Actualitats
La fèsta de Sant Jòrdi en Occitània
La fèsta catalana de la cultura e de l’amor aurà l’accent occitan a Narbona e Vielha
Dissabte que ven, 23 d’abril, se celebrarà un còp de mai la fèsta de Sant Jòrdi. D’un costat es lo jorn internacional del libre, mas es sustot una jornada fòrça especiala en Catalonha, que lo nòstre país fraire s’emplís de taulièrs de libres, d’escrivans que signan e de mond que s’ofrisson un libre e una ròsa en tot festejar lo jorn de l’amor e revendicar la cultura. Aquela jornada se seguís fòrça en Occitània.
Dijòus 21: fèsta de l’amor a Narbona
A Narbona festejaràn Sant Jòrdi aqueste dijòus 21 d’abril a l’Estanquet de la Robina, lo cafè associatiu occitanofòn dobèrt cada dijòus a partir de 18h dins los locals de l’Ostal Occitan de Narbona.
“En s’inspirant del fach que Sant Jòrdi es la fèsta del libre, la ròsa e de l’amor en Catalonha, festejarem l’amor”, çò explica la còla de l’Estanquet. “Las femnas vendràn amb de libres, de poèmas d’amor en occitan, en catalan e en francés, e los òmes amb de flors que se poiràn escambiar mutualament”.
Al programa i a una scèna dobèrta literària a partir de 19h, acompanhada de las especialitats del cosinièr. La serada s’acabarà amb un empont musical.
Per mai d’informacions, podètz vesitar la pagina Facebook de l’Estanquet de la Robina.
Dissabte 23: Lecturas e contes en Aran
Lo Conselh General d’Aran e lo collectiu Lengua Viua an organizat una lectura de tèxtes literaris en occitan, lo dissabte 23 d’abril de 12h a 13h, al pè del monument a la lenga, a Vielha.
En mai d’aquò, a 18h se debanarà una serada de contes a la Bibliotèca Generala de Vielha, a la carga de la contaira e musiciana foissenca Pascala Respaud.
Dijòus 21: fèsta de l’amor a Narbona
A Narbona festejaràn Sant Jòrdi aqueste dijòus 21 d’abril a l’Estanquet de la Robina, lo cafè associatiu occitanofòn dobèrt cada dijòus a partir de 18h dins los locals de l’Ostal Occitan de Narbona.
“En s’inspirant del fach que Sant Jòrdi es la fèsta del libre, la ròsa e de l’amor en Catalonha, festejarem l’amor”, çò explica la còla de l’Estanquet. “Las femnas vendràn amb de libres, de poèmas d’amor en occitan, en catalan e en francés, e los òmes amb de flors que se poiràn escambiar mutualament”.
Al programa i a una scèna dobèrta literària a partir de 19h, acompanhada de las especialitats del cosinièr. La serada s’acabarà amb un empont musical.
Per mai d’informacions, podètz vesitar la pagina Facebook de l’Estanquet de la Robina.
Dissabte 23: Lecturas e contes en Aran
Lo Conselh General d’Aran e lo collectiu Lengua Viua an organizat una lectura de tèxtes literaris en occitan, lo dissabte 23 d’abril de 12h a 13h, al pè del monument a la lenga, a Vielha.
En mai d’aquò, a 18h se debanarà una serada de contes a la Bibliotèca Generala de Vielha, a la carga de la contaira e musiciana foissenca Pascala Respaud.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Las edicions Caillon Dorriotz tanben preparan un petit quauquaren per la Sent Jòrdi! De descubrir deman de matin sus nòstre blòg!
http://oc.blog.caillon-dorriotz.com
Lo 23 d'abrial es tanben lo jorn que lo Miguel e lo William s'enanèron al paradís dels escrivans de tria. Un meteis jorn de 1616.
Dijòus 21: fèsta de l’amor a Narbona ? Vesètz, mon car Guiraut Riquièr, ont ne sèm casuts : del mieu temps, la fèsta de l'Amor, èra cada jorn que ma dòna m'amava !
Lo 23 d'abriu es encara mai important qu'aquò: es l'anniversari d'una persona qu'estimi mai que tot: IEU...
(un pauc d'umor, fa pas de mau!)
#1 Aquò's una bela causa de difusar la cultura occitana e catalana a Paris. Cal sensibilitzar los parisencs e los franchimands a las nòstras costumas e informar, uèi, l'opinion franchimanda de l'indefugible independéncia del Principat de Catalonha. Exiliat a Paris durant 10 ans, mancavi pas cada an l'aplec del Casal Català de Paris al jardi del "Luxembourg".
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari