Après vesitar lo camp de refugiats de Mòria, a l’illa grèga de Lèsbos, lo papa Francés tornèt dissabte a la Ciutat del Vatican amb dotze refugiats, segon çò qu’a raportat la Santa Sès dins un comunicat de premsa. Se tracta de tres familhas sirianas que demest elas i a sièis menors. Lo Vatican a pres en carga l’entretenença dels dotze refugiats.
 
Pendent sa vesita, lo pontife diguèt que los refugiats fan partida dels “grops vulnerables” e apondèt qu’“arribèron a Lèsbos abans l’intrada en vigor de l’acòrdi entre l’UE e Turquia”. Francés soslinhèt tanben que la crisi dels refugiats es “la pièger qu’a patit Euròpa dempuèi la Segonda Guèrra Mondiala”.
 
 
“Sètz pas totes sols”
 
Lo papa foguèt aculhit a Lèsbos pel primièr ministre grèc Alexis Tsipras, pel patriarca ortodòxe Bartomieu e per l’archevesque d’Atenas Jiròni IId. Es amb eles que faguèt la vesita al camp de refugiats de Mòria, un centre d’internament dels refugiats qu’es vengut una veritabla preson. Lo sit aculhís aperaquí 2500 personas que demandan l’asil, e mai s’après l’acòrdi de l’UE amb Turquia son deportats en territòri turc.
 
Francés saludèt a cha un totes los refugiats que se sarrèron d’el. “Sètz pas totes sols”, çò lor diguèt. En mai d’aquò, lo pontife mandèt un messatge a la comunautat internacionala.
   
Lo papa Francés e lo patriarca Bartomieu dinnèron amassa amb qualques refugiats. Abans de partir, anèt sul pòrt per far un omenatge als refugiats que son mòrts mentre qu’ensajavan d’arribar en Euròpa.
 
Abans de partir vèrs Lèsbos, lo papa aviá manifestat dins una fiulada sus Twitter que “los refugiats son pas de numèros, son de personas: son de caras, de noms, d’istòrias, e devon èsser tractats coma tals.”
 
 

I profughi non sono numeri, sono persone: sono volti, nomi, storie, e come tali vanno trattati.

— Papa Francesco (@Pontifex_it) 16 d’abril de 2016

 
Los refugiados no son números sino personas con rostros, nombres e historias, y deben ser tratados como tales.
 
 
Ara si que i aviá de ressorsas
 
De son costat, Òscar Camps —lo volontari de Proactiva Open Arms que recebèt fa qualques jorns lo prèmi del “catalan de l’an”— critiquèt que las ressorsas de seguretat desplegadas per la vesita del papa se tròben pas long de las còstas per ajudar los refugiats que se nègan en ensajant d’arribar. “Mai de policièrs que d’assistents, un autre desplegament desproporcionat. L’UE a de ressorsas per gaireben tot. En amagant de vergonhas”. En mai d’aquò, Camps a reprochat que lo papa aja pas pogut vesitar lo cementèri ont son enterrats los que son mòrts perque “l’UE aguèt pas de ressorsas per los salvar”.
 
 

Más Policías que asistentes otro despliegue desproporcionado. La UE tiene medios para casi todo. Tapando vergüenzas pic.twitter.com/oBja2CJSUF

— Oscar Camps (@campsoscar) 16 d’abril de 2016

 
 

Lástima que el @Pontifex_it no podrá visitar el cementerio. No hubo recursos en UE para salvarles Vía @IdafeMartinpic.twitter.com/TgD52wPkxL

— Oscar Camps (@campsoscar) 16 d’abril de 2016

 
 
Als salvaments dels refugiats que se naufragan dins la Mar Egèa, cap d’organisme administratiu i a pas participat, mas solament l’ONG catalana nomenada Proactiva Open Arms amb l’ajuda de pescadors turcs e grècs. Aqueles secorristas catalans solidaris se son installats a Lèsbos per salvar de vidas davant la vergonhabla inoperància de las administracions europèas.