capçalera campanha

Actualitats

SocietatPoliticaInternacionalEconomia

Papièrs de Panamà: Wikileaks afirma que los Estats Units son los autors de la revelacion

Ditz qu’es pas un complòt contra Putin, mas afirma que lo govèrn dels Estats Units e George Soros son darrièr la revelacion

| WikiLeaks

 
Wikileaks afirma que lo govèrn dels Estats Units e George Soros son darrièr la revelacion dels diches “Papièrs de Panamà”. Ièr de matin, lo compte oficial de Wikileaks publicava de fiuladas criticas amb l’operacion.
 
Foguèt pas aital dins un primièr moment. Wikileaks aviá quitament anonciat l’aparicion dels “Papièrs de Panamà” doas oras abans que se faguèsson publics e ne saludèt l’aparicion coma quicòm de positiu.
 

 
Mas qualques oras puèi, un usatgièr expliquèt a Wikileaks que, per el, li semblava estranh que la revelacion visèsse justament los enemics dels Estats Units. Es aquí que per lo primièr còp Wikileaks respondèt que l’operacion es pagada pel govèrn estatsunidenc. Concretament, ditz que l’enquèsta e la revelacion son finançadas per USAID, e mai se presèrva lo “bon trabalh” dels jornalistas. Wikileaks explica pas la rason d’aquela afirmacion. USAID es una agéncia dels Estats Units creada pel president Kennedy e que sa tòca es d’ajudar d’autres païses del Mond.
 

 
Puèi, critica que se coneis sonque las donadas que los divèrses jornals an volgut publicar e que representan pas manco l’1% del volum total de l’afar. Dins aquel sens reclama que i aja un cercador per qu’òm pòsca trabalhar amb totas las donadas, coma o fa de costuma Wikileaks.
 
Après l’aparicion d’una nòva dins The Guardian qu’afirma que lo govèrn australian a las donadas que tòcan las societats australianas, òm comença de sospechar quicòm. Es aquí que Wikileaks demanda d’explicacions sus qual es l’hacker qu’a accedit a las donadas de Mosack Fonseca. E Wikileaks demanda, ara ja amb insisténcia, perqué se fan pas publics totes los papièrs.
 
La fiulada seguenta afirma que la Fondacion Soros es una de las que finança l’ICIJ, lo consòrci dels jornalistas qu’an menat a tèrme la revelacion amb lo jornal alemand Süddeutsche Zeitung. E critica lo fach que lo sieu director Gerard Ryle diga qu’eles faràn pas publicas totas las donadas pr’amor qu’eles son pas Wikileaks.
 

 
Fin finala, après esclarzir un malentendut dins una fiulada, qu’a butat la premsa russa a afirmar que Wikileaks ditz que tota l’operacion es un complòt contra Putin, Wikileaks afirma aquò: “dire que los Papièrs de Panamà son, d’espereles, un complòt contra Russia, aquò a pas cap de sens. Totun la dissimulacion dels resultats (que los mòstran pas totes en public), l’organizacion basada al DC [lo Districte de Colúmbia] e l’argent d’USAID inclinan l’operacion [dins lo sens de l’orientar cap als interèsses de qualqu’un]”.
 

 
Ça que la, fòrça jornals russes e d’autres païses afirman que Wikileaks a dich que tota l’operacion es un complòt contra Putin, çò qu’es pas vertat. La confusion proven d’una fiulada que critica un article d’USAID basat suls “Papièrs de Panamà”, e que Wikileaks lo presenta coma “finançat pel govèrn dels Estats Units” [“US govt funded”].

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

Pirolet
5.

Aquí la peticion:

https://www.change.org/p/panamapapers-en-finir-avec-le-secret-sanctionnez-les-banques?recruiter=19286089&utm_campaign=signature_receipt&utm_medium=email&utm_source=share_petition

  • 0
  • 0
Pirolet
4.

E òc! Mas se sap que los progresses de la transparéncia" -quand n'i a- se fan sovent per de marridas rason. Aital de la FIFA. o cal dire mas cal pas far los refastinhoses per aquò.

  • 0
  • 0
francesc palma de mallorca
3.

Un bon trabalh periodistic aqueste de lo Jornalet. Es atal los estadounits pagan,e qui paga mana. ho dis Vickileags, e aquestes si que son de fiar.

  • 3
  • 0
N. Eynaud Ais de Provença
2.

E per escondre mielh son complòt, lo govèrn estatsunidenc a tanben laissat volontariament de documents que tocan dirèctament d'aliats importants de la politica US coma lo Premier Ministre britanic ò que renfòrçan la posicion d'adversaris potenciaus coma lo president chinés ?

  • 5
  • 0
Donat lo grammatician
1.

repeti mon primier comentari : leis USA. en 1904 foguèron a l'origina de la creacion de la republica de Panama, territòri destacat de Colombia per controlar lo canau durbit en 1914, es doncas fins a vuèi un protectorat american e l'escandal internacionau dei pavalhons de complasença, una autra especialitat de Panama lo pòdon suprimir à l'instant, se i a una volontat politica. parier per lo paradis fiscau qu'ei Panama e aquò explica en partida l'absència d'americans dins la lista, l'autra rason ei que leis Estats Units pòdon crear sei propris societats off shores au sieu e tot aquò bolhe dins la topîna familiala. Suprimèm doncas societat- ecrans e pavalhons de complasença, mai gardem lo capèu !

  • 4
  • 1

Escriu un comentari sus aqueste article