Lo president emblematic del grop occitan de vins e esperitoses Pernod Ricard moriguèt divendres de ser dins sos 67 ans.
Segon un comunicat del grop del 17 d’agost passat, “La familha, lo conselh d’administracion e la direccion generala de Pernod Ricard an la tristesa d’anonciar lo decès de Sénher Patrick Ricard, subrevengut sobtament aqueste jorn”.
Sénher Ricard moriguèt dins l’espital Santa Anna de Tolon, ont lo transportèron divendres passat, de vèspre, après èsser victima d’un malèsser cardiac dins l’illa familiala de Bendòrt, a Bandòu (Tolonenc).
Patrick Ricard èra filh de Pau Ricard, l’inventor del celèbre pastís de Marselha vèrs 1932 e cofondador vèrs 1935 d’un efemèr “Partit Provençau” amb lo poèta occitanista Jòrgi Rebol.
En fach, l’entrepresa Pernod Ricard es numèro 2 mondial de las bevendas alcolizadas.
Sénher Ricard èra maridat e paire de tres enfants.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La question es de saber se los Ricard van demorar al cap de l'entrepresa, dins la dralha familiala e occitana (lo grop Ricard a servat son sèti a Marselha), o se va perseguir sa mudason de cap a París, sèti de l'ostal-paire Pernod-Ricard, e sa financiarizacion...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari