Actualitats
La 22a edicion del Camin de la Ceba serà lo 22 de mai que ven
Aquela caminada istorica en Montanha Negra evòca l’anciana rota per anar crompar de plantons de ceba e s’espèra 500 participants
La 22a edicion del Camin de la Ceba se debanarà lo 22 de mai que ven. En aquela ocasion, la còla del talhièr d’occitan de l’Ostal dels Joves de Masamet prepausa una brava caminada en Montanha Negra, al despart de Masamet, fins a La Bastida Esparveirenca, ont cadun marcha a son ritme.
Segon çò que la còla de cebolats a contat a la redaccion de Jornalet, la tòca de la caminada es totjorn la meteissa: “Anar crompar de plantons de cebas a La Bastida, coma o fasián los nòstres rèires, un còp èra. E mai que mai, caminar amassa, dins la beutat dels paisatges, dins un ambient coral. Amb d’estapas golardas”. Son previstas tanben d’animacions musicalas.
Los 500 participants esperats sus la jornada poiràn percórrer un vintenat de quilomètres per arribar a La Bastida Esparveirenca a travèrs de l’espectaclós païsatge de la Montanha Negra. Ongan s’organiza una pausa-cafè a la glèisa de Sant Sarnin.
Per mai d’informacions e las inscripcions, vesitatz lo sit del Camin de la Ceba.
Segon çò que la còla de cebolats a contat a la redaccion de Jornalet, la tòca de la caminada es totjorn la meteissa: “Anar crompar de plantons de cebas a La Bastida, coma o fasián los nòstres rèires, un còp èra. E mai que mai, caminar amassa, dins la beutat dels paisatges, dins un ambient coral. Amb d’estapas golardas”. Son previstas tanben d’animacions musicalas.
Los 500 participants esperats sus la jornada poiràn percórrer un vintenat de quilomètres per arribar a La Bastida Esparveirenca a travèrs de l’espectaclós païsatge de la Montanha Negra. Ongan s’organiza una pausa-cafè a la glèisa de Sant Sarnin.
Per mai d’informacions e las inscripcions, vesitatz lo sit del Camin de la Ceba.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari