Marie Kondo es considerada mondialament coma “la Goro de l’Òrdre”. Aquela japonesa, de nonmàs trenta un ans, a ajudat a organizar d’ostals dins la mitat del Mond e es venguda tot un fenomèn. Promet de cambiar la vida de las gents, de nos convertir en personas ordenadas. Per ben capitar, s’es inventat un metòde nomenat KonMari, que poiriam dire que se redutz a doas consignas: eliminar de causas e decidir ont estremar las que gardam. Ditz que totòm pòt aprene d’èsser ordenat s’aplica lo metòde dapasset, e mai l’individú mai desordenat del Mond. Per tant, la revista Time la considerèt coma una de las personas mai influentas de l’an passat.
Kondo trabalha per la definicion d’aquel metòde dempuèi pichoneta. Ditz que tostemps a agut l’obsession de l’òrdre, malgrat que li costèsse fòrça annadas de trobar la formula infalhibla e duradissa. A dètz e nòu ans comencèt de trabalhar professionalament dins aquel domeni e obtenguèt un grand succès dins son país. Se lancèt dins lo mond editorial quand vegèt que podiá pas tractar totas las demandas que recebiá per donar de corses sus l’òrdre. Tant, que decidiguèt de materializar son metòde dins un libre. A finit que n’a publicat dètz, de libres, e se son traduches en diferentas lengas qu’entre elas i a l’anglés, l’alemand e lo catalan.
Lo fenomèn e arribat en Euròpa recentament; e especialament l’an passat amb la publicacion en catalan del libre La màgia de l’ordre [La magia de l’òrdre], editat per Ara Llibres. D’aquel libre ja se n’es vendut quasi quatre milions de còpias dins 33 païses. Vòl èsser una guida per aquerir la mentalitat corrècta e per nos transformar en personas ordenadas.
Marie Kondo ditz dins lo libre que la vida reala començarà après aver mes d’òrdre a l’ostal. Çai jos vos explicam los nòu passes clau per rejónher la nòstra vida per sempre.
1. Gardem exclusivament çò que nos servís
La Goro de l’Òrdre ditz que dins la màger part dels cases gardam una granda quantitat de causas que las fasèm pas servir. Per tant, lo primièr pas es de se desfar de tot çò que n’avèm pas de besonh. Abans de rejónher, cal voidar totes los armaris, puèi cal decidir çò que gardam e çò qu’escampam o donam. Recomanda de dire adieu a las besonhas que devèm pas tornar far servir e de lor dire nòstres mercés pels servicis faches.
2. Demandem-nos s’aquel objècte d’aquí nos dona de gaug
Es un dels ponches centrals de sa teoria. Li sembla que nos deuriam enviroutar exclusivament dels elements que nos pòrtan d’alegrança. Los vestits que, quand los portam, nos fan sentir ben; o aquel recòrd que nos arranca un sorire cada vegada que lo vesèm. Per tant, recomanda d’agachar l’objècte e de decidir se lo gardam o non en vesent se nos dona de gaug: se nos en dona ara, pas dins lo passat.
3. Ordenem per categorias, non per espacis
D’aquela manièra assegura que podèm obténer de resultats melhors. Recomanda de rassemblar totes los elements d’una meteissa categoria, per exemple de libres, dins un membre de l’ostal. Ansin vesèm quant n’avèm al total, e pas sonque dins un luòc concret. Aquò nos ajudarà a prene consciéncia de las causas realament importantas. Aital meteis, conselha de començar per la categoria mai facila per fin que nos descoratgem pas lo primièr dia. Segon Kondo, l’òrdre que cal seguir al moment de rejónher es lo seguent: vestits, libres, papièrs, objèctes divèrses… e cal daissar los recòrds per la fin. D’aquela manièra —çò ditz— nos entraïnarem a prene de decisions e quand arribarem a la partida mai complicada, ja las prendrem amb fluiditat.
