institut d’Estudis Occitans quand venguèt elegit de la region Aquitània pel Partit Occitan. Un dels elements màgers de son mandat es la creacion de l’Ofici Public de la Lenga Occitana, organisme public al servici de la lenga. Calguèt que Dàvid Grosclaude faguèsse una cauma de la fam d’una setmana per que se publiquèsse lo decret necessari dins lo Jornal Oficial de l’estat francés.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#19
Escrivètz " E òc, e Pellet que confirma e tot: "Si le PS faisait voter une loi dans ce sens, oui, je voterai pour l’extrême droite, vote de pur « coup de gueule »."
Constati que l'onestetat intellectuala vos estofa pas, per que oblidatz de dire çaquelà que Pellet precisa que se la Dreita fasia votar una lei d'aquesta mena (vòte obligatòri) votaria pels mai radicals a l'extrema esquèrra ... (aqui tanben "vote de pur coup de gueule")
Aquò sembla de vos empachar que Pellet critique tanben lo "lobby du soit disant réchauffement climatique".
Ont es lo problema ? avèm pas mai lo dreit de partejar pas la pensada unica ?
Aquò vos embestia benlèu, mas sus aqueste subjècte lo PNO a pas de pausicon arrestada fòrt e mòrt ... nos questionam sonque ... e Pellet dobta !!!!!
#17 E òc, e Pellet que confirma e tot: "Si le PS faisait voter une loi dans ce sens, oui, je voterai pour l’extrême droite, vote de pur « coup de gueule »."
Hèra interessant, tanben: "Pour ce qui est du lobby du soit disant réchauffement climatique, libre à vous de croire au Père Noël. Je vous conseille simplement de reprendre vos livres de géo du CM2 et de reprendre vos cours sur l’évolution des différentes glaciations et réchauffement depuis que notre chère terre existe."
Que hèi la captura d'ecran de tira :-)
#16 "sètz completament desprovesit del sens de l'umor. Cal pas jamai prene ço qu'escriu JM Pellet al primièr gra e de mai ço que disètz es pas vertat, Pellet es pas e foguèt pas jamai president del PNO."
Ne'vs preocupetz pas, umor que n'èi, quan ac cau; mes quan quauqu'un qui s'exprimeish mantuns còps per dia en se presentant com militant deu PNO (d'acòrd, n'ei pas president, dont acte), n'a pas lo dret de har umor.
Qu'ei justament per'mor d'aquò qui escrivi dab un psèudo: la mia paraula n'engatja pas qu'a jo e non pas a tau associacion o partit o movement de qui poderí estar membre (perdon, "sòci" en nèooccitan).
#15
"Cara" Mosca Canhisca
Joan Marc Pellet vos vèn de respondre sus la sia pagina facebook
https://www.facebook.com/jeanmarc.pellet?fref=ts
#15 sètz completament desprovesit del sens de l'umor. Cal pas jamai prene ço qu'escriu JM Pellet al primièr gra e de mai ço que disètz es pas vertat, Pellet es pas e foguèt pas jamai president del PNO. Se cal entresenhar abans d'escriure de causas que son falsas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari