Actualitats
L’IEA a presentat sas primièras publicacions a Barcelona
L’Institut d’Estudis Catalans aculhiguèt l’eveniment
L’Institut d’Estudis Catalans (IÈC) aculhiguèt dijòus passat la presentacion a Barcelona de las primièras òbras de l’Institut d’Estudis Araneseses-Acadèmia Aranesa de la Lenga Occitana (IEA-AALO o simplament IEA). L’eveniment se tenguèt a la Sala Prat de la Riba davant un public fòrça nombrós e foguèt retransmés en dirècte per streaming.
Lo president de l’IÈC, Joandomènec Ros, aculhiguèt los representants de l’institucion occitana dont son president, Jusèp-Loís Sans, amb los academicians Joan Salas-Lostau, Jèp de Montoya, Jacme Taupiac e Miquèu Segalàs. Los membres de l’IEA presentèron lo prètzfach de lor institicion e sas primièras òbras que son: Gramatica basica der occitan aranés; Per escriure l’occitan; e Discorsi de presentacion der Insitut d’Estudis Aranesi-Acadèmia Aranesa dera Lengua Occitana. Son tres òbras que se presentaràn e se distribuiràn dins totas las escòlas de la Val d’Aran e las metràn a la dispocicion dels escolans, liceans e professors. S’anoncièt tanplan que seguiriá un vocabulari basic de l’occitan aranés, un estudi de sintaxi e una gramatica basica de l’occitan estandard.
— La Gramatica basica der occitan aranés es un tèxt provisòri. Segon Sans, la lenga “ei deth pòble e non serà enquia laguens d’un o dus ans que se harà era publicacion definitiva, donques qu’açò depenerà der emplec sociau que se’n hèsque”. Per ara n’an publicat 2500 exemplars.
— Per escriure l’occitan es una òbra de Jacme Taupiac sus l’occitan que se poirà utilizar dins l’educacion segondària en Aran. N’an publicat 1000 exemplars.
— Discorsi de presentacion der Institut d’Estudis Aranesi-Acadèmia Aranesa dera Lengua Occitana amassa los discorses de presentacion dels membres de l’organisme e ne definís lor filosofia de trabalh. An publicat 1000 exemplars d’aquel libre.
Aquelas publicacions foguèron ja presentadas al Conselh General d’Aran en genièr passat e aculhidas amb estrambòrd pel sindic d’Aran.
Lo president de l’IÈC, Joandomènec Ros, aculhiguèt los representants de l’institucion occitana dont son president, Jusèp-Loís Sans, amb los academicians Joan Salas-Lostau, Jèp de Montoya, Jacme Taupiac e Miquèu Segalàs. Los membres de l’IEA presentèron lo prètzfach de lor institicion e sas primièras òbras que son: Gramatica basica der occitan aranés; Per escriure l’occitan; e Discorsi de presentacion der Insitut d’Estudis Aranesi-Acadèmia Aranesa dera Lengua Occitana. Son tres òbras que se presentaràn e se distribuiràn dins totas las escòlas de la Val d’Aran e las metràn a la dispocicion dels escolans, liceans e professors. S’anoncièt tanplan que seguiriá un vocabulari basic de l’occitan aranés, un estudi de sintaxi e una gramatica basica de l’occitan estandard.
— La Gramatica basica der occitan aranés es un tèxt provisòri. Segon Sans, la lenga “ei deth pòble e non serà enquia laguens d’un o dus ans que se harà era publicacion definitiva, donques qu’açò depenerà der emplec sociau que se’n hèsque”. Per ara n’an publicat 2500 exemplars.
— Per escriure l’occitan es una òbra de Jacme Taupiac sus l’occitan que se poirà utilizar dins l’educacion segondària en Aran. N’an publicat 1000 exemplars.
— Discorsi de presentacion der Institut d’Estudis Aranesi-Acadèmia Aranesa dera Lengua Occitana amassa los discorses de presentacion dels membres de l’organisme e ne definís lor filosofia de trabalh. An publicat 1000 exemplars d’aquel libre.
Aquelas publicacions foguèron ja presentadas al Conselh General d’Aran en genièr passat e aculhidas amb estrambòrd pel sindic d’Aran.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ai totjorn pensat ( e o ai mostrat tanben) que i aviá un ligam fòrt entre conceptes en linguistica coma en istòria e ideologias. Aquò n'es encara una demonstracion viva.
#1 Aitor Carrera es una òme simpatic e subretot competent. Mas una academia es e demòra una academia. Un trabalh d'òme sol, per tant bon que siá, demòra un trabalh d'òme sol. Un trabalh d'academia es un trabalh collectiu e, d'un punt de vista modèrne, oficial, que non pas solament personal, quinas que sián las qualitats fòrtas d'aquela persona.
#1 Es vertat. La melhora gramatica aranesa que siá accessibla per lo grand public es aquela d'Aitor Carrera. Es d'una granda qualitat e d'una granda rigor.
— Aitor Carrera, 2006, 'Gramatica aranesa', Pagès editors.
Ua gramatica *basica* der occitan aranés? Non i auie ja ua gramatica aranesa? Me semblaue que Aitor Carrera ja n'auie publicat ua hè quauqui ans. Enfin… espèri que siguen coerentes entre eres, aumens. Totun, non vesi cap er interès de tornar a hèr eth tribalh dus còps. E mensh entà hèr-la basica quan ja n'i auie ua de mès completa…
Ua auta qüestion: "per escriure l'occitan", non ac saben hèr, es gojats e gojates aranesi, quan gessen dera escòla?
Semble que çò de mès important ei auer publicat bèri discorsi, non?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari