Tolosa 23-22 Castras
 
Divés, peu començament deu Top 14 2012-2013, Tolosa s’ei sortit a casa deu tracanard castrés dab un ensai de Matanavu a la 72au minuta de la partida. Notaram la nafradura d’Ibrahim Diarra sortit a la 42au minuta e mancarà a la còla tarnesa dens la setmanas a viéner.
 
 
Estadi francés 32-16 Montpelhièr
 
A Charlety davant 1500 personas, l’estadi francés , navèra version, muishèt bonas causas davant lo Montpelhièr de Galthié.
 
Peus lengadocians, los shèis internacionaus argentins son absents dinc au mes d’octobre e la fin deu championship de l’emisfèri sud. Çò que devèva arribar es arribat, apuèi las 40 purmèiras minutas equilibradas, tot cambièt en dusau tempsada on los parisencs an hèit cauhar lo planchòt dab 23 punts.
 
 
Biàrritz 35-10 Lo Mont
 
Lo Biàrritz començet plan com cau la purmèira partida. N’an pas hèit com las duas sasons passadas. Davant los landés arribats de Pro D2, los de Blanco firen lo tribalh dens las quinze purmèiras minutas dab un 15 a 0. Los montés muishèren qualitat per sortir lo bònus ofensius aus bascos a la 76au minuta mès lo Biàrritz podut marcar l’ensai deus cinc punts a la darrèira minuta de la partida.
 
Lo Mont a vist lo tribalh a har per esperar se sauvar aquera sason.
 
 
Bègla-Bordèu 28-29 Grenòble
 
Èra la revenja de la finala de la pujada en top 14 de 2011. Podem díser que los arpitans de Grenòble an hèit la bona operacion de la jornada e benlhèu la bona operacion de las partidas anar deu campionat. An ganhat a Bègla dens una partida de grana qualitat dab cinc ensais.
 
En 2004 Grenòble coneishut un devarada en Federala 1 ligada a una retrogradacion esportiva e financèira. Mes dab la venguda de Landreau com entrenaire; la pujada en força es logica.
 

Agen 20-24 Racing
 
A Agen una setmana apuèi la mòrt de Calbet, grana figura deu rugbi, los agenés perduren contra los racingmen que pòt complicar lo començament de la sason deus navèths entraïnaires. Com de costuma, los racingmen ganhèren shens marcar un ensai a l’exterior mes dab una eficiacitat dens la gestion de la partida.
 

Aviron 6-13 Clamont
 
Los clarmontés son considerats com los favorits d’aqueth navèth campionat. An jogat com cau jogar un favorit. An jogat lo minimum per ganhar davant una còla de Baiona de pichona qualitat. Sustot que lo tustat basco manquèt 15 punts au pè. Tròp per esperar ganhar davant Clarmont.

 
Perpinhan  15-21 Tolon
 
Èra a partida mei esperada d’aquera purmèira jornada. Tolon ganhèt a Perpinhan en fòrça davant un pack motivat plan com cau.  Los tolonés de Wilkinson e Delon Armitage efectuèren una bona aucupacion deu terrenh e Wilkison marquèt un dròp en fin de partida au moment on los catalans esperèren tornar au planchòt.

1	Biàrritz	5	1	1	0	0	25
2	Estadi francés	4	1	1	0	0	16
3	Clarmont	4	1	1	0	0	7
4	Tolon	4	1	1	0	0	6
5	Racing-Métro 92	4	1	1	0	0	4
6	Grenòble	4	1	1	0	0	1
7	Tolosa	4	1	1	0	0	1
8	Bègla-Bordèu	1	1	0	0	1	-1
9	Castras	1	1	0	0	1	-1
10	Agen	1	1	0	0	1	-4
11	Perpinhan	1	1	0	0	1	-6
12	Baiona	1	1	0	0	1	-7
13	Montpelhièr	0	1	0	0	1	-16
14	Lo Mont	0	1	0	0	1	-25

Eric Goyhenne