4. Rejónher d’un còp, daissar pas res per mai tard
Kondo o ditz clar: o cal far d’un còp. Quant de vegadas nos sèm meses a rejónher un membre de l’ostal e avèm finit que sèm anats dormir en lo daissant pièger que non èra? Per tant, recomanda de se dedicar a organizar una categoria en un sol jorn. Totòm a agut qualque còp la sensacion qu’ordenar èra un procès que s’acabava pas jamai, e a decidit d’o far pauc a cha pauc. Lo metòde KonMari o desconselha totalament: cal un cambiament drastic de mentalitat, cal daissar pas res per mai tard. “S’avanças un pauc cada jorn, acabaràs pas jamai”, çò afirma. Ansin doncas, recomanda de far un ordenament corrècte e efectiu una sola vegada, e puèi de se limitar a lo manténer.
5. Tractar las causas coma se foguèsson de personas
Los objèctes los cal tractar coma se foguèsson de personas, çò ditz Marie Kondo. E ne fornís un exemple clar subre los vestits: mentre que los utilizam, se degalhan per nos far un servici. Per tant, lo minim que podèm far es de los ajudar a se pausar: los cal plegar ben e los daissar pas a l’abandon. D’aquela manièra nos duraràn fòrça mai.
6. Utilizem pas los contenedors d’emmagazinatge
Una de las causas mai importantas per qu’aquel metòde foncione es que tot deu èsser en vista. Nos cal pas utilizar de receptacles d’emmagazinatge perque ocupan fòrça espaci e daissan veire çò que i a dedins. Fin finala, dins aquelas caissas, finís que i a un certan desòrdre e coma lo vesèm pas nos pensam qu’existís pas. Kondo, si ben si, recomanda de far servir de boitas de cauçaduras per organizar los vestits verticalament, coma o podètz veire sus aqueste vidèo.
En daissant de caire los abits que cal penjar, Kondo a un metòde especial per plegar la farda. D’aquel biais, ocuparà mens d’espaci, o aurem tot en vista e caldrà pas remenar al moment de causir l’abit que volgam.
7. Cambiem pas l’armari segon la sason
Amb los aires condicionats e lo calfatge, se càmbia de mens en mens los vestits dins lo pas de las sasons. Per tant, Kondo recomanda d’o aver tot en vista, tant los vestits d’ivèrn coma los d’estiu.
8. Rejongam sols, e impliquem pas degun mai
Es important que fagam aquel procès sols, de bon. Sonque una persona pòt decidir çò que li cal. Se i a los parents, la femna, l’òme o los companhs d’apartament a l’entorn, de segur pensaràn d’una manièra diferenta e nos trobarem obligats de gardar d’objèctes perque eles o nos diràn.
9.Demandem-nos se çò que qu’avèm davant ja a complit sa foncion dins aquesta vida
Kondo defend que tot a un cicle dins aquesta vida. Per tant, quan chifram se çò qu’avèm davant nos rend aüroses, nos cal pas pensar al passat. Ben sovent gardam de causas perque un jorn nos faguèron un servici. Mas nos cal pensar al futur e, donc, cal veire s’aquel objècte a ja donat tot çò que nos deviá donar.
Txell Partal
Botiga en linha de Vilaweb: lo libre de Marie Kondo en catalan, La màgia de l’ordre [La magia de l’òrdre]
Kondo trabalha per la definicion d’aquel metòde dempuèi pichoneta. Ditz que tostemps a agut l’obsession de l’òrdre, malgrat que li costèsse fòrça annadas de trobar la formula infalhibla e duradissa. A dètz e nòu ans comencèt de trabalhar professionalament dins aquel domeni e obtenguèt un grand succès dins son país. Se lancèt dins lo mond editorial quand vegèt que podiá pas tractar totas las demandas que recebiá per donar de corses sus l’òrdre. Tant, que decidiguèt de materializar son metòde dins un libre. A finit que n’a publicat dètz, de libres, e se son traduches en diferentas lengas qu’entre elas i a l’anglés, l’alemand e lo catalan.
Lo fenomèn e arribat en Euròpa recentament; e especialament l’an passat amb la publicacion en catalan del libre La màgia de l’ordre [La magia de l’òrdre], editat per Ara Llibres. D’aquel libre ja se n’es vendut quasi quatre milions de còpias dins 33 païses. Vòl èsser una guida per aquerir la mentalitat corrècta e per nos transformar en personas ordenadas.
Marie Kondo ditz dins lo libre que la vida reala començarà après aver mes d’òrdre a l’ostal. Çai jos vos explicam los nòu passes clau per rejónher la nòstra vida per sempre.
1. Gardem exclusivament çò que nos servís
La Goro de l’Òrdre ditz que dins la màger part dels cases gardam una granda quantitat de causas que las fasèm pas servir. Per tant, lo primièr pas es de se desfar de tot çò que n’avèm pas de besonh. Abans de rejónher, cal voidar totes los armaris, puèi cal decidir çò que gardam e çò qu’escampam o donam. Recomanda de dire adieu a las besonhas que devèm pas tornar far servir e de lor dire nòstres mercés pels servicis faches.
2. Demandem-nos s’aquel objècte d’aquí nos dona de gaug
Es un dels ponches centrals de sa teoria. Li sembla que nos deuriam enviroutar exclusivament dels elements que nos pòrtan d’alegrança. Los vestits que, quand los portam, nos fan sentir ben; o aquel recòrd que nos arranca un sorire cada vegada que lo vesèm. Per tant, recomanda d’agachar l’objècte e de decidir se lo gardam o non en vesent se nos dona de gaug: se nos en dona ara, pas dins lo passat.
3. Ordenem per categorias, non per espacis
D’aquela manièra assegura que podèm obténer de resultats melhors. Recomanda de rassemblar totes los elements d’una meteissa categoria, per exemple de libres, dins un membre de l’ostal. Ansin vesèm quant n’avèm al total, e pas sonque dins un luòc concret. Aquò nos ajudarà a prene consciéncia de las causas realament importantas. Aital meteis, conselha de començar per la categoria mai facila per fin que nos descoratgem pas lo primièr dia. Segon Kondo, l’òrdre que cal seguir al moment de rejónher es lo seguent: vestits, libres, papièrs, objèctes divèrses… e cal daissar los recòrds per la fin. D’aquela manièra —çò ditz— nos entraïnarem a prene de decisions e quand arribarem a la partida mai complicada, ja las prendrem amb fluiditat.
4. Rejónher d’un còp, daissar pas res per mai tard
Kondo o ditz clar: o cal far d’un còp. Quant de vegadas nos sèm meses a rejónher un membre de l’ostal e avèm finit que sèm anats dormir en lo daissant pièger que non èra? Per tant, recomanda de se dedicar a organizar una categoria en un sol jorn. Totòm a agut qualque còp la sensacion qu’ordenar èra un procès que s’acabava pas jamai, e a decidit d’o far pauc a cha pauc. Lo metòde KonMari o desconselha totalament: cal un cambiament drastic de mentalitat, cal daissar pas res per mai tard. “S’avanças un pauc cada jorn, acabaràs pas jamai”, çò afirma. Ansin doncas, recomanda de far un ordenament corrècte e efectiu una sola vegada, e puèi de se limitar a lo manténer.
5. Tractar las causas coma se foguèsson de personas
Los objèctes los cal tractar coma se foguèsson de personas, çò ditz Marie Kondo. E ne fornís un exemple clar subre los vestits: mentre que los utilizam, se degalhan per nos far un servici. Per tant, lo minim que podèm far es de los ajudar a se pausar: los cal plegar ben e los daissar pas a l’abandon. D’aquela manièra nos duraràn fòrça mai.
