Aqueste dissabte 25 d’agost, se debanarà a Wembley la finala de la Cup entre Leeds e Warrington.
A una setmana del rendètz-vos bèl, los Lops an daissat filar la partida cò dels London Broncòs: desfaita 62-18.
Los Rinoceròses de Leeds èran venguts, eles, per ensajar de batre unes Dracs dins lo dobte. Mas dins la calorassa de Brutús, davant onze mila espectators pivelats, los Dracs entamenèron la partida del melhor dels biaisses: ensag de Sa tre la 6a minuta, puèi de Dureau (13a) e del capitani Casty (21a). Amb las transformacions de Scòtt Dureau, los Dracs menavan 18-0, mas avián perdut lo dobertura Leon Pryce tocat al genolh al quart d’ora de jòc.
Los angleses trapèron lo camin de l’ensag a la 28a, Scott Dureau passèt una penalitat e, coma tròp sovent, los Dracs concedèron un ensag a la còrna: 20-12 a la pausa. La batèsta dels avants èra tarrible e los Dracs sarrèron las dents e recuolèron pas. Dupòrt a la 46a, puèi Casty tornar a la 59a portavan (amb las transformacions) l’avantatge catalan a 32-12 a l’ora de jòc.
Mas en Super-Liga cal pas jamai creire d’aver ganhat aisidament. E en 8 minutas, amb tres ensags, Leeds tornèt a 32-28. Mas Damian Blanch s’escapava dins sos 20 mètres, Scòtt Dureau tustava a seguir e Millard puntava lo primièr: 38-28 a 5 minutas de la fin.
Lo darrièr ensag del club-campion del monde podiá pas enlevar la victòria als Dracs: 38-34 que tornan trapar atal la quatrena plaça al classament. Per la servar, los Dracs devon ganhar a Castlefòrd lo 2 de setembre, puèi fàcia a Bradfòrd lo dissabte 8 de setembre a Brutús.
Scòtt Dureau es segur d’èsser designat coma lo melhor jogaire de Super-Liga de la sason e de reçaupre la medalha Albert Goldthorpe lo 12 de setembre a St-Helens.
En contra, l’entrainaire de Robinson n’es de 500 èuros d’esmenda per aver romegat contra l’arbitre d’Huddersfield-Catalans.
Per preparar la sason d’Elita, los Dragonets efectuan un estagi en Anglatèrra del 28 d’agost al 4 de setembre amb 2 rescontres al programa contra de formacions juniòrs.
Los novèls societaris del XIII Catalan-St-Estève seràn del viatge: Luke Swain (èx-ASCarcassona), Valetin Ferret e Carles Bozinac (de Lesinhan), Stanislas Robin (de Vilanòva) e Miquèl Roch (Limós).
Los Diables Roges de Montpelhièr seràn entrainats ongan per l’ancian jogaire d’Avinhon e de Lesinhan, Florian Chautard.
Alan Roch
A una setmana del rendètz-vos bèl, los Lops an daissat filar la partida cò dels London Broncòs: desfaita 62-18.
Los Rinoceròses de Leeds èran venguts, eles, per ensajar de batre unes Dracs dins lo dobte. Mas dins la calorassa de Brutús, davant onze mila espectators pivelats, los Dracs entamenèron la partida del melhor dels biaisses: ensag de Sa tre la 6a minuta, puèi de Dureau (13a) e del capitani Casty (21a). Amb las transformacions de Scòtt Dureau, los Dracs menavan 18-0, mas avián perdut lo dobertura Leon Pryce tocat al genolh al quart d’ora de jòc.
Los angleses trapèron lo camin de l’ensag a la 28a, Scott Dureau passèt una penalitat e, coma tròp sovent, los Dracs concedèron un ensag a la còrna: 20-12 a la pausa. La batèsta dels avants èra tarrible e los Dracs sarrèron las dents e recuolèron pas. Dupòrt a la 46a, puèi Casty tornar a la 59a portavan (amb las transformacions) l’avantatge catalan a 32-12 a l’ora de jòc.
Mas en Super-Liga cal pas jamai creire d’aver ganhat aisidament. E en 8 minutas, amb tres ensags, Leeds tornèt a 32-28. Mas Damian Blanch s’escapava dins sos 20 mètres, Scòtt Dureau tustava a seguir e Millard puntava lo primièr: 38-28 a 5 minutas de la fin.
Lo darrièr ensag del club-campion del monde podiá pas enlevar la victòria als Dracs: 38-34 que tornan trapar atal la quatrena plaça al classament. Per la servar, los Dracs devon ganhar a Castlefòrd lo 2 de setembre, puèi fàcia a Bradfòrd lo dissabte 8 de setembre a Brutús.
Scòtt Dureau es segur d’èsser designat coma lo melhor jogaire de Super-Liga de la sason e de reçaupre la medalha Albert Goldthorpe lo 12 de setembre a St-Helens.
En contra, l’entrainaire de Robinson n’es de 500 èuros d’esmenda per aver romegat contra l’arbitre d’Huddersfield-Catalans.
Per preparar la sason d’Elita, los Dragonets efectuan un estagi en Anglatèrra del 28 d’agost al 4 de setembre amb 2 rescontres al programa contra de formacions juniòrs.
Los novèls societaris del XIII Catalan-St-Estève seràn del viatge: Luke Swain (èx-ASCarcassona), Valetin Ferret e Carles Bozinac (de Lesinhan), Stanislas Robin (de Vilanòva) e Miquèl Roch (Limós).
Los Diables Roges de Montpelhièr seràn entrainats ongan per l’ancian jogaire d’Avinhon e de Lesinhan, Florian Chautard.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ablacion del menisc per Leon Pryce.
Faire tenir un ballon FCL à un carcassonnais !!!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari