Actualitats
Reünion dels presidents de Corsega e de Catalonha
Aqueste primièr rescontre vòl metre en plaça las basas d’una cooperacion durabla entre Catalonha e Corsega dins l’encastre institucional, economic, cultural, lingüistic e esportiu
Lo president del Conselh Executiu de Corsega, Gilles Simeoni, s’amassèt ièr a Barcelona amb lo president de la Generalitat de Catalonha, Carles Puigdemont, dins l’encastre de sa vesita oficiala en Catalonha. Lo conselhièr dels afars exteriors e relacions institucionalas, Raül Romeva, participèt tanben a la reünion.
La reünion fa partida de la sèria de contactes e de reünions que fa Puigdemont amb de dirigents europèus. Lo sobeiranisme còrs es ara un dels fronts que preocupa mai l’estat francés, après la granda espelida dels partits nacionalistas un còp que s'es certificada la fin de la lucha armada.
“Aqueste primièr rescontre vòl metre en plaça las basas d’una cooperacion durabla entre Catalonha e Corsega dins l’encastre institucional, economic, cultural, lingüistic e esportiu. Sul plan politic, lo pòble catalan e lo pòble còrs an exprimit, dins las darrièras eleccions respectivas, lor volontat d’emancipacion. Las situacions politicas, economicas e institucionalas son vertadièrament diferentas. Mas dins los dos cases es una aspiracion comuna a la democracia, a la presa en compte de l’identitat d’un pòble e de son drech al desvolopament”, çò afortiguèt la Collectivitat Territoriala de Corsega dins Corsenet Infos, que tanben soslinhava los acòrdis de cooperacion amb Sardenha e Toscana.
En decembre passat Corsega aguèt “un rendètz-vos amb l’istòria”, coma Simeoni o aviá ben predich en octòbre. Per lo primièr còp lo sobeiranisme còrs prenguèt lo poder a l’Assemblada de l’illa amb un programa que compren l’oficialitat de la lenga còrsa e la consolidacion d’un poder legislatiu pròpri. A la diferéncia de las regions metropolitanas francesas, Corsega a un estatut especial, amb un Conselh Executiu, mena de govèrn regional, e amb una Assemblada, qu’ara los sobeiranistas i tenon 24 sètis, l'esquèrra francesa 12, la drecha francesa 11 e lo Front Nacional 4.
La reünion fa partida de la sèria de contactes e de reünions que fa Puigdemont amb de dirigents europèus. Lo sobeiranisme còrs es ara un dels fronts que preocupa mai l’estat francés, après la granda espelida dels partits nacionalistas un còp que s'es certificada la fin de la lucha armada.
“Aqueste primièr rescontre vòl metre en plaça las basas d’una cooperacion durabla entre Catalonha e Corsega dins l’encastre institucional, economic, cultural, lingüistic e esportiu. Sul plan politic, lo pòble catalan e lo pòble còrs an exprimit, dins las darrièras eleccions respectivas, lor volontat d’emancipacion. Las situacions politicas, economicas e institucionalas son vertadièrament diferentas. Mas dins los dos cases es una aspiracion comuna a la democracia, a la presa en compte de l’identitat d’un pòble e de son drech al desvolopament”, çò afortiguèt la Collectivitat Territoriala de Corsega dins Corsenet Infos, que tanben soslinhava los acòrdis de cooperacion amb Sardenha e Toscana.
En decembre passat Corsega aguèt “un rendètz-vos amb l’istòria”, coma Simeoni o aviá ben predich en octòbre. Per lo primièr còp lo sobeiranisme còrs prenguèt lo poder a l’Assemblada de l’illa amb un programa que compren l’oficialitat de la lenga còrsa e la consolidacion d’un poder legislatiu pròpri. A la diferéncia de las regions metropolitanas francesas, Corsega a un estatut especial, amb un Conselh Executiu, mena de govèrn regional, e amb una Assemblada, qu’ara los sobeiranistas i tenon 24 sètis, l'esquèrra francesa 12, la drecha francesa 11 e lo Front Nacional 4.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Catalunya pot ajudar a Corcega e Corcega a Catalunya, se los caps respectius ho volen, es comunican e parlan sovint. Paris es la capitala de la lum, mas pas la nostra lum. Paris a pas de mar ,nosaltres la blava Mediterrania. Paris ha perdut lo Nord, nosaltres volem pas lo sieu. Es pas nostra patria. Coma disia lo vielh marselhès: M'en foti de la patrio!
Catalunya pot ajudar a Corcega e Corcega a Catalunya, se los caps respectius ho volen, es comunican e parlan sovint. Paris es la capitala de la lum, mas pas la nostra lum. Paris a pas de mar ,nosaltres la blava Mediterrania. Paris ha perdut lo Nord, nosaltres volem pas lo sieu. Es pas nostra patria. Coma disia lo vielh marselhès: M'en foti de la patrio!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari