Dimenge passat de matin, de centenats de refugiats del camp d’Eidomeni ensagèron de passar lo passatge frontalièr amb Macedònia, barrat fa gaireben un mes, e qu’empedís de seguir la dicha Rota dels Balcans cap a Alemanha. De jornalistas e los activistas de las ONG que son sus plaça explican que dissabte circulava tornarmai la rumor que dimenge se dobririá la frontièra. Fòrça mond s’i rassemblèron e ensagèron de passar.
 
Davant la passivitat de la polícia grèga, los policièrs antisusmautas de Macedònia, ajudats per d’elicoptèrs, respondèron amb lo lançament de gases lacrimogèns dirèctament contra lo camp de refugiats d’Eidomeni, un sit qu’aculhís, dins de condicions precàrias, onze mila personas, dont quatre mila enfants.
 
Lo correspondent de Vilaweb sus plaça, Oriol Bäbler, explicava que qualques refugiats reüssiguèron a dobrir de traucs a la barralha frontalièra. TV3 rapòrta que los que reüssiguèron a passar foguèron arrestats e remandats al territòri grèc.
 
Segon Mètges Sens Frontièras (MSF), i a almens tres centenats de ferits, la majoritat per l’efièch dels gases. L’ONG medicala denóncia tanben que, demest los ferits, i a tres enfants de mens de dètz ans amb d’impactes de balas de plastic sul cap.
 

Amongst our patients at #Idomeni today were 3 kids under 10 with plastic bullet wounds to the head. pic.twitter.com/RDP0VN3CWC

— MSF Sea (@MSF_Sea) 10 d’abril de 2016

 

Horrific scene here in #Idomeni as people are being relentlessly tear gassed #refugeespic.twitter.com/LCwnbfC8O0

— Lighthouse Relief (@LighthouseRR) 10 d’abril de 2016

 
 

Flüchtlinge versuchen Grenzzaum zu stürmen #Idomenipic.twitter.com/ke6O8RMptu

— Britta Jäger (@Britta_Jaeger) 10 d’abril de 2016

 
 

Marsch auf die Grenze bei #Idomeni. Tränengasgranaten explodieren pic.twitter.com/soqBMtHPC8

— Julia Niemeyer (@JuNiemeyer) 10 d’abril de 2016

VilaWeb.cat / Incidents a Idomeniper vilawebtv