Actualitats
Los “Papièrs de Panamà”: la revelacion mai granda de l’istòria sus l’evasion fiscala de centenats de politicians
Los papièrs identifican 143 elegits del Mond entièr dont Vladimir Putin, Michel Plaitini, Leo Messi, la familha reiala espanhòla e Jérôme Cahuzac
De jornals del Mond entièr an començat de publicar los resultats d’una enquèsta coordenada pel Consòrci Internacional del Jornalisme d’Investigacion, sus Mossack Fonseca, una societat clau dins l’existéncia dels paradises fiscals. Las informacions foguèron reveladas al jornal alemand Süddeutsche Zeitung que las publiquèt còp sec aquesta dimenjada. Al total an fach publics mai d’onze milions de documents extraches de las basas de donadas de Mossack Fonseca, çò que despassa —e largament— las informacions reveladas per Wikileaks e Edward Snowden.
Mossack Fonseca es una societat de Panamà que prepausa de servicis juridics coma la creacion e lo contraròtle de societats dins de paradises fiscals del Mond entièr. Es operativa dins 42 païses e a creat 300 000 societats qu’ela las contraròtla per sos clients. Aquela activitat es legala dins la màger part dels païses, mas pas totjorn, e generalament es esconduda per evitar la persecucion del fisc local e tanben per de rasons politicas.
La lista dels clients que s’es publicada compren mai d’un cap d’estat e de govèrn, qu’ara deuràn explicar perqué an tant d’argent e perqué lo mandan en defòra del país. En mai d’aquò, fòrça activitats son restacadas amb lo trafec d’armas o de drògas, l’evasion dels impòstes e d’autres delictes. La justícia de Brasil ja aviá denonciat Mossack Fonseca fa qualques ans, perque considèra qu’es una de las grandas societats d’emblanquiment d’argent.
Après la publicacion dels papièrs, Mossack Fonseca a publicat un comunicat per dire que complís la lei contra l’emblanquiment illegal e las marridas practicas.
Cent quaranta tres elegits dont Cahuzac
Los papièrs identifican 143 elegits del Mond entièr qu'an de societats dins de paradises fiscals, contrarotladas per Mossack Fonseca. Benlèu lo mai espaventós es lo de Vladimir Putin, que per mejan de son amic Sergei Roldugin auriá desviat dos miliards de dolars de las bancas estatalas russas.
Demest los elegits mai coneguts, dins aqueles documents i trobam lo primièr ministre de Paquistan, Nawaz Sharif; l’èx-vicepresident d’Iraq, Ayad Allawi; lo president d’Ucraïna, Petro Poroshenko; e lo primièr ministre d’Islàndia, Sigmundur Davíð Gunnlaugsson. Es tanben implicat lo primièr ministre de Qatar entre 2007 e 2013, Hamad Bin Jasim Bin Jabir Al Thani; lo president de Qatar entre 1995 e 2013, Hamad Bin Khalifa Al Thani; lo rei de l’Arabia Saudita, Salman Bin Abd Al Aziz; lo president dels Emirats Arabis e emir d’Abu Dhabi, Khalifa Bin Zayid Bin Sultan Al Nahyan; dos cosins del president de Siria, Bashshar Al Asad; lo paire de David Cameron; lo secretari de Muhammad VI, rei de Marròc; e tant d’autres.
I trobam tanben un dotzenat de parlamentaris britanics, de membres del Politburo del Partit Comunista de China, de membres de familhas reialas europèas —dont l’espanhòla— e quitament de dirigents de la FIFA.
Lo bordalés Jérôme Cahuzac, èx-primièr cònsol de Vilanuèva d’Òlt (Naut Agenés) e èx-ministre del Budget de França, es tanben concernit per aquel escandolàs. Cahuzac teniá un compte bancari ligat a una societat immatriculada a las Illas Seichèlas e administrada per d’autras societats offshore.
Lo jornal francés Le Monde ne publica un dorsièr especial.
Crisi de govèrn en Islàndia
De centenats d’islandeses manifèsteron de ser davant lo parlament per exigir la demission del primièr ministre d’Islàndia, Sigmundur Davíð Gunnlaugsson, qu’es un dels nombroses implicats d’aquel afar. Segon los documents revelats, Gunnlaugsson e sa femna avián una societat dins un paradís fiscal e i investiguèron dins d’obligacions bancàrias.
Mai d'informacions sus http://panamapapers.icij.org
Mossack Fonseca es una societat de Panamà que prepausa de servicis juridics coma la creacion e lo contraròtle de societats dins de paradises fiscals del Mond entièr. Es operativa dins 42 païses e a creat 300 000 societats qu’ela las contraròtla per sos clients. Aquela activitat es legala dins la màger part dels païses, mas pas totjorn, e generalament es esconduda per evitar la persecucion del fisc local e tanben per de rasons politicas.
La lista dels clients que s’es publicada compren mai d’un cap d’estat e de govèrn, qu’ara deuràn explicar perqué an tant d’argent e perqué lo mandan en defòra del país. En mai d’aquò, fòrça activitats son restacadas amb lo trafec d’armas o de drògas, l’evasion dels impòstes e d’autres delictes. La justícia de Brasil ja aviá denonciat Mossack Fonseca fa qualques ans, perque considèra qu’es una de las grandas societats d’emblanquiment d’argent.
Après la publicacion dels papièrs, Mossack Fonseca a publicat un comunicat per dire que complís la lei contra l’emblanquiment illegal e las marridas practicas.
Cent quaranta tres elegits dont Cahuzac
Los papièrs identifican 143 elegits del Mond entièr qu'an de societats dins de paradises fiscals, contrarotladas per Mossack Fonseca. Benlèu lo mai espaventós es lo de Vladimir Putin, que per mejan de son amic Sergei Roldugin auriá desviat dos miliards de dolars de las bancas estatalas russas.
Demest los elegits mai coneguts, dins aqueles documents i trobam lo primièr ministre de Paquistan, Nawaz Sharif; l’èx-vicepresident d’Iraq, Ayad Allawi; lo president d’Ucraïna, Petro Poroshenko; e lo primièr ministre d’Islàndia, Sigmundur Davíð Gunnlaugsson. Es tanben implicat lo primièr ministre de Qatar entre 2007 e 2013, Hamad Bin Jasim Bin Jabir Al Thani; lo president de Qatar entre 1995 e 2013, Hamad Bin Khalifa Al Thani; lo rei de l’Arabia Saudita, Salman Bin Abd Al Aziz; lo president dels Emirats Arabis e emir d’Abu Dhabi, Khalifa Bin Zayid Bin Sultan Al Nahyan; dos cosins del president de Siria, Bashshar Al Asad; lo paire de David Cameron; lo secretari de Muhammad VI, rei de Marròc; e tant d’autres.
I trobam tanben un dotzenat de parlamentaris britanics, de membres del Politburo del Partit Comunista de China, de membres de familhas reialas europèas —dont l’espanhòla— e quitament de dirigents de la FIFA.
Lo bordalés Jérôme Cahuzac, èx-primièr cònsol de Vilanuèva d’Òlt (Naut Agenés) e èx-ministre del Budget de França, es tanben concernit per aquel escandolàs. Cahuzac teniá un compte bancari ligat a una societat immatriculada a las Illas Seichèlas e administrada per d’autras societats offshore.
Lo jornal francés Le Monde ne publica un dorsièr especial.
Crisi de govèrn en Islàndia
De centenats d’islandeses manifèsteron de ser davant lo parlament per exigir la demission del primièr ministre d’Islàndia, Sigmundur Davíð Gunnlaugsson, qu’es un dels nombroses implicats d’aquel afar. Segon los documents revelats, Gunnlaugsson e sa femna avián una societat dins un paradís fiscal e i investiguèron dins d’obligacions bancàrias.
Iceland parliament rn #iceland#panamagatepic.twitter.com/YOZtrq2drF
— Steinn E. Sigurðar (@steinnes) 4 d’abril de 2016
Mai d'informacions sus http://panamapapers.icij.org
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Fomidable còp de propaganda de la CIA. Un anonim dona un fiquier de mai de 11 millons de noms , a un pichon jornal alemand, tres cents jornalistas trabalhan ( qual paga?, qual comanda? , lo fiquièr es pas vistable, qual contraròla ?) e totes los jornals del monde liure de cridar a l'eclandre , a l'encòp totes amassa, lo meteis jorn, al còp de siulet .
Lo Canard Encadenat a l'escala mondiala qué !
Una disciplina quitament nòrd coreena!
Mas fan ren quora Snowden o Assange ne' parlan e que son forçats de fugir? Mas subte Hollande que vòl aparar los lançaires d'alèrta !!!!!
Còp de capèl als americans que son passats mèstres dins la comanda del mean stream mondial .
Manca pas que las pròvas!
Kolossala ipocrisia deis Estats-Units que la republica de Panama ei una de sei creaturas, territòri destacat de Colombia en 1904 per controtlar lo canau de Panama inaugurat en 1914, aquesta republica number one de l'evasion fiscala e dei pavalhons de complasènça es un protectorat american. quand voudràn metre fin an aquesta excreissènça, totei aquelei malafachas dispareissiràn a l'instant ei per aquò que, au delai dei recercas jornalisticas, avèm de subodorar un còp de la CIA e de son aliat germanic, bord que pas un solet nom d'americans e d'alemands figura dins lou palmarès.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari