Se confirma los pronostics de las eleccions legislativas del 20 de decembre passat e l’estat espanhòl es vengut ingovernable.
Los partits e los resultats
Lo Partit Popular (PP) foguèt lo partit mai votat, e mai se perdèt la majoritat absoluda qu’aviá. En 2011 aviá ganhat las eleccions amb lo 44,63% dels vòtes e aqueste còp n’obtenguèt lo 28%.
Tanben lo Partit Socialista Obrièr Espanhòl (PSÒE) perdèt un bon nombre de vòtes e mai se demòra la segonda fòrça amb lo 22%.
Mas la nòva mai remarcabla d’aquelas eleccions es que lo bipartidisme s’acabèt en Espanha amb l’espelida de la coalicion d’esquèrra Podèm e del partit de drecha Ciutadans. Podèm intrèt dins la cambra parlamentària espanhòla amb fòrça (lo 20% dels vòtes) del temps que Ciutadans i intrèt amb lo 13%, un resultat considerable e mai s’es fòrça mai bas que çò qu’esperavan.
Los independentistas catalans intrèron tanben amb fòrça al Congrès dels Deputats ont Esquèrra Republicana de Catalonha (ÈRC) aumentèt sa representacion e Democracia e Libertat (DL), partit eiretièr de Convergéncia Democratica (CDC), ten los deputats qu’aviá ja abans amb l’anciana coalicion de Convergéncia e Union (CIU) (e mai se l’ancian partenari, Union Democratica, UDC, a desaparegut de las Corts espanhòlas).
Possibles paches
La situacion es complicada. Venèm d’o veire dins los dos darrièrs ensages de far un govèrn qu’an malescasut. Espanha es un país amb una escassa tradicion democratica bòrd qu’a viscut dins lo bipartidisme dempuèi la fin de la darrièra dictatura. Ara, se tròba dins una situacion de multipartidisme e los partits son pas abituats a far de paches e de concessions de plusors partits.
D’un costat, solament se poiriá formar un govèrn de majoritat absoluda amb un pache del Partit Popular (PP) e del Partit Socialista (PSÒE) o ben amb una granda coalicion de las esquèrras (PSÒE e Podèm) amb lo sosten dels independentistas catalans qu’an 17 representants al Congrès dels Deputats a Madrid.
D’un autre costat, per aver un govèrn de majoritat relativa, las opcions son fòrça mai largas, mas totas elas requerisson l’abstencion d’un dels dos partits màgers, çò que sembla complicat.
Las dificultats
Las dificultats per aténher un pache son las següentas:
— Lo PP insistís qu’a ganhat, e vòl pas facilitar que govèrne un autre partit.
— Podèm vòl pas pachar amb Ciutadans, e dison que solament pacharàn amb lo PSÒE s’accèpta de far un referendum en Catalonha sus l’independéncia.
— Ciutadans refusa absoludament de pachar amb los nacionalistas catalans e pausa de condicions a un pache amb Podèm.
— Dins lo PSÒE i a una division intèrna: d’un costat d’unes vòlon un pache d’esquèrra amb Podèm, qu’a de besonh del sosten dels nacionalistas catalans en contrapartida del referendum; mas los autres refusan del tot un referendum e vòlon un pache amb Ciutadans, qu’a de besonh, almens, de l’abstencion del PP. Mas lo PP a ja avertit qu’o farà pas.
Ensages d’investidura malescasuts
D’en primièr, lo rei d’Espanha Felip VI demandèt a Mariano Rajoy, cap del Partit Popular, de formar govèrn, mas el refusèt en tot preveire que passariá pas lo vòte d’investidura.
Pus tard, lo rei demandèt a Pedro Sánchez, cap del Partit Socialista, de formar el lo govèrn, car èra a temptar de paches amb divèrses partits, d’un costat Ciutadans e de l’autre Podèm.
Pedro Sánchez se presentèt a l’investidura solament amb lo sosten de Ciutadans e capitèt mal.
Se i a pas una suspresa al darrièr moment, coma se passèt en Catalonha, sembla inevitable que se celèbren de nòvas eleccions en junh que ven. Pasmens, segon los sondatges, los resultats serián parièrs.
Ferriòl Macip
Josèp Maria Milla
Los partits e los resultats
Lo Partit Popular (PP) foguèt lo partit mai votat, e mai se perdèt la majoritat absoluda qu’aviá. En 2011 aviá ganhat las eleccions amb lo 44,63% dels vòtes e aqueste còp n’obtenguèt lo 28%.
Tanben lo Partit Socialista Obrièr Espanhòl (PSÒE) perdèt un bon nombre de vòtes e mai se demòra la segonda fòrça amb lo 22%.
Mas la nòva mai remarcabla d’aquelas eleccions es que lo bipartidisme s’acabèt en Espanha amb l’espelida de la coalicion d’esquèrra Podèm e del partit de drecha Ciutadans. Podèm intrèt dins la cambra parlamentària espanhòla amb fòrça (lo 20% dels vòtes) del temps que Ciutadans i intrèt amb lo 13%, un resultat considerable e mai s’es fòrça mai bas que çò qu’esperavan.
Los independentistas catalans intrèron tanben amb fòrça al Congrès dels Deputats ont Esquèrra Republicana de Catalonha (ÈRC) aumentèt sa representacion e Democracia e Libertat (DL), partit eiretièr de Convergéncia Democratica (CDC), ten los deputats qu’aviá ja abans amb l’anciana coalicion de Convergéncia e Union (CIU) (e mai se l’ancian partenari, Union Democratica, UDC, a desaparegut de las Corts espanhòlas).
Possibles paches
La situacion es complicada. Venèm d’o veire dins los dos darrièrs ensages de far un govèrn qu’an malescasut. Espanha es un país amb una escassa tradicion democratica bòrd qu’a viscut dins lo bipartidisme dempuèi la fin de la darrièra dictatura. Ara, se tròba dins una situacion de multipartidisme e los partits son pas abituats a far de paches e de concessions de plusors partits.
D’un costat, solament se poiriá formar un govèrn de majoritat absoluda amb un pache del Partit Popular (PP) e del Partit Socialista (PSÒE) o ben amb una granda coalicion de las esquèrras (PSÒE e Podèm) amb lo sosten dels independentistas catalans qu’an 17 representants al Congrès dels Deputats a Madrid.
D’un autre costat, per aver un govèrn de majoritat relativa, las opcions son fòrça mai largas, mas totas elas requerisson l’abstencion d’un dels dos partits màgers, çò que sembla complicat.
Las dificultats
Las dificultats per aténher un pache son las següentas:
— Lo PP insistís qu’a ganhat, e vòl pas facilitar que govèrne un autre partit.
— Podèm vòl pas pachar amb Ciutadans, e dison que solament pacharàn amb lo PSÒE s’accèpta de far un referendum en Catalonha sus l’independéncia.
— Ciutadans refusa absoludament de pachar amb los nacionalistas catalans e pausa de condicions a un pache amb Podèm.
— Dins lo PSÒE i a una division intèrna: d’un costat d’unes vòlon un pache d’esquèrra amb Podèm, qu’a de besonh del sosten dels nacionalistas catalans en contrapartida del referendum; mas los autres refusan del tot un referendum e vòlon un pache amb Ciutadans, qu’a de besonh, almens, de l’abstencion del PP. Mas lo PP a ja avertit qu’o farà pas.
Ensages d’investidura malescasuts
D’en primièr, lo rei d’Espanha Felip VI demandèt a Mariano Rajoy, cap del Partit Popular, de formar govèrn, mas el refusèt en tot preveire que passariá pas lo vòte d’investidura.
Pus tard, lo rei demandèt a Pedro Sánchez, cap del Partit Socialista, de formar el lo govèrn, car èra a temptar de paches amb divèrses partits, d’un costat Ciutadans e de l’autre Podèm.
— Podèm ganhèt amb fòrça dins los Païses Catalans amb lo sosten de plusors movements d’esquèrra. La fòrça esquerrista faguèt una campanha consagrada a postular un referendum independentista en Catalonha, e dison que solament pacharàn amb qui s’i engatge. Cal soslinhar que Podèm a totjorn revendicat qu’es pas per ni contra l’independéncia de Catalonha e Aran.
— Ciutadans es un movement sorgit en Catalonha per luchar contra l’independentisme. A crescut fòrça en Catalonha en prenent los vòtes del PP e del PSÒE. Per contra, en Espanha, que s’i presentavan per primièr còp, an pas atench los resultats qu’esperavan e son venguts la quatrena fòrça.
— Ciutadans es un movement sorgit en Catalonha per luchar contra l’independentisme. A crescut fòrça en Catalonha en prenent los vòtes del PP e del PSÒE. Per contra, en Espanha, que s’i presentavan per primièr còp, an pas atench los resultats qu’esperavan e son venguts la quatrena fòrça.
Pedro Sánchez se presentèt a l’investidura solament amb lo sosten de Ciutadans e capitèt mal.
Se i a pas una suspresa al darrièr moment, coma se passèt en Catalonha, sembla inevitable que se celèbren de nòvas eleccions en junh que ven. Pasmens, segon los sondatges, los resultats serián parièrs.
Ferriòl Macip
Josèp Maria Milla
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
los del PSOE e ciutadans ja havien fait l'acord de 220 punts e volien qu'es tocàs pas res. Ni donar cap carrec als de PODEM. Devien voler que només anassen a aplaudir-los, quan traien als trabalhadors amb las leis de la patronals e banquers.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari