Actualitats
Corsega prepausa a Catalonha de crear un espaci politic de la Mediterranèa occidentala
Pel primièr còp s’es debanada en Catalonha una vesita oficiala del president del Conselh Executiu de Corsega
Convidat pel govèrn catalan per una reünion bilaterala, Gilles Simeoni foguèt recebut diluns a Barcelona pel President de la Generalitat de Catalonha, Carles Puigdemont, amb qui s’amassèt pendent doas oras. L’objectiu èra d’establir las basas d’una cooperacion sostenabla dins las esfèras politica, economica e culturala entre Catalonha e Corsega per fin d’aver un màger pes politic en Euròpa e en Mediterranèa.
En una longa entrevista al jornal Corse Net Infos, Gilles Simeoni explica sa proposicion de considerar una cooperacion multilaterala amb l’objectiu d’estructurar un espaci politic de la Mediterranèa occidentala. “Avèm prepausat de pensar a una cooperacion multilaterala per estructurar politicament l’espaci de la Mediterranèa occidentala. Catalonha i poiriá jogar un ròtle de locomotiva pr’amor de son pes demografic, economic e politic”, çò explica lo president còrs. E crei que, a Puigdemont, sa proposicion li semblèt positiva: “Globalament, [Catalonha] a interès de jogar, d’un ponch de vista geostrategic, un ròtle de locomotiva dins lo contèxt d’un desplaçament del centre de gravitat d’Euròpa vèrs la Mediterranèa e lo Sud.”
Après aver parlat de l’articulacion d’aquel possible nòu espaci politic europèu, lo president còrs indiquèt tanben una “cooperacion bilaterala” entre Corsega e Catalonha, que se poiriá estendre a l’economia, los transpòrts, lo refortiment de las rotas aerianas, la promocion lingüistica, l’integracion…
Es pas lo primièr còp que lo govèrn catalan manten de contactes dins aquela amira de la Mediterranèa occidentala. En novembre de 2005 lo conselhièr primièr de la Generalitat de Catalonha, Josep Bargalló, faguèt un viatge institucional per dobrir de nòvas vias de collaboracion entre Sardenha e Catalonha, en s’entrevistant en aquel primièr moment amb lo primièr cònsol de l’Alguer e amb lo President de Sardenha Renato Soru. Es una politica de collaboracion que s’es mantenguda de manièra mai constanta a l’Alguer, mas que rèsta segurament de consolidar dins lo domeni sarde.
Aquesta nòva es adaptada de Geopolítica.cat amb qui Jornalet a un acòrdi de cooperacion
En una longa entrevista al jornal Corse Net Infos, Gilles Simeoni explica sa proposicion de considerar una cooperacion multilaterala amb l’objectiu d’estructurar un espaci politic de la Mediterranèa occidentala. “Avèm prepausat de pensar a una cooperacion multilaterala per estructurar politicament l’espaci de la Mediterranèa occidentala. Catalonha i poiriá jogar un ròtle de locomotiva pr’amor de son pes demografic, economic e politic”, çò explica lo president còrs. E crei que, a Puigdemont, sa proposicion li semblèt positiva: “Globalament, [Catalonha] a interès de jogar, d’un ponch de vista geostrategic, un ròtle de locomotiva dins lo contèxt d’un desplaçament del centre de gravitat d’Euròpa vèrs la Mediterranèa e lo Sud.”
Après aver parlat de l’articulacion d’aquel possible nòu espaci politic europèu, lo president còrs indiquèt tanben una “cooperacion bilaterala” entre Corsega e Catalonha, que se poiriá estendre a l’economia, los transpòrts, lo refortiment de las rotas aerianas, la promocion lingüistica, l’integracion…
Es pas lo primièr còp que lo govèrn catalan manten de contactes dins aquela amira de la Mediterranèa occidentala. En novembre de 2005 lo conselhièr primièr de la Generalitat de Catalonha, Josep Bargalló, faguèt un viatge institucional per dobrir de nòvas vias de collaboracion entre Sardenha e Catalonha, en s’entrevistant en aquel primièr moment amb lo primièr cònsol de l’Alguer e amb lo President de Sardenha Renato Soru. Es una politica de collaboracion que s’es mantenguda de manièra mai constanta a l’Alguer, mas que rèsta segurament de consolidar dins lo domeni sarde.
Aquesta nòva es adaptada de Geopolítica.cat amb qui Jornalet a un acòrdi de cooperacion
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es aquò que cal far: téisser de ligams en defòra de las telaranhas estatalas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari