Lo primièr ministre d’Islàndia, Sigmundur Davíð Gunnlaugsson, es oficialament la primièra victima de la revelacion dels “papièrs de Panamà”, e presentèt ièr de ser sa demission. Qualques oras abans aviá demandat la dissolucion del parlament e la convocacion d’eleccions.
 
De milièrs d’islandeses avián manifestat davant lo parlament per exigir lo renonciament de Gunnlaugsson. Segon l’afar dels “papièrs de Panamà”, revelat dimenge dins los mèdias, Sigmundur Davíð Gunnlaugsson e sa femna avián una societat dins un paradís fiscal e i investiguèron dins d’obligacions bancàrias.
 
En mai d’aquò, Gunnlaugsson a daissat un dels imatges mai significatius de l’afar, quand se levèt e talhèt còp sec una entrevista ont, per lo primièr còp, òm li pausava una question a prepaus del contengut dels papièrs.