6. Utilizem pas los contenedors d’emmagazinatge
Una de las causas mai importantas per qu’aquel metòde foncione es que tot deu èsser en vista. Nos cal pas utilizar de receptacles d’emmagazinatge perque ocupan fòrça espaci e daissan veire çò que i a dedins. Fin finala, dins aquelas caissas, finís que i a un certan desòrdre e coma lo vesèm pas nos pensam qu’existís pas. Kondo, si ben si, recomanda de far servir de boitas de cauçaduras per organizar los vestits verticalament, coma o podètz veire sus aqueste vidèo.
En daissant de caire los abits que cal penjar, Kondo a un metòde especial per plegar la farda. D’aquel biais, ocuparà mens d’espaci, o aurem tot en vista e caldrà pas remenar al moment de causir l’abit que volgam.
7. Cambiem pas l’armari segon la sason
Amb los aires condicionats e lo calfatge, se càmbia de mens en mens los vestits dins lo pas de las sasons. Per tant, Kondo recomanda d’o aver tot en vista, tant los vestits d’ivèrn coma los d’estiu.
8. Rejongam sols, e impliquem pas degun mai
Es important que fagam aquel procès sols, de bon. Sonque una persona pòt decidir çò que li cal. Se i a los parents, la femna, l’òme o los companhs d’apartament a l’entorn, de segur pensaràn d’una manièra diferenta e nos trobarem obligats de gardar d’objèctes perque eles o nos diràn.
9.Demandem-nos se çò que qu’avèm davant ja a complit sa foncion dins aquesta vida
Kondo defend que tot a un cicle dins aquesta vida. Per tant, quan chifram se çò qu’avèm davant nos rend aüroses, nos cal pas pensar al passat. Ben sovent gardam de causas perque un jorn nos faguèron un servici. Mas nos cal pensar al futur e, donc, cal veire s’aquel objècte a ja donat tot çò que nos deviá donar.
Txell Partal
Botiga en linha de Vilaweb: lo libre de Marie Kondo en catalan, La màgia de l’ordre [La magia de l’òrdre]
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Me sembla que lo Camin de la Ceba es dins Occitània :) .
#9 as rason Tiston. milhor parlar de novela zelanda, d'estruç de l'ostau e de plic-plac-ploc meilèu que non pas las lutas socialas en occitània, las lgv, l'estat d'urgéncia.
çò que criticas, sui pas jo dont lo defendi, Bòbi !
#1#8 E donc contunhem dab las sonsainas PNO-POC-OPLO-PLOC-PLIC-PLAC, e dancem lo Jan Petit e celebrem l’obertura d’ua calandreta a Gonfla-la-Bofiga qui aürosament vien compensar la barradura de la d’entre Galhac e Rabastens. Quaranta ans que hèm atau dab lo succès qui sàbem.
Mentretant l’umanitat qu’ei a v’ac arroeinar tot, las religions que son a desgolhà’s a tira qui pòt com au beròi temps de la Senta Liga e de l’Empèri ottoman, e lo còsmos pregond qu’ei a nos revelar segrets de qui n’auràn pas lo temps de ns’esmiraglar, mes aquò rai, que non son subjèctes occitans.
…
Bon, d’acòrd, lo metòde per non pas pèrde’s ua de duas caucetas a cada bugada n’ei pas çò qui mei m’apassiona tanpauc.
En mei d’aquò qu’estoi hòrt decebut, que’m pensèvi de que m’anèvan explicar com èster ordenat caperan. Mes lhèu n’ei pas tròp l’òra d’assabentà’s, que la vocacion sembla de las safranosas.
#2 ok, un complèxe d'inferioritat, autant per jo.
pensavi lo problèma occitan èra de pas éster conscient de sa cultura, de son istòria, de son econòmia, de son actualitat sociala, esportiva.
En occitania coneissi una femna que volia tot gardar e jamai jetar mesme çò que podia pus servir.
Era constipada; avia daus maus a laissar partir çò que sas tripas aurian degut laissar passat e quò li fasia mau au ventre. Gardava mesma sas emocions e aquò li tordia los budeus. Coma quò lo problem es ben psicologic.